ديوانية مغتربات بريطانيا

[ام مضاوي]

اهو النساة كله نووووووووم
واشبعي نوم وانا اختج عليج بالعافيه
أنا كنت أكثر وحده أنام بالدنيا لدرجة امي كانت تتفحص نفسي وانا نايمه لايكون ميته وودتني الطبيب سوتلي فحوصات
طلع طبعي جذي مو مرض
وكنت احاتي هالشي بعد الملجه لايأثر على حياتي بس الحمدلله زوجي يطوفلي لوووول

وألحين أحمد ربي اذا نمت ٥ ساعات بس
من عيالي الله يخليهم
لدرجة أضحك الحين وانا اكلم امي أقولها تذكرين قبل عرسي بشهر نمت ٢٤ ساعه شبه متواصله ههههههههههه

وتوصلين بالسلامه ان شالله


بسألج عن عطر شانيل بيج الي قلتي عنه
احصله بدبنهامز ؟؟ ولا بس حصري للبوتيك؟

 

[Model Look]

حصري العطر تلقينه في سلفرج

 

[zozii]

الله يردكم بالسلامة

والله انا للحين ادرس ثانوي ب 11

قولولنا شلون كنتوا بهالمرحله و جم كانت نسبكم بالتخرج و شلون يبتوا هالنسب

تكفون ودي ادرس براا بس خايفه ما اييب نسبة

 

[kuwait_queen82]

مساء الخير بنات اشلونكم و ام النجود حياج الله بدوانيه مغتربات
موديل لك الله يسهل عليج و تولدين بالسلامه
اتصدقون طيرانا يفشل مافي و لا رحله حق مانشتر ودي اعرف غالي على شنو ؟؟

 

[kuwait_queen82]

زوزي انا تخرجت من المرحله الثانويه و مو مصدقه اني تخرجت منها سنتين و انا اتحلم اني اقدم امتحان الفاينل وماشالله يبت نسبه الي حتى معهد الاتصالات و الملاحه مانقبلت فيه بس يالله الحمدالله انا بمرحله تمهيديه و انشالله ايب نسبه فيها و يرسلوني بعثه اتوقع سوالج يمكن للبنوتات الي متفوقات
و بالتوفيق انشالله

 

[kuwait_queen82]

where are you guys ??

 

[متوفيه امس]

I'm here without your face.
​

 

[ام مضاوي]

هلا كوين

شخبارج؟

محد فيكم رد من الكويت؟ باجر تبدي الدوامات
والمدارس داومو من الاسبوع الي فات

 

[kuwait_queen82]

هلا عمري ام مضاوب انشالله انا هليومين عندكم
اشلونج واشلون اعيالج؟

 

[ريشه فنانه]

مساء الخير يا بنات الديوانيه

شخباااااركم ولهت عليكم بس كنت مشغوووووله مع الضيوف اللي كانوا عندي

الله يهديهم يوني وراحوا وراح قلبي معاهم :eh_s(11):


اما عن الكريسمس فغزرتها معاهم شوووووووووبنغ :eh_s(9):واخر مشترياتي

فكان اي فون فور اس :eh_s(15):

اللله يباركلي فيه ويكافيني شره :yaaaaaarb:​

 

[حرم البلوشي]

يااخي بناات انتووو وين ساكنين:eh_s(11):

انا مغتربه مع زووجي

بس ماعرف عرب هني ابد

انا ساكنه في ليفربول :eh_s(1):

الي قرييب مني يخبرني ملييت والله طقت نفسي

انا موو كويتيه بس والله على قلبي هل الكوييت


ياخي اي جنسيه عربيه انا ما اشوف الا ربع ريلي وكلهم شباب

ابي اتعرف على اي بناات خليجياات :eh_s(2)::eh_s(2):

ما اشوف العرب الا في لندن :eh_s(4):
​

 

[kuwait_queen82]

حرم البلوشي
هلا فيج بدوانيه مغتربات
غريبه ليفربول مافيها خليجيات او عرب اذا انا امدينه اصغيره وين ماروح غيها تلاقين ناس يا خليج او عراقين؟

 

[kuwait_queen82]

ريشه فنان عليج بالف عافيه و انشالله يردلج لهم بالسلامه و تشبعين منهم هو شنو اي امعور قلبنا غير الاهل الي بالديره

 

[ريشه فنانه]

هلا بنات حبيت اسلم عليكم
بنات اذا ابي اشياء يعني اعشاب نفس اللي نشتريهم من الحواي اتهقون احصلهم اهني ؟​

 

[حرم البلوشي]

والله ما اشووف نااس ولما تشووفين يبتسموون من بعييد كاني غرييبه استغفر الله

ولما تشوفني اي وحده محجه يبتسموون من بعييد \
اقوول لريلي نفسي اتعرف على اي حد هني والله

 

[ريشه فنانه]

تري مو شرط اتعرفين علي خليجيه المهم ناس زينين وبس
ولا الوحده تقطع القلب ​

 

[فنيسيااا]

انا برز فيسي
لان اعشق بريطانيا ومتخصصه انجليزي تزوجت وما كملت بره
كان زوجي بكمل وانا معاه بلندن بس للاسف صار له ظرف صحي وما قدرنا
الحين صار لي 6 سنوات من تخرجت واللي من جيلي خلص دكتورااا
لووول
عليكم بالعافيه
بس حبيت اسال عن الاكسنت والديالك
accent
dialect
واشلون تاقلمتوا معاها
وهل مثل ما يقولون الانجليز ما يتعاشرون ؟؟
انا عشت بامريكا والامريكان حييل flixable بس هم ما ارتحت لهم كثر ال british
,وscotish كانوا واايييد friendly
اللي حابه نسولف ماسنجر تدز على الخاص

 

[kuwait_queen82]

هلا فنيسيا
البريطانين في منهم الزين و في منهم الشين بس الاغلبيه ناس حلوين ونفس ماقلتي الاسكوتلندين و مانشستر اينون ومنطقتي معروفين اهلها بطيبتهم بس اذا تبين مدينه ماتملين فيها لندن لانه كل شي موجود فيها و ماتحسين ابوايد غربه مع العرب بس اغلب الانجليز فيها نفسييه .
و الاكاسنت باول في صعبوه بس بعدين تاخذين على اللغه و لاتنسين من منطقه ليه منطقه نختلف الاكاسنت وفي بريطانين نفسهم يلاقون صعوبه انهم يفهم الاكسنت بين بعضهم .
و بالتوفيق انشالله

 

[kuwait_queen82]

حرم البلوشي تبين نصحيتي والله احسن لج امبرده راسج لو تضايقتي دشي الموقع اهني و سولفي مع البنات انا بالاول نفسج لمه
تعرفت على طالبات من دوله خليجيه يدرسون معاي والله تندمت على اليوم الي تعرفت عليهم فيه والله لو ما الفشيله و العيب كتبت لج فخليت علاقتي محدوده معاهم لانه بالغربه كل وحده تبي مصلحتها

 

[usgirl]

هلا فنيسيا
البريطانين في منهم الزين و في منهم الشين بس الاغلبيه ناس حلوين ونفس ماقلتي الاسكوتلندين و مانشستر اينون ومنطقتي معروفين اهلها بطيبتهم بس اذا تبين مدينه ماتملين فيها لندن لانه كل شي موجود فيها و ماتحسين ابوايد غربه مع العرب بس اغلب الانجليز فيها نفسييه .
و الاكاسنت باول في صعبوه بس بعدين تاخذين على اللغه و لاتنسين من منطقه ليه منطقه نختلف الاكاسنت وفي بريطانين نفسهم يلاقون صعوبه انهم يفهم الاكسنت بين بعضهم .
و بالتوفيق انشالله

الله يعينكم على الغربه بصراحه ويستر عليكم
بالتوفيق وتردون الشهاده معاكم يارب
good luck:eh_s(15):