ديوانية مغتربات بريطانيا

[brat]

برات ادري حبيبتي انج ساكنه هناكبس انتي قلتي فيرجن ماخبري فيرجن يوقف !!! يمكن قصدج لندن ميدلن انا علقت بس علي فيرجن ماياخذ وايد وقتكوين كويت حبيبتي لو مو انتي الي كنتي تستفسرين بالخاص عن كوفنتري جان قلت اكيد غلطانه باسم الجامعه او في لبس طبعا انا ما اشكك بمصداقيه كلامج حشابس ممكن ماوفقتي بناس تكتسبين منهم معلومات تفيدج خصوصا ان الي فهمته انتي مادرستي بالجامعه كلش صح ؟ قلتيلي توج فاونيدشن يير حتى قلتلج انتي تدرسين فالكامبوس ؟؟ الي اهي سكول اللغه واتوقع بلغتيني عقب فتره انج سافرتي ماكملتي حتى شهر في المنطقهجامعة كوفنتري اهي مصنعه لتكاسي لندن الي لونها اسودحتى لو تلاحظين داخل التاكسي موجود اسم كوفنتري او شعار المنطقه الي اهي الجوديفا وحتى شركة جاكوار لها علاقه في الجامعه وتطوير سياراتهاوالجامعه صعدت الى التوب 20 في بريطانيا ومن اقوي الجامعات في الهندسه كرمت الملكه اليزابيث تخصص الهندسه التوب 5 على مستوي تخصصات الهندسه قي جامعات بريطانياهذا فيديو يبين التكريموفي الثانيه 55 لو تلاحظين من بين الدكاتره واحد لابس روب عليه لون برتقالي هذا دكتور بول عميد الكليه و الي اسس القسم وحط الخطه الدراسيه واهو حائز علي جائزه نوبلhttp://www.youtube.com/watch?v=keepjqxi2xu(سوري ما اشتغل معاي تحميل اللينك فاذا حابه تتأكدين الله لايهينج تسوينله كوبي)سوري مره 2 قرقت وايد مابي احط نفسي محاميه او بموقف المدافع بس حبيت افيدج بإلي اعرفه ياقلبي

ويييه لا آنا نو وي أروح لندن عاللندن مدلاند!! القطار يطول ساعتين ويوقف مليون مكان
آنا أروح على فرجن السريع، اللي سعر التذكرة كان ٣٤ والحين صار ٤٢ باوند
مادري يمكن على أيامج ما كان يوقف، بس الحين يوقف ميلتون كينز وجم منطقة، يعني حده ٤ وقفات بس وقفة سريعة، دقيقتين ويمشي

 

[brat]

مودل لوك انتي الحين بكوفنتري؟
وين ساكنة if you don't mind آنا أدرس بجامعة ووريك

 

[رهف المذهله]

هاي اشلونكم انا انشاء الله بروح بريطانيا شهر 9 والله كريم لاني احاتي بنتي تروح اولى روضه وما ادري هل اوديها مدارسهم ولا لا لاني قريت علي النت ان مدارسهم يدرسون اليهال عن المسيح وعن دينهم فانا خايفه علي بنتي والله يا بنات اني افكر اني اقعدها معاي بالبيت سنتين وبعدها ارد الكويت علشانها تكفون اللي عندها عيال بمدارسهم تقول لي عنهم لاني حدي خايييييييييفه وبس شكرا

 

[brat]

رهف المذهله سوري ما عندي أي فكرة عن مدارسهم لأن ما عندي عيال
بس ما أتوقع إن يدرسونهم عن المسيح لأن اللي أعرفه إن ما يدرسون دين!!
الدين اللي يبي يدرسه يروح الكنيسة
بالعكس دخليها منها تكسب لغة وتصير اجتماعية

 

[manchester girl]

- سبب الغربه :بعثه
-مدتها : 6 سنين :eh_s(16):
-حالتها الاجتماعيه : طمـــوووووشـــه
- صعوبات الغربه : وحشه الاهل و الكويت / كل طبخه لازم تطلع ناشفه..محروقه ..مو مستويه ههههههه
-مواقف مضحكه : ما راح اقول >> عداو و خربطاوو
-مطاعم مميزة: نـــواب يمي يمي

 

[brat]

^^ هلا مانشستر جرل
تدرسين صيدلة؟ والحين جم سنة صارلج؟
لوووول بالنسبة للطباخ نفس الحالة والله
والمطعم اللي قلتي عنه شنو أكله؟
والله يوفقج بدراستج إنشالله

 

[Model Look]

مودل لوك انتي الحين بكوفنتري؟
وين ساكنة if you don't mind آنا أدرس بجامعة ووريك

لاا انا مو بكوفنتري
انا بيورك :eh_s(7):

 

[brat]

موفقة إن شاء الله

 

[fsfoorya]

قوووة بنات ..
ابيكم بليييز تقولوولي شنو احسن الجامعات حق الهندسة
دخلت على اللنكات الي حاطتهم كويت كوين بس ابي من تجاربكم انتوا

 

[& الذاهبه &]

مرحباا

بناات ابونا بيروح بريطانيا للدراسه بس انا احاتي عيالي شلون عالمدارس
اللي عندها عيال يدرسون تفيدنااا

 

[اسرار70]

اب اب

 

[ام مضاوي]

بنات يعطيكم العافيه

عندي استفسار

انا بنتي حاليا خلصت كي جي 1 بالكويت وماكانت منتظمه فيها اصلا يعني داومت بو شهرين جذي بسبب سفرنا المتقطع
واهي مواليد شهر 2 <<<< يعني داشه الروضه مبچر مثل ما اهو متعارف عليه نظامنا بالكويتي مواليد 3/15 يسبقون الي بعمرهم بسنه

وبنتي سجلناها روضه للعام الدراسي القادم ببريطانيا وحطولنا موعد مقابله في البيت
وإلي طااااااااافنا ما سألنا عن شغله

هل راح تكمل بنتي ب كي جي 2 ؟؟؟ عندهم نفس نظامنا بما انها من مواليد شهر 2 /2007
و مواليد 2007 العام الدراسي القادم بيدشون اولي روضه!!

انا ماعندي مشكله مع الروضه بس مااودي يأخرونها عن الابتدائي
لان ان شاء الله أول سنوات الابتدائي بتدرسها هناك بعد

ياريت الي عارفه النظام تساعدني
ولاني مو عارفه ايميل الروضه اراسلهم واستفسر

 

[kuwait_queen82]

اب اب لعنون ام مضاوي

 

[ام مضاوي]

يسلمووو كوين عالأببب


ليش الموضوع نايم!!!

 

[جِراحُ الغَرام]

حبيبتي بنتج بتروح 2 روضه ؟
اهني نظامهم غير ....
انا بناتي مواليد شهر 1 2007 ...
من عمر 3-4 سنوات pre-school وهذا العمر الحكومه البريطانيه تدفع لساعتين باليوم حق الحضانات ( لأن مالهم صفوف بالمدارس ) وها العمر يعتبر اولى روضه ... بناتي حاليا من هالمرحله ...
بس شهر 9 راح يدشون reception class اللي عمرهم 4-5 سنوات وهذا يكون صف بالمدارس ... بالحكومه .. طبعا قدمت وما قبلوهم بولا مدرسه ووحده ويتينق ليست بس بعيده ... ففكرت احطهم بالخاص خصوصا ان الكويت تتكفل فيهم بمبلغ تقريبا من 100- 150 دينار بالشهر للطفل ...
يعني بنتج تعتبر reception وهم تأكدي من المعلومه من المحافظه مالتكم ...
وسوري عالتاخير

 

[ام مضاوي]

جراح الغرام

يسلموووو عالرد

بس اسمحيلي ودي بتوضيح اكثر-انتي بناتج تقريبا مواليد بنتي شلون حاليا بالحضانه قصدج؟ ومافهمت سالفة دفع الحكومه البريطانيه

واوك من ٣-٤ يعتبر روضه
و٤-٥ ريسيبشن كلاس المرحله الي بتكون فيها بنتي بس بعدها بتدخل اولي ابتدائي؟؟ سوري احس أسألتي وايد >>>استيعابي صاير بطئ من الخرعه بعد جم يوم بولد فلا تواخذيني




وعندي ولدي سنتين ونص ماسجلته كللللش لاني ماكنت ناويه
لكن حاليا مفكره ضروري ادخله حضانه
شلون اسعار ومستوي الحضانات ؟؟ نظامهم جم ساعه يستقبلون الطفل ؟؟ ياريت اذا عندج خبره تفيديني لان ماصادفت احد عنده طفل بهالعمر من المغتربين هناك *

 

[ام مضاوي]

قريت ردج مره ثانيه جنه استوعبت نوعا ما


رسوم المدرسه الشهريه بيكون بحدود ٦٠٠ باوند لانها خاصه مثل ماقلتي بتتكفل الكويت بدفع نص المبلغ
هالمبلغ يعتبر زين ولا لا؟ والمدرسه مستواها حلو ان شالله مثل ماسمعنا ونصحونا فيها بعض اخوانا الخليجيين

وشرايج بمدارس الحكومه عندهم؟؟ مادري ليش اتحاد الطلبه حذرنا نوعا ما من المدارس الحكوميه لكثرة الشكاوي عليهم وانصحونا بالمدارس الخاصه

 

[جِراحُ الغَرام]

حبيبة قلبي ان مضاوي
بناتي المفروض من شهر 9 اللي طاف يدخلون اولى روضه بالكويت بس كنت بلندن ونظامهم ان صفوف البري سكوول يكونون بالحضانات مو مدرسه ... يعني مالهم صفوف بالمدارس ...
الحكومه البريطانيه تتكفل بدفع مبلغ مساعده يوصل حق الحضانه مباشره للطفل من 3-4سنوات ( يدفعون سعر ساعتين باليوم فقط )
اي بعد الريسبشن كلاس اللي تدخل اولى ابتدائي يكون عمرها من 5-6سنوات
بالنسبه للحضانات فيه حكومي وفيه خاص وانا جربت الخاص لأن قريب من سكني وماكنا عارفين النظام
اسعراهم لج عليها لأني عندي توأم مشركتهم بس يومين بالاسبوع من 8 الى 5ونص يطلع علينا 400 باوند للوحده بس مع المساعده يقل بحيث ان ندفع جزء بسيط
الحضانات يقسمون اليوم الى قسمين اذا تبين دوام الصبح من 8 الى 12 ونص ودوام العصر من 12 ونص الى 5 ونص وفي ان بو يوم كامل انتي تختارين يومين او3 او طول الاسبوع
اعرف ثنتين دخلوا عيالهم حضانه بو نص يوم اللي يكون من ال12 ونص الى 5 ونص بس دوامهم يومي بس ما اعرف السعر بالضبط جم
وانتي تقدرين تسألين الحضانه عن هالشي وما يقصرون

سعركم شوي ارخص من اسعار المدارس اللي عندنا
اللي عندنا بالشهر 800 باوند الى 900 وشي ضرب 9 شهور ( حق السنه الدراسيه ) ضرب 2 ( عدد بناتي فيطلع وااايد )
وماجربت مدارس الحكومه لأن ماصر لا حضانه والحين ماكو مقاعد حقهم بالحكومه

 

[رندوما]

مرحبا خواتي انا رايحة لولسل برمنقهام احد يعرف عنها شي يفيدني مع العلم انا رايحة وعياليى بدون زوجي ومن جد خايفة اضيع وايشكون فيني بالمطار حتى انجليزي ماعرف وش السوات يالربعات ههههههههههه

 

[kuwait_queen82]

رندوما قوليلنا شنو تبين تعرفين بالضبط علشان نقدر انساعدج ؟؟