ديوانية مغتربات بريطانيا

[Melo]

السلام عليكم و رحمه الله
شلونكم بنات شخباركم

ليش جذي التجمع هادي

نبض الجود
في طلبة الماستر و الدكتوراه يبدون شهر 12 او يمكن مثل ما قلتي اللغه
و ترا هم الفاونديشن في 2 واحد يبدا شهر 9 و واحد شهر 1 ما ادري 2
ليدز حلوة و امان و في بنات كويتيات و خليجيات و عرب لا تحاتين
بس ترا اراء الناس تختلف يعني ممكنن المنطقة اللي انتي تحبينها الناس ما تحبها
بس من ناحيه العرب و البنات لا تحاتين في وايد

و اي شي تبين من لا تردج الا اصابيعج و الكيبورد

 

[نبض الجود]

انزين شنو افضل ليدز ولا كامبريدج ؟

ومن اللي حاطهم الوزير بافضل 100 جامعه (بعثه التميز)

شنو احسن جامعه فيها من الجامعات اللي ببريطانيا وبالتحديد ليدز ؟:$

http://www.q8ping.com/wp-content/uploads/2012/09/1341341342.jpg

وهل في جامعه ببريطانيا تقبل نسبه 72 او 63 ،


(ترا اسآلتي مآتخلص:$)



​

 

[Melo]

نبض الجود
ليدز غير كيمبردج اذا تقصدين كمنطقة
ههههههههه اهلي ما عجبتهم كيمبردج و ع قولتهم مو متطمنين يوم كنتي هناك
معني كننت اعشقها هالمنطقة و كان خاطري اني اكمل فيها بس للاسف ما كتبلي ربي
و ليدز انا زرتها عجبتني المنطقة حيويه و فيها روح مو برادفورد استغفر الله
ما عندي فكره عن بعثة التميز
شنو احسن جامعه فيها من الجامعات اللي ببريطانيا وبالتحديد ليدز ؟ <<<< ما فهمت السؤال
و بالنسبه للنسب ما عندي فكره والله
لازم اول تشوفين الججامعات اللي معترف فيها بتخصصج
و بعدين تشوفين جم طالبين النسب و ترا عموما لازم تاخذين فاونديشن او a level

عادي يا قلبي سالي مثل ما تبين و ان حاضره باللي اعرفه

 

[نبض الجود]

آي ليدز منطقه وكامبريدج منطقه ثآنيه بس آقصد شنو آحسن ليدز ولا كامبردج ،

واللي اقصده من اللسته مآلت بعثه التميز الوزير حاط 100 جامعه على مستوى العالم ،
من ضمنهم 10 جامعآت تقريبآ ببريطآنيآ ،
مآتدرين آي جآمعه منهم بليدز ولا مآكو ،​

http://www.q8ping.com/wp-content/uploads/2012/09/1341341342.jpg​

ع العموم انا ورفيجتي رسينآ على​

leeds metropoltian university​

تدخل اي نسبه عآدي ،​

،​

بس الحين المشكله اقناع ابوي ​

 

[..[[خٰجّل الوْردِٰ]]..]

السلاااام عليكم كيف الحال شلونكم شخباركم

بنااات عادي ادخل معكم بس انا منيب ببريطانيا

لارحت بريطانيا ولاطبيتها>>اجل لاطبيتيها تعالي

المهم ابي ادخل هنيا واهذري معكم عاااادي وارفع ظغطكم شووي عادي>>براااا

 

[Melo]

نبض الجود
عارفة انج عارفة
أنا اقصد أن كيمبريدج كمنطقة غير تماماً عن ليدز
كيمبريدج منطقة دراسية بححححححححته و السكن فيها وااااااااااايد صعب مؤ شوي و غاااااالي إذا تبين شئ محترم و السنتر مجكنم ع قدها
ليدز المنطقة حيييييييييييه فيها حياة و سوق <<<<< معشوقنا الأبدي
السكن فيها وااااااااااااايد اسهل مقارنة بكيمبردج

و أصلا كيمبريدج فيها جامعتين جامعه كيمبريدج و ما راح تقبل بنسبكم و جامعه أنجليا رسكن و هذي مؤ معترف فيها بكل التخصصات بالمكتب الثقافي و التعليم العالي
و ليدز هم فيها جامعتين إذا مؤ أكثر جامعه ليدز و ميتروبولتن
شوفي أي تخصص معترف فيه بالميتروبولتن قبل لا تقدمين انتي و صديقتج

اللسته اللي حاطتها انتي كلها جامعات قويه و ما أتوقع تقبل نسب بال سبعينات و اقل
و ترا هذي اللسته تصنيف عالمي تختلف من مكان لي الثاني لان التصنيف المستخدم يختلف

 

[Melo]

الخوبلة
حياة بس ترا التجمع هااااااادي. و ناااااايم للأسف الشديد

 

[نبض الجود]

اي انا شفت الميتروبلتان فيها 8 تخصصات معترف فيهم ،
وحبيت ليدز وارتحت لها من كثر مآ قريت عنهآ ،
الحمدلله الكل يمدحهآ ومآسمعت احد ذمهآ ،

،

وان شآءالله اذا تم كل شي على خير ان شآءالله اقدم عليها ،

مشكوره حبيبتي تعبتج معآي ، :$​

 

[شكو بإسمي]

مسااااااااااااكم الله بالخير حبيباتي

بعد التمحيص والتدقيق نويت اكمل الماستر ببريطانيا ..

ومثل ماتعرفون بطلت صفحة التعليم العالي للجامعات المعترفه الله يكثرهم وااااااايد وماني عارف شلون اختار
:eh_s(16):

اولا : قريت من خلال ردودكم أن لندن غاليه من ناحية السكن والجامعات اصعب او اصح تدقق على المعدل

أنا معدلي 2,71

وحاليا راح اقدم على الايلز عشان اشوف مستواي بعد امشي والا مامشيش :yaaaaaarb:

ف سؤالي : شنو الجامعات اللى فيها عربوا يعني كويتيات وخليجيات لأن الغربة صعبة غير لندن

أو اذا فيه ب لندن شلون اختار الجامعه لأن اغلب الجامعات عندهم التخصص اللى ابيه نبي جامعات زينه مو صعبة ومعقده


ساعدوني الله يساعدكم :eh_s(7):

 

[kuwait_queen82]

انصج بليدز وايد حلوه و ايد خليجيات فيها

 

[شكو بإسمي]

زين طمنتيني الله يطمنج :eh_s(7):

 

[الاحساس]

السلام عليكم انا ان شاءلله راح اروح كوفنتري مرافق زوج بالصيف ،،
ريلي لازم اييب الايلز بعدين يسجل بالماستر واهوا طالع من شهر ١ هل باعتقادكم يكفي هالمدة والا لأ !؟ انا ماعرف شي بالايلز !؟
وشنو في اشياء لازم اخذها معاي دام اني بالكويت الحين خل اخذ احتياطاتي
الحين ماجهزت ولاشي كل اللي احاتيه ان راح اروح من غير خدامه :'(
انا تعودت على الخدم وبالذات ان معاي طفل يحوس حوس الله يحفظه
بنات عفيه قولولي لا اتوهق !! هناك

 

[Shinexo]

السلام عليكم انا ان شاءلله راح اروح كوفنتري مرافق زوج بالصيف ،،
ريلي لازم اييب الايلز بعدين يسجل بالماستر واهوا طالع من شهر 1 هل باعتقادكم يكفي هالمدة والا لأ !؟ انا ماعرف شي بالايلز !؟
وشنو في اشياء لازم اخذها معاي دام اني بالكويت الحين خل اخذ احتياطاتي
الحين ماجهزت ولاشي كل اللي احاتيه ان راح اروح من غير خدامه :'(
انا تعودت على الخدم وبالذات ان معاي طفل يحوس حوس الله يحفظه
بنات عفيه قولولي لا اتوهق !! هناك

آيي حبيبتي بيكفي عآدي , آلنتيجه تطلع بـ 3 آسآبيع , بس كم ريلج لآزم يجيب ؟ آكيد فوق آلـ 6 و 6.5 ف لآزم يدرس عدل ..

كلنآ تعودنآ ع آلخدم بس شقق بريطآنيآ ضيقه وصغيره مآيحتآي خدآمه كلشش ,

مممممم , لآتكثرين وآيد ملآبس لآن في آسوآق , خذي آشيآء من آلصيدليه مثل آلحبوب آو آلآدويه لآن مآتنصرف هنآك آلآ بوصفه , بلآك , آشيآء من آلجمعيه خآيفه مآتلقينهآ هنآك خذيلج آندومي وهآلسوآلف حق ولدج آلله يحفظه , /

 

[Shinexo]

بنآت حبآيبي حد يعرف شي عن جآمعة لندن سآوث بنك ؟

 

[❤غلا سامي❤]

- سبب الغربه

ابتعاث زوجي ماستر وانا بكمل بكالوريس

-مدتها

مدري اظن 4 سنين

-حالتها الاجتماعيه

مخطوبة << مابعد سافرت تراني بس بعد رمضان باذن الله

- معلومات بسيطه بسيطه بسيطه عنها

مدري بس اخذت احتياطاتي من هنا ودرست كل شيء عن البعثه والغربة لكن الدراسه غير والتجربة غير

- صعوبات الغربه

ماجربتها باقي الله يبعد الصعوبات والمشاكل عنا وعنكم اجمعين

-مواقف مضحكه

مممم الى الان ماحصل موقف

-مطاعم مميزة

مدري بس اذا عندهم كنتاكي بقول ايه افضل مطعم

 

[❤غلا سامي❤]

حبوبات

من مغتربة في بريستون

 

[مو صج ~]

بنات انا قريبا راح اكون ببريطانيا صيدله او طب عفيه بنات ضيفوني عالتويتر او كلموني كيك ابي اتعرف عليكم محتاجه اعرف شغلات لان مادري أي منطقه اروح واي جامعه

 

[شكو بإسمي]

مسااااكم الله بالخير

قرب حبايبي الوعد وبدأ الخوف يبين علي |..... الروحه ان شاء الله على بداية السنه على شهر 9

بس قمت اوسوس رفايجي يقولون لي ليش رايحه بريطانيا استراليا اهووون حيييل من ناحيه المعيشه والدراسه بريطلنيا حيل متشددين وانا احس حالي توهقت

انا بالاساس خاطري امريكا سهله اخواني كلهم فيها بسرعه يخلصون بس تثيقلت سالفة الطياره وبعيده وقلت لندن اقرب


ف ندائي الاخير يا بنات اهون عن لندن والا امسك مجنوني

 

[& الذاهبه &]

السلام عليكم
خواتي انا أن شاء الله راح أروح مه زوجي بعثة لنيوكاسل
سؤالي عندي بنت سبشل نيد وعيالي ٣ وأنا عندي مشاكل صحية
اقدر أخذ خدماتي معاي
وشلون على مدارس عيالي ١١ سنه و٧ سنين و٣ سنين


أرجو الرد والمساعده

 

[Shinexo]

السلام عليكم
خواتي انا أن شاء الله راح أروح مه زوجي بعثة لنيوكاسل
سؤالي عندي بنت سبشل نيد وعيالي ٣ وأنا عندي مشاكل صحية
اقدر أخذ خدماتي معاي
وشلون على مدارس عيالي ١١ سنه و٧ سنين و٣ سنين


أرجو الرد والمساعده

اذا ماخاب ظني مايصير تسكنين هناك وعندج خدامه اسيويه

الا بالدسس وخوفج تشرد

عيالج دخليهم مدارس عاديه , و هناك خذيلج خدامه بالسااعاات وبنتج اكيد بتلقين لها سبشل نيد سكول