ديوانية شموسه ورينبو...الي ولادتها بالصيف تتفضل تقرق معانا

[rainbow_brite]

شموسه سلامتها مريومه وما تشوف شر



بنات تواسع بيري وسعوده ودونات وقريبا كش كش تنظم للتواسع الله يسهل عليكم يالله نبي نسمع اخبار ولاده يالله بنات وحده تير الثانيه




بنات ابو الشباب وافق يرد الاشتراك ولكن بشروط عسكريه بحته جدا جدا جدا



اصلا تبون الصج ما عندي وقت اتشوفوني اركض ورا هذا والبس هذا وخدامتى عليها المطبخ هالايام ووايد مضغوطه ومن بدا خلود دوام اقوم البسه الصبح وانطره يرجع واقعد ادرسه اعطيه مقدمات عشان ياخذ فكره عن الحروف فماكو وقت للراحه من ينامون عيالي بالليل اجابل الصغير وبعدين اقط راسي عالفراش من غير ما احس وابو الشباب عليه السلام

 

[rainbow_brite]

يالله اخليكم بروح قسم المطبخ بدورلي سلطه اسويها حق الفطور خخخخخ




ناطره اخباركم




باي

 

[كاشونه الاصليه]

الا بغيت اسالكم بنات

بنتي سرها يخررررررررررع ناط فوق حيل شكبره

ولمن المسه واضغطه شوي يطلع صوت واحس انه يعورها

لمن تبكي ينط يصير شكبره

قلبي يعورني قمت اكره اغيرلها عشان ماشوفه

اليوم حطيتلها الحزام الي من الصيدليه وعلى الله ينفعها

الدكتور يقول يبيلها عمليه لمن تكمل سنه

يا بعد عمري ما تشوف شر

 

[berry]

سلام عليكم بنات ... أحد سأل عني وعليه منسيه شلون دونات وسعادتي ولدو؟
على فكره انا ولدت

 

[سعادتي برضى ربي]

بري : الف الف مبروك والحمدلله على سلامتج صح عااد ولدتي بعد عمري شلونج شخبارج وشصااار معاااج بالتفصيل انتي بأي اسبوع ولدتي ومتى كان المفروض موعدج

سامحينا ماسألنا والله حدي لاهيه صيام وتعب واحاتي متى اولد

 

[كاشونه الاصليه]

سلام عليكم بنات ... أحد سأل عني وعليه منسيه شلون دونات وسعادتي ولدو؟
على فكره انا ولدت

ألف مبروك سويتيهااااااااااااا والله صج كلام سعادتي لويه الرمضان ومدارس و و و ما انخلص شنو يبتي ابي قصه من طأطأ لي السلام عليكم حبيبتي مبروك وحمدالله على السلام ويتربى بعزج

 

[ملاك هدية]

الله يعينه ويشافيه ويخليه لكم


بنوتي الجديده سميتها مريم على اختي<<<< مع انها اصغر مني بس تستاهل الي يسمي عليها فديتها

الله يخلي مريم الكبيره والصغيره لج وتترابا بعز ابوها

 

[ملاك هدية]

سلام عليكم بنات ... أحد سأل عني وعليه منسيه شلون دونات وسعادتي ولدو؟
على فكره انا ولدت

الف الف مبروك والحمدلله على السلامه
بشري شجبتي؟؟

 

[ام حمووودي]

بيري الحمدلله على سلامتج ومبروك ماياكم

 

[أوشال]

هااااااي يا بطات

شخباركم

 

[ام حمووودي]

اهلين مفشوشه هانم شلونج وشلون العبد وبنيتج انشالله بخير؟؟

 

[rainbow_brite]

مبروك بيري المولود اليديد وحمد الله على سلامتج

 

[rainbow_brite]

ام حمودي شلونج وشلون باجيلا ونخيه خخخخخخ ان شا الله زينين



اوشال شلونج وشلون الريجيم معاج برمضان


اوشال صج بسالج انتي سميتي ولدج عبد الله مو جنج كنتي تبين تسمينه سلمان

 

[ام حمووودي]

هلا هلا رينبو والله الورعان بخير انتي شلون وراعينج انشالله تمام ؟؟؟

 

[rainbow_brite]

واي ام حمودي ينيت ينيت اتخيلي اا اليوم قاعده من فير الله لبست خلود وريلي وداه الروضه عاد ما نمت لان خلود عنده لقاع تنويري مع الاهل بالروضه رحت ولم خلص الاجتماع يبته معاي رديت البيت لبسته وغديته اهوا واخوه وجابلت الصغير وبعدها دشيت المطبخ مع الخدامه بسوي تشريبة مرق لحم ريلي بودي المسيد وخفت ما تضبطه ريلي العصر كان نايم وقام قبل المغرب بشوي عيالي كل واحد من صوب يبي شي وانا مو عارفه اوزع نفسي على منو ينيت والله نطرت بس فطرنا واخذهم وماسكه اعصابي وادخلهم الله يعزج الحمام واسبحهم بماي دافي وخليتهم يتنقعون بالماي مع الالعاب واطلعهم عشيتهم زنشفت شعرهم بالسشوار وهذا كله وخدامتي ما تقدر تساعدني وعليه عليها المطبخ والمواعين وتوها فاطره هم تبي ترتاح شوي وادخلهم الفراش وانا قاطه راسي على فراشهم والصغير فارشتله عالارض فراش ويحن نامو عيالي واخذ الصغير وارضعه وحذفته بفراشه ونمت نومه ما قمت الا الساعه 10 لقيت ريلي قاعد بالصاله وتلفوني داقه علي مرة اخوي ورفيجتي وامي داقه قعدت بالصاله وحدي متعسره جان اقول حق ريلي بروح الدار شوي بس بقط روحي بالفراش بردانه خخخخخ واطقها نومه لي 12.30 عاد لم قمت لقيت ريلي مسخنله الاكل قاعد يتعشى قعدت معاه دقيقتين وداخ وراح نام وهذا انا قاعده الحين بروحي ويا الحلو عبود بس اهم شي البيت هدوووووووووووووووووووووووووووووووء


واي احس حياتي صايره XXXXXXXXXX

 

[rainbow_brite]

الحين بصلي الفير وبنوم الصغير وانام احس بعد ما شبعت فيني حرمان نوم مو طبيعي

 

[ام حمووودي]

وااااااااااي يابعد قلبي الله يعييينج عذاااب اسملله عليهم ... انا مااطبخ وفيوزاتي ضاربه هالمره لو اطبخ شيصير فييني انهبل...

اتصدقين عاد هالاسبوع ماوديت حمود الحضانه استمرض واعتفست نومته عاد قلت حق ريلي ودي اسحبه من الحضانه الحين واخليه يداوم عقب العيد لان يومي اعتفس وياه الاسبوع اللي طاف

 

[ام حمووودي]

الحين اليهال نايمين بس انا اللي قاعده واليوم ريلي يحن يبي يخلي حمود يداوم باجر وحمود حضرته مانام الا جريب الساعه 2 مااعتقد يقدر يقوم مبجر ويداوم ... وانا مثلج قلت بصلي واروح اقرالي جم ايه واحط رويسي وانام عاد مايندرا الاخ محمد يداوم باجر ولا لأ

 

[rainbow_brite]

سلامات ما يشوف شر حمودي اتصدقين انا كنت بحط حمود حضانه بس ريلي قالي عقب رمضان بس اتوقع اذا بتسحبينه ما يردون الفلوس حرام وترا لو مو مسجلته احسن لان رمضان على الاقل كنتي ما راح تلتزمين تقومين الصبح وتلبسينه انا خلود غصبن علي لان روضه ومستوى ثاني المفروض ما يتعود على الغياب انا كل اجازات الامومه اللي قبل كنت انام على كيفي بس هالامومه غي لان فيها قومة صبح حق خلود وانا ام حمود ما اطبخ كل مره جان صار الوضع كل يوم نفس اليوم انا بس اذا في شي ما اتضبطه انا اسويه والسلطات اهي اتقصص وانا اللمسات الاخيره خخخخ خدامتي تعرف تطبخ اشوه والا ما الحق انتي تدرين انا اليوم ليش بالمطبخ معاها امبييييييه شسوا بالصاله ما خلو قنفه ما طيحوها ما خلو شي اسم اللله عليه الوسطي فترة اكتشاف كله وده يحط شي ويركب فوقه عشان يطول الاشياء والتحف اللي فوق الارفف بالصاله اتخيلي يقلب تكرمين الزباله طبعا يقط الوضاخه عالارض ويركب فوقها عشان يطول الاشياء طلعت من المطبخ عافسين الصاله فوق تحت



وااااي ودي خدامه ثانيه بس ريلي رافض الفكره قطعيا ونهائيا

 

[rainbow_brite]

اتصدقين ام حمود غلط اتسهرينه لي 2 المفروض الياهل اللي عنده حضانه او روضه على 7.30 يكون نايم اتشوفينه الصبح من كيفه يقوم وبكل نشاط واتحسينه مستانس لا اخلينه ينام العصر انا غير رمضان ايام مال ادوام ما انام العصر اتشوفيني اذبح نفسي اقعد معاهم عشان بس ما ينامون وبالليل لا نامو ارتاح واقعد اشوف نفسي شوي واقلب تلفزيون اخذ راحتي بهدووء