ديوانية مغتربات usa

[اختكم بالله]

ام دونه شلونج وان شالله يارب تفرحين بشوفتهم حبيبتي

مج مج شلونج حبيبتي شخباركم وعسى الله يطمنج ويقومج بالسلامه ويسهل ولادتج يارب

بطوط شلونج حبيبتي

شنول شخبارج والله يعين حنا البنات ماكلينها من كل صوب هههههههههه الحف بروحه سالفه الله يعين يارب

دودو شلونج حبيبتي

نوني شلونج حبيبتي

قطاوي هلا وغلا وين هالغيبه

غلا شمر شخبارج ياقلبي

ام الكوش وضيون وتوفي ودعول شلونكم شخباركم

ام وهابي شلونج حبيبتي وينج مختفيه

غلا روحي وينج حبيبتي

منور شلونج ويا حلوووووو جو الكويت

باقي البنات شلوووووووووووووونكم حبايبي

 

[ام دونه]

هلا والله مج مج الحمدلله على سلامته حبيبتي وعقبال مانفرح بسلامتج يارب
مج مج قصبن عني صرت صبوره من اللي اشوفه عندي هني الله يخليها حالتها كلش ماتسمح اني اقطع علاجها وارجع لهم ان شاءالله يارب الله يفرجها وتقوم بالسلامه ونرجع انا ويها انا متعلقه فيها حيل مستحل اقدر اخليها وارجع وسبحان الله هي من غير عيالي كلهم ماادري ليش حيييييل احن عليها مع انها تنرفزني احيانا بس عادي اتقبل منها


مشكوره خوخه
مشكوره غلا شمر

 

[بطه فيها نطه]

مساء الخيرات على الحلوين الطيبين ...

مج مج الحمدالله .. الله يسهل عليك ان شاء الله

ام دونه ياحلو البنات والله ... الله يسهل دربهم ويوصلون بالسلامه

منوره انا موجوده بس حدي رباديه وكسوله وكله فيني النوم ... بالليل ماانام بس اتقلب ورايح راد الحمام

عزكم الله ... قمت اشوف الحمام اكثر من اي شي ثاني هههههههههه

كلكم بنات شلونكم بشروني عنكم ؟؟؟

ضيووون انت نستنا ولا ايييييييييييييييييييه ... يحقلك الصراحه

 

[اختكم بالله]

بطوط صاجه والله
تكرمين الحمام اروح له بكثره صرت ما احب اطلع والسبب الحمام تكرمون

 

[بطه فيها نطه]

بطوط صاجه والله
تكرمين الحمام اروح له بكثره صرت ما احب اطلع والسبب الحمام تكرمون

انا مابقى سوبر ماركت مادشيت حمامهم ... ماتصدقين قبل يومين بطلع رحت الحمام

يدوب نزلت اركب السياره البنات وابوهم ناطريني ... بس قعدت

انحسرت مره ثانيه هههههههههه جان اتحجج اني نسيت بوكي

لا وريلي يقول عطيني المفتاح اروح اييبه ههههههههه

وانا اقول ببالي شدعوه فيني حيل بس مجبوره ... افااااااااا عليك هههههههه

الا اطلعت روحي من صعدة ونزلة الدري

 

[بطه فيها نطه]

خوخه شوفي فلم اللمبي 8 جيجا اذا مو شايفته ... البارحه حطيته يوتيوب وطالعته

صج يضحك ... بس النهايه بايخه

 

[مجنونة حبه]

بااااااااك

اليوم مدلعه الكل خبزت خبز وحطيت عسل والقيمر وجبن ابيض وطماط وزيتون بالخضره الجزر وملفوف شاي وبعدها صب القفشه
عاد استانسوا يقولون ظاهر نزل عليج الوحي اليوم

ام دونه الله يخليج ياها ويحفظها عاد انا ماادري احس الي بطني اهو الي راح يكون دلوعي وراح اتعلق فيه

بطوط
اي والله ذكرتيني فيه شفته بسينما مصر اول مانزل ونمت نص الفيلم
عاد توني اعترفت حق ريلي

 

[منورة الكويتية]

بطووط والله ماتنلامين بخصوص الحمام مكرم القاري شي خيالب وخاصه بالشتا الله يعينكم و يقويكم


مجمج الحمدلله الله يقر عينج بتمامه انتي وخوخه وتوفيه وبطوط وام محمد و شنول وكل الحوامل

هالدوانيه بسمؤها دوانية الحوامل تبارك الرحمن


قطاااوي وين هالغيبه تدرين انا بنقل تكساس منطقه ارلنقتن مادري شكثر تبعد عنكم


خووخه الكويت حلوة بس جوها مو حلو عن العياره خخخخخ فطسنا حر مووووت


الكل شلونكم شخباركم

 

[Miss Chanel]

الســــــــلام عليكم


شخباركم بنات

 

[اختكم بالله]

السلام عليكم

 

[ام دونه]

مساء الخير

 

[q8_toffee]

وعليكم السلام شنول و خوخه

يامساء الورد والانوار ام دونه

شلونكم شخباركم


تذكرون متى ولدتوا وشكثروا خذيتوا من شهركم ؟؟
احس خلاص وصلت حدي ابي اولد
​

 

[doode cool]

السلام عليكم بنات ...


مج مج

الحمدالله ي رب الله يتمم عليك ي رب وتولدين بسلامه ابشري باللمندى بس استنى المحل يبيجب لحم كويس وطازج


ام دونه:

الله ياجرك ي رب ويصبرك وتقر عنونك بشوفت بناتك ويشافي نورا ي رب خلنا ندعليها به المطر مسافريم ومطر انشاءالله دعوتنا مستجابه ي رب بناتك انشاءالله كبار الي بالكويت

شنول..

شلونك كيفك وكيف بنوتك

نوني..

كيفك يالله الحمدالله افتكيتي من الحبوب انا غيرت الحبوب بس لسه ماكلتها ع الشهر الحاي باكلها

خوخه..

الحمدالله انا بخير انتي شلونك انشاءالله تمام

ام الكوش..

هلا بطله وين الغيبه الك وحشه

غلاوي..

كيفيك وكيف العسوله عاد به العمر مشاءالله تكبر وتشوفينه تكبر وتتغير بسرعه الله يحفظها لك ي رب

ضيون..

مانلومها اختفت مشاءالله الله يهنيها .. ي رب

منوره..

كيفك وشو اخبارك ؟؟

بطوطه..

صدقتي والله تعب مع ه الجو ومع ه التواليت حالتنا حاله من جد مثل ماقالت ام دونه كل شي عينا :eh_s(16):

باقي البنات اخباركم انشاءالله تمام؟
​

 

[ام دونه]

هلا توفيه والله انا وحده بكل حمالي لازم اخذ من العاشر اسبوع او اسبوعين بالبدايه قالو تحسبين غلط بعدين عرف الدكتور انه لازم طلق صناعي نهائيا مايجيني طلق طبيعي الا بنوره بنتي والا الباجي الله يخليهم كلهم متى ماتضايقت رحت وولدت بس اكون متعديه 38اسبوع عادي اي يوم اروح واولد
يابنت الحلال على شنو مستعجله ابد بتولدين وتقومين بالسلامه بس ينطر يومه اللي الله كاتبه له ونفرح فيج وبسلامه البيبي

هلا والله دودي مشكوره وماتقصرين بناتي بالكويت الكبيره 11 والثانيه 10 حياتي هم رفيجاتي والله عجايز بس على حجم بناتي ههههههههههههههههههههههههه ترى حلو يكون بجرج بنت تكبرين وتكبر معاج

 

[مجنونة حبه]

لسلام بنوتات والعجوز ام دونه ( لوووول اتغشمر )


ام دونه
الله يخليهم لج ان شاءالله ويحفظهم

توفي
شفيج عجوله توج ٣٧ نطري لا اتصيرين نفسي مطفوووقه وكله طلق صناعي

شوفي بنتي مفروض اول شهر ٣ بس كنت احاتي اني اولد ٢٩ -٢ لان كل اربع سنين يمر هاليوم مره ( شفتوا التفكير )
المهم قالي الدكتور خلاص متى تبين تولدين
قلتله وناسه اي يوم واولد قالي اي
عاد ناقشت انا وريلي متى اولد ( لعب يهال مو ولاده )
ريلي قال ابي ٢٥ -٢ وانا قلت لا صارت طقه قديمه خلها ٢٦-٢
واهوا ما يبي وظلينا شذي لي طاف موعد ٢٥ و٢٦ ( بهاليومين كنا نفتر يم المستشفى رويال ونتردد انا مره اقول ماابي ومره اهو يقول مو الحين )
ليييييييه ظهر يوم ٢٧ كنا كاشتين بالدوام وقاعدين نتمشى بمرينا تريقنا جان يقولي اشرايج ادشين بهاليوم لان مالنا خلق انداوم وما بقى شي ليه ٢٩ جان اقول فووووقه ورحت ولدت طولت واايد بالطلق الصناعي يعني من الظهر لييه ٩ بليل تعب صراحه
ويبت النزغه بنتي
وبهاليوم حماي الصغير ( الي معانا بامريكا ) كان يصادف عيد ميلاده مستانس ومكيف الاخ وربعه بدال مايباركون ريلي يباركون حماي الي عيد ميلاده ويوم ولاده بنتي ٢٧-٢ لدرجه الي بالمستشفى عبالهم حماي اهو ابو بنتي (حتى دخلوا حماي يشوف بنتي بالعنايه ولا دخلوا ريلي )

اما الحسن ولدي اهني ولادته ونفس شي طلق صناعي خلصت شهر التاسع وقالي الدكتور اي وقت تبين ولدين قولي واحددلج دخول
لان كنت تقريبا ٢ ونص الى ٣ تقريبا المهم دخلت ٢٤ شافوني كنت مفتوحه من ٣ الى اربع وولدت ٢٥ الفير بطلق الصناعي لان طلقي كان باررد

لووول قلتلج قصه حياتي
بس صبري شوي اذا خلصتي اربعين فكري اذا طلق صناعي ولا طبيعي

 

[Miss Chanel]

هـــــأأأأأي صبايا



اهليـــــــن توفي شخبارج حوووبي ياحليلج مستعجله
انا اخذت من العاشر اسبوعين
واخرتها طلق صناعي ....

ترا البجر طول شوي ...

ام دووونه عسى ربي يخليهم لج ويحميهم ...

دودي اخبارج حوبي
انا بخير وبنوتي بعــــد ....


^^

 

[غلا شمر]

مساااء الخيرات

شلونكم ياا دميلاااات ..

ان شاءلله اموركم زينه

 

[غلا شمر]

بنااات

القى بديل لجبنة قشقوان والا العكااوي
بالوول ماارت لان مااحولي بقاله عربيه..
وهل احصل جبنة ريكوتااا بالوول مارت.
او اي نوع انتم جربتووه وطلع يمي...
لاان بخاطري اسوي مكرونة القواقع محشيه
انتظركم يااعثولاااات..

 

[مريامه]

من الفندق وتحديديا من نيويورك أحلى سلام لاحلى كويتيااااااااااااااات

شلونكم بنات شخباركم

الجو في نيويورك شي لو ان الايام اللى فاتت مطر وخربت علينا الطلعه بس الحين صار تمام وعال العال وبدينا بالتجول مره ثانيه بس صج تعب ههههههه

<<<<<<< البطه مافيها حيل

صج بسئلكم بنات منو فيكم تعرف ولايه حلوه وتستاهل الروحه وتكون حول نيويورك النيه نروح لبوسطن بس مادرى شكل ابو الشباب غير رايه وما ودى ارجع لبيتى بسرعه بطقلي كم فره بهالولايات

دورت بالنت بس ماعجبني شي اللي خابرتها مكان حلو وفله لاتبخل علي وتقولي

سي يوو حبيباتي

أي صح نسيت أقولكم انى نحجت وبالصيف راح ادخل السمستر الثاني من اللغه وهذى التمشيه هديه النجاح وفتره نقاهه بعد الامتحانات لووووووووول

أشوفكم على خيررر وسلامي لجميع البنات

 

[اختكم بالله]

هلا وغلا مريامه

مبروك النجاح ورحله سعيده يارب