ديوانية مغتربات usa

[مريامه]

السلام عليكم

شلونكم بنات شخباركم..

 

[doode cool]

السلام عليكم

قطريه

انشاءالله توصلين بسلامه ي رب ورسهلات الرحله عليكم ومتى رادين انشاءالله

اما انا لا تسالوني شي عن الاهتمام بالجمال ي رب شكثر اعاني من الواكس استشوار حمام زيت مافي شي من الاهتمام ليه مادري ولا الاستشوار شريت واحد :rgewrg:شعري الطبيعي احلا يكش الشعر حده ياربي والله شي يبهذل اهني كل شي يتعب ويحوم الكبد


هلا شنول انا تمام الحمدالله امشي نفسي


شلونك

مج مج
ام دونه

دعول وين الغيبات كل ماغبتي عنا قلت بس ولدت البنت يهون عليك ي رب

ام الكوش
شكله استشوارك الابيض مو شكله خطير وب 20 زين سعره
​

 

[doode cool]

هلا

مريامه

الحمدالله تمام انتي كيفك شو اخبارك
​

 

[مجنونة حبه]

السلام بنات اشلونكم
امس مانمت عدل الا وجهه الفير لان ريلي كان يدرس وحاشه صداع نصفي وماقدر يكمل عدل ولا يركز فسهرت معاه
وبعد ساعه عنده امتحان فاينل ادعوووله بالتوفيق والسهاله يااااارب

قطريه روحين وترجعين بالسلامه ياارب وعادي عادي كلنا خوات
وبالنسبه حق سشوار ماعجبني ولا واحد من اهني
فطلبت من موقع بروفيشنال صالون سشوار (نفس قوه سشوار الي بصالونات الكويت ) وانواع ووووايد وايطاليه بعد
وتقدرين تطلبين فرشاه بعد مال السشوار

جربته ووصلني ليه البيت ومااستخدم غيره

http://www.folica.com/

 

[De3La^85]

خوخه
اشلونج ؟ متى تداومين ان شاءلله ؟

ميريامه
وعليكم السلام انتي اشلونج ؟

دوووودي
الله يسمع منج ان شاءلله ,, شكلي مطوله اتوقع اولد اخر الشهر على حسب موعدي ,,, بس اتمنى قبل ادعووولي اوولد ولاده سهله وارتاح لاني حدي ثقيله ماقدر اتحرك بس والله قاعده امشي كل يوم نص ساعه والله كريم

مج مج
خووش موقع الي حطيته !! فيه كلشي مشكوووره ويعطيج العافيه

انزين بنات ما تعرفون شنو احسن فير علشان اسوي تكسير ؟
وسؤال ثاني عقب الولاده ان شاءلله اتسبح ولا اقعد بوصاختي ؟ واذا تسبحت عادي استشور شعري ؟ يعني اخذ معاي استشوار ؟ جان زين يطلعون فيها ويكون اكو صالونه بالمستشفى ههه

 

[مريامه]

هلا فيكم بنات أنا الحمد لله تمام
احاول اعدل نومى انا ولدى قبل الدوام يوم الاثنين نبداء صيفي أن شاء الله...

 

[q8_toffee]

مساء الخير صبايا

شلونكم شخباركم

حلوة منج دعول جان زين في صالونه بالمستشفي نفس سوالف الكويت قلتها قبلج حق ريلي

بعد ماتولدين بسلامه واذ انتي بتاخذين الابره مايخلونج تسبحين لمه يفج البنج منج يخافوون يصير فيج هبوط بس بعد الولاده وكل شي تقومج نيرس دخلج الحمام تغسلين وتمسحين جسمج بفوطه وتغيرين لبسج من بعد الولاده وبعدها تروحين غرفتج اذ فيج شده وريحتي تقدرين تسبحين او تنطرين لى ثاني يووم واذ تبين اخذي ستشوارج معاج انا خذيت مالى معاي

ولا تنسين اهم شي الكاميرا قبل كل شي صوري من اول مادشين مستشفي لمه تطلعين بسلامه

الله يسهل عليج يارب وعلى كل حواملنا يارب
​

 

[doode cool]

hالسلام عليكم

مج مج الله يوفق زوجك ي رب ويسهل عليه جم ساعه عندكم

انا زوجي جالس يدرس جان تحوشني ضيقه واجلس اصيح عنده يقول شفيج عاد انا مدري شفيني صرفتها قلت ابي ماك روحي جبلي قال تصحين عشان ماك قلت اي مشتهيه ماك وانت تدرس ههههههههههههههههههه وانا والله متضيقه اشتقت لبنتي فديت قلبها عاج مسكين صدق وراح يجب لي ههههههههههههههههههههوالله حلو الموقع مج مج
دعول

الله يهون عليج ي رب انصج لاتتروشين علا طول انا تروشت وطحت مغمى علي زين مانفكت الخياطه لانو دمي نازل عاد انتي اول ماتخلصين ولاده اكيد ياخذون دمج يشوفنه واليوم الثاني ااذا حسيتي نفسج احسن الصبا تروشي وزبطي شعرك من شان ابوكم حطي مناكير <<<ماكو صلاة غيري مناكير علا كيفيج احس تفتح النفس المناكير تصدقين عاد انا يحوشني مغص اذا تكلمت عن الولاده يمامي دعول اول بيبي لج

شلونكم بنات ليه سهرانين
​

 

[مجنونة حبه]

اهلين دودي الله يسمع منج يااارب ويوفقه عاد كلش ولا صداع اذا ياه حزت الامتحانات
وييييه توها اتيلج الحاله
عاد عذر مااك خوش شي والله
والحين عندنا ساعه سبع و٣٥ دقيقه مغرب

 

[doode cool]

ههههههههههههههههههه

شفتي مج مج عذر جميل الحاله تجي وتروح هههههه الله يفكنا منها :krkrkr:


ي رب يوفقه اي والله الصداع حده مو زين وهو يدرس ولا وراه امتحان يبي يركز طمنينا ععنوه اذا رد :yaaaaaarb:

والله فرق بينا مج مج

عندنا الساعه 11
​

 

[بطه فيها نطه]

مساء الخير .. جميعاااااااااااااا

قطريه .. حافظك الله .. توصلين بالسلامه ان شاء الله

ام دونه .. افااااااااا عليك بس لايضيق خلقك حبيبتي . باجر يوصلون البنات وتكسرين الروتين وتنشغلين معاهم

ربي يحفظهم ... وكلنا لها هذي الغربه شنسوي بعد .. الله يصبرنا ويكون بالعون

شنول .. البنات ماقصروا .. والاكل تاخذينه عادي بس السوائل ممنوعه ... انا بناتي مايكلون شي من الطياره

دايما اخذ لهم جيس صمون او توست وقلاص جبن او جبن كيري

وتفاح ومن هالسوالف .. وفكرة اللعبه حلوه او دفتر تلوين واللوان شمعيه

خوخه بالمبارك وزين تسوين حبيبتي .. حلو الواحد يستغل وقته ويتعلم ويستفيد ...

مج مج مالك ياحلو .. ومايشوف شر ريلك .. والله حاسه فيك .. انا مثلك كل يوم سهر ليه الصبح

قاعده جني حارس بس اراقب اخاف تقط عيونه وينام فوق الكتب

بس هانت باجر اخر امتحان ونرتاح ... من يينا البعثه مسكين مارتاح كلش

العام كان عنده صيفي .. وهالسنه مريح

خل ريلك يرتاح شوي بوساعه وسويله سلطة خيار بروب وحطي فيها فص ثوم

الثوم زين حق ضغط الدم والصداع ... وعقبها قلاص جاي وبندوله

وماعليه الا العافيه ان شاء الله ... موفق

دودي .. شلونك وليش تبجين حبيبتي ... الله يحفظها بين اهلك ماعليها شر ان شاء الله

بس سؤال ليش ماتكون معاك ... وتدش حضانه .. مو اريحلك

الساعه عندي 8 ودقيقتين والشمس ماغابت بعد ... تو الناس على السهر


دعووول .. يالله هانت .. بس المشي زين يسهل الولاده .. كثر ماتقدرين امشي

والسباحه بالمستشفى ماادري ولا مره جربتها ... احس لويه .. واساسا انا اطلع ثاني يوم وعلى الول

جير .. احس بدوخه ليه ثاني يوم ومااعبر اوقف ... ليه وصلت البيت تسبحت

لاتجازفين بروحك ... اذا مضطره خلي النيرس تدخل تساعدك

منوره .. شلونك شهالسطله الزينه عورتي قلبي هههههههههههههه .. ( الفيس بوك )

الحمدالله على سلامة ابوكم

باجي البنات ام كوشه وضيون ونوني ودلوعه وام وهابي وغلا الروح وغلا شمر

وام محمد


وكل البنات شخباركم

 

[اختكم بالله]

مج مج وبطوط ودودو

الله يوفق جميع الطلبه يارب وعسى الله لايضيع تعبهم


دعول

انا امس اختيرت مستوى وحددوا لي مستواي وعطوني الجدول والكتاب
اليوم اول كلاس لي والحمدلله ماشي الحال

وعسى الله يسهل عليج يارب

 

[اختكم بالله]

بنات عوار عوار عوار موطبيعي
تحت صوب الرحم والله ما اقدر امشي خطوتين على بعض واحس رجولي متخدره مادري من شنو

 

[اختكم بالله]

شنول شلونج حبيبتي شخبارج

 

[بطه فيها نطه]

خوخه ريحي اخاف من القعده اليوم بالكلاس على الكرسي ... حطي ريلك بماي حار

شوي .

توفي شلونك ؟؟ وشلون فطومه ربي يحفظها لك ...

مريامه شلونك ...

خاموووووووووووش اليوم وينكم ؟؟

 

[ام كوشه منكووشه]

قووووه صبايا

اشلونكم وشخبااركم

مج مج
الله يوفق ريلج ويسهل امتحاناته ولا يضيع له تعب ياارب

دودووي
حيااتي الله يصبر قلبج وان شاءالله الله يسهل غربتكم وتشووفين بنتج قرييييب يااعمري
اي الاستشوار الابيض هذا اللي انا ماخذته

خووخه
حبيبتي ارتاحي ولا تعبين نفسج واييد بعدين يمكن البيبي يكون نازل لان احنا خلاص ماابقي شي وندخل الثامن فتلقينه ياخذ وضع الولاده ومع الحركه الزايده واللويه تحسين بالضغط والثقل

دعوول
حيااتي علي حسب وضعج بعد الولاده انا الحمدالله لمن صعدوني الغرفه سالتهم اذا ممكن اسبح ويت الدكتوره شافتني اذا اقدر اقوم واتحرك عادي وخلتني اخذ شور ماادري انا وااايد ريحيني لمن يصب الماي الحار على ظهري بعد الولاده وكنت ماخذه استشواري والفلات ايرن مالي عشان اهبط شووشتي

بطووط
اشلوونج قلبي اليوم وانا بالعياده شفت لج مجله جيسي بني وفيها اغراض البيبيات وسراير شوفي يمكن تحصلين شي عندهم يعجبج

 

[ام كوشه منكووشه]

خووخه

ماشاءالله والله زين عالاقل تطلعين شوي من البيت وتغيرين جو وتحسين انج قاعده تسوين شي لنفسج
ماحصلتي خليجيات معاج بالمعهد

 

[ام كوشه منكووشه]

الحمدالله اليووم كان موعدي وكل شي كان تمام لكن المشيمه للحين ماتغير وضعها بش اشوا دكتورتي قالت بتنطر اسبوعين زياده قبل ماتعتمد القيصريه بملفي وان شاءالله ياارب ان عالموعد الياي يتحسن الوضع

والصدمه اللى صدمتني اياهااا اليوووم تبيني قبل الولاده ازييد 20 باوند اشلوووون ومتي يمديني ماادري
وانا يالله اليوم بس زدت 10 باوند من اول حمالي وحدي كنت فرحاانه عبالي مسويه انجاز لووول
بس اهيا تقوال لان حجمي صغير المفروض ازيد 30 باوند مو 20 نفس ماقالت باول حملي ولان هال 10 باوند على كلامها كلها وزن البيبي والمشيمه والمااي اللي يحبسه الجسم وكله بيروح بالولاده يعني انا اذا تعبت نفسي يمكن اكون زياده لنفسي بس باوند

 

[بطه فيها نطه]

هلا والله ام كوشه شلونك .. طمنيني عنك ..

مشكوره وايد ان شاء الله بشوفها .. وصاجه جي سي بني كان عندهم

بس بهذاك الوقت ماكان السرير في بالي

بس والله بخلص منه علشان مااحاتي شي ...

خل اذكركم بشغله يمكن مافكرتوا فيها ( الحمل ) جهزوا جم شغله حلوه حق بعد الاربعين

علشان بالاربعين البيبي يكون صغير .. والطلعه ممكن تكون صعبه عليك

وخصوصا اللي ولادتهم بالفول مثلي ومثل مج مج

يكون الجو بادي يبرد ...

الله يسلمكم جهزوا حق الليله اللي بعد طلعتك من الاربعين مثلا :

شراشف يديده

كفر يديد

كوشيه حلوه على السرير

برده يديده تكسر روتين الغرفه

جم برواز انيق على الطوفه

ويوه مخاد يديده يعني من هالسوالف

+ قميص نوم حلو وناعم لك وبجامه حلوه حق ريلك

هذا اقتراحي ...

 

[بطه فيها نطه]

ام كوشه .. لاتحاتين حبيبتي ربي يكتبلك اللي فيه الخير ان شاء الله

ويتغير وضع المشيمه ... اعتقد يبيلها راحه ... كثر ماتقدرين تمددي

لاتشتغلين وايد ...

وعلى زيادة الوزن ... غيري نوع اكلك .. ماعليه اذا هالشي بصالحك والدكتوره

تنصحك فيه ...

يعني في اشياء وايد احنا انتجنبها بفترة الرجيم ... انتي ركزي عليها حاليا

بس تكون اشياء مفيده ... يعني مو فاست فود لا

مثال : الذره - الفستق - الرهش - البطاط - البيض - الباستا - مانجا - ايس كريم

الحليب - المشمش المجفف والتين ترى وايد مفيد للحامل والرضع