ديوانية مغتربات usa

[noni]

اهلين بنااااات كيفكم جميعا"

شنول
متى رحلتك ...؟ شكلها قريب الله يستر عليك انتي وبنتك يارب ويحفظكم ويوصلكم بسلامه

دعول
الله يسهل عليك ولادتك يارب
سوسو ونوني
كيفك شكلك جديدها معنا يشرفنا وجودك معانا
ام دونه
كيفك وكيف نواره طمنيني عنها


باااقي البنات اخباركم ان شاءالله زينها​

 

[مجنونة حبه]

السلام بنات اشلونكم
دعوول لا تحاتين ان شاءالله شوفي انا الحين وقفوا عن سونار بس ار مره تاكدوا من اعضاءالجنين داخليه والخارجيه والمشيمه وخلاص بعدها خلاص يشيكون دايما على النبض الجنين والقياسات من بره عن طريق الضغط
ترا هذي الطريقه صحيحه بس احنا تعودنا على دلع بالكويت

توفي
اي هذي من ضريبه الامومه والابوبه بعد
الله يخليها لكم بس ماابي اخرعج ترا
البنت شريجه امها
ترا عادي ان كبرت بتتعلق بابوها اكثر

شنول
عليكم بالف عافيه
دوذدي
تسلمين والله حياتي انتي وان شاءالله اهله بيظلون بامريكا لي بعد رمضان
بس متى بيمرون عندنا ماادري

بنات عندي لكم خبر سمعته من شركه ابل بس متى راح يطبقونه ولا يسوونه ماادري
بس الخبر اهو الي يبي يشتري ايفون من شركه ابل من غير عقد مع شركه تي ان تي وكاااش
وراح يكون ايفون ان لوك يعني مو مقفول

 

[بطه فيها نطه]

مساء العصاري عليكم جميعااااااااااااااااا

كلكم بدون استثناء شلونكم .. عساكم طيبين وباحسن حال

اللي ماشي الكويت ربي يسهل دربه .. واللي ياي نورت امريكا والحمدالله على السلامه

واللي قاعد عطله سعيده .. واللي انظم لدوانيه حياه الله والعين له اوسع

من البيت ...

اليوم كان وايد حلو بالنسبه لي

اول شي كان موعد مقابلة بنتي وتسجيلها بالروضه ... والحمدالله كل شي تمام

والشي الثاني .. اطلعت نتايج ابونا والحمدالله ربي وفقه ونجح بكل المواد

وعلاماته حلوه ... الله يفرح قلبه مثل مافرح قلبي

الفال لكل الناطرين ...

اما باجي اخباري سلامتكم .. ليه الحين بنتي ماعطلت ...وطلعاتنا خفيفه مااقدر اباعد لما تخلص

باجر عندها الفيل دي ( يوم مفتوح للاهل والطلبه .. ترفيهي ) اذا الله كتب

صورت لكم ان شاء الله ...

ريلي مقترح علي نروح فان كوبر ( منطقه خياليه بكندا ) بالسياره طبعا

اشرايكم ؟؟ احد عنده فكره ؟؟ يقول نريح بسياتل وعقب نروح

لها ... بين اللي ودي اغير جو .. وبين اللي متردده من تعب الطريج

 

[بطه فيها نطه]

ام كوشه / سالت بسالفه الجنط محد عنده فكره .. ماادري 16 جنطه لشخص وايد

حتى لو تدشين موقع مستجد .. راح تلقين انهم 2 جنطتين بس

وبالنسبه لموقع التصوير ... في مواقع وايد .. في واحد انا اتعامل معاه

يمكن اهو ... ان شاء الله احطه لك


مج مج / الحمدالله على سلامت اهلكم ... عاد منطقتنا خاموووووووش ..

والشباب اغلبهم انزلوا الكويت ... والباجي ماخذين صيفي ببورتلاند

وصاجه بسالفة الاي فون .. خلاص نزل من اول هالاسبوع بالابل ستور

مفتوح تقريبا سعره 644 $ / 177 دك

مج مج ماعليك امر .. تذكرين السايت اللي حطيتيه لنا في الدوانيه القديمه

مال الدورات ... اللغه وهالسوالف

اذا عندك اياه حطيلي اياه ماعليك امر ...

 

[مجنونة حبه]

اهلين بطوط والله يسلمج
ومبروك علىى درجات الحلوه ومنها للاعلى ان شاءالله

اهم حبوا جو المنطقه وخضارها وراح يتمشون حواليها ويمكن ان شاءالله بيني وبينج ( لانهم مايدرون ) راح ننزل عندهم اسبوع وانرد منها انغير جو ومنها انشوفهم

بالنسبه حق السفر انا بموعدي سالت الدكتوره وطمنتتني فريلي قال نمشي اربع ساعات وانريح وبعدها انكمل فسوي شذي ومنها تغيير جو وراحه اصلا حلات امريكا سفر

وبالنسبه حق دورات اللغه مافهمتج بالضبط
قصدج ادولت سكوول (adult school ) الي مال الحكومه
ولا مال الجامعه

وبالتوفيق جميعا

 

[بطه فيها نطه]

الله يبارك فيك .. الفال لابوكم ان شاء الله

اكيد السفر حلو وماينعاف .. بس اخاف اتعبهم كل شوي ابي حمام ههههههههه

بستخير والله يسهل ..

الدورات اللي قلتي لغة الامريكان وطبخ وكورشيه اعتقد ... لا موتبع جامعه

اللي ثلاث مرات اعتقد بالاسبوع او شي جذي

 

[سوسو و نوني]

مساء الخيرات وهلا وسهلا بكل الحلوات ..

ام كوشه ..سالت اخوي يقول الظاهر اسمه photophon
وفيه برنامج يخلي الصور اللي عندك ثلاثية الابعاد .. اذا تبين ارسلت لك اللنك تبع الموقع اللي حصلته فيه ..

حبيبتي بطة .. تسلم عيونك يا رب ..
تقولين بتسافرون بالسياره .. اذا المسافة طويلة والله بتتعبين مررررررررره .. انا جربت والله يبست في السياره انا وولدي
انتي يمكن تتحملين بس الصغار حرام ما يقدرون ..
انا زوجي نشب فيني نشبة انا نروح اورلاندو فلوريدا بالسيارة .. الطريق 15 ساعة ..بغينا نموت صراحة
لا ويوم جت الرجعة .. الله لا يوريك ...والله اني يوم وصلت البيت قعدت اصيح من التعب .. كنت ماسكة نفسي طول الطريق علشان ما اضيق صدر رجلي .. توووووووبة ما اروح بالسيارة ..

مع اننا نوقف ونمشي شوي بس ولو تعب والله .. وانتوا براحتكم .. استخيري وشوفي يا قلبي ..

وعالبركة نجاح ابوكم ..

الله يوفق الجميع يارب ولا يضيع لكم تعب ياللي جايين دراسة ..
​

 

[بطه فيها نطه]

حبيبتي بطة .. تسلم عيونك يا رب ..

حبيبتي الله يسلمك .. منوره الدوانيه

وكلنا اهني خواتك لاترددين بشي .. حياج الله



تقولين بتسافرون بالسياره .. اذا المسافة طويلة والله بتتعبين مررررررررره .. انا جربت والله يبست في السياره انا وولدي
انتي يمكن تتحملين بس الصغار حرام ما يقدرون ..
انا زوجي نشب فيني نشبة انا نروح اورلاندو فلوريدا بالسيارة .. الطريق 15 ساعة ..بغينا نموت صراحة
لا ويوم جت الرجعة .. الله لا يوريك ...والله اني يوم وصلت البيت قعدت اصيح من التعب .. كنت ماسكة نفسي طول الطريق علشان ما اضيق صدر رجلي .. توووووووبة ما اروح بالسيارة ..​

مع اننا نوقف ونمشي شوي بس ولو تعب والله .. وانتوا براحتكم .. استخيري وشوفي يا قلبي ..



اهي الرحله ليه سياتل تقريبا 4 ساعات .. وهناك نريح يومين

وعقبها ندش كندا

انا مره مثلك رحنا البحرين وسنه وحده كلش ماريحنا .. بقيت اموت من التعب

بس بالرده شرطت عليه نريح بالخبر ونكمل ثاني يوم

​

وعالبركة نجاح ابوكم ..​

الله يوفق الجميع يارب ولا يضيع لكم تعب ياللي جايين دراسة ..​

الله يبارك فيك حبيبتي .. ان شاء الله يارب

يوفق الجميع ..

 

[بطه فيها نطه]

ام كوشه شوفي هالموقع


http://www.google.com.kw/url?sa=t&source=web&cd=1&ved=0CCMQFjAA&url=http%3A%2F%2Fwww.picnik.com%2F&ei=Fgj4TYLACOzciAKjvqT9DA&usg=AFQjCNESe4gfDLNfZgT4KZfGLIimVVcNOA

 

[سوسو و نوني]

حلو اجل ما دامكم بتريحون يومين زين اجل الله يسهل عليكم يارب وترى 4 ساعات بسيطة مع السوالف تمر بسرعه ..

اجل روحي وسعوا صدوركم وحرام لا تخلينها بخاطر زوجك يمكن وده يروح بس ما يبي يضغط عليك ..

 

[بطه فيها نطه]

حلو اجل ما دامكم بتريحون يومين زين اجل الله يسهل عليكم يارب وترى 4 ساعات بسيطة مع السوالف تمر بسرعه ..

اجل روحي وسعوا صدوركم وحرام لا تخلينها بخاطر زوجك يمكن وده يروح بس ما يبي يضغط عليك ..

ان شاء الله .. الله يكتب اللي فيه الخير

على فكره توني انتبه انك جارتنا .. احنا بـ oregan يمكم شمال

 

[ام كوشه منكووشه]

مساااء الطيبه

اشلوونكم جمعيا وشخباركم

بطووط
ماشاءالله عليكم بالف عافيه وعسى ربي يدوم هالفرحه عليكم ياارب
والف مبرووك نجاح ابوكم وقبول بنتج بالروضه
الحمدالله الله ماضيع تعبه وتعبكم معاه

بطه موو انا اللى اسال عن الجنااط قطاوي.. بس سالفه ال 16 جنطه توا عايلتين يايين من الكويت وابوهم قال حق ريلي ان ليش اهوا توا مبتعث اسمحوا له اب 16 جنطه وقالوا له لك نفس العدد لمن تتخرج

مج مج
حيااتي الحمدالله دام تطمنتي على وضعج ووضع البيبي وشي حلوو تروحين تشوفين المستشفى قبل الولاده عسى ربي ييسرها عليج ويسهلها ان شاءالله
والحمدالله على سلامة حموالتج

ام دوونه
حبيبتي قرة عينج بشووفة الغاليين عسى ربي يخليهم لكم ولا يحرمكم من بعض ان شاءالله
وتجتمعوون كلكم قرريب بأذن الله بالديره وتفرحوون بسلامة نواري يااارب

سوسو ونونو
بعدقلبي ماقصرتي حبيبتي
ان شاءالله لا رجع زوجي بخليه يشوف هالبرنامج
تسلمين لي يالغاليه

 

[Miss Chanel]

هلا والله بطوط شخبارج حوووبي ..

الف مبروك النجاح ومنها للاعلى يارب
ورحله سعــــــيده روحي غيرو جو
والله يوفقكم اجمعـــين


اهلين ام الكوش شخبارج

هلا والله مج مج وسوسو شخباركم

اهليــــــــــن نوني اي والله مابقــــى شي اسبوعين بس تسلمين ياقلبي

 

[بطه فيها نطه]

ام دوووووووووووووووونه

ايييييييييي بعض الناس من لقى احبابه نسى اصحابه ... يحقلك ياحلو

ربي يتمم فرحتك فيهم .. وبشفا نوااااااره

 

[ام كوشه منكووشه]

بطووط
حبيبتي مشكووره وماقصرتي لا خلا وعدم منج ان شاءالله

 

[بطه فيها نطه]

ام كوشه / الله يبارك فيك حبيبتي .. وربي يوفق ابوكم وتفرحون بتخرجه ياارب

والله على ايامنا ماكانت هالسالفه موموجوده ... يمكن الحين اقروا هالشغله

شوشو / ربي يبارك فيك ... وتفرحين بتخرج ريلك قريب ان شاء الله

 

[سوسو و نوني]

على فكره توني انتبه انك جارتنا .. احنا بـ oregan يمكم شمال
[/QUOTE]




يازينك .. عاد انا توي جاية لوس انجلوس من 6 شهور وقلت انشاء الله القى في الكومباوند حقنا خليجيين ..
ابشرك ما فيه الا انا .. شفتي الحظ .. لا واحيانا ظروف شغل زوجي تخلية يسافر ويتركنا احيانا .. ونقعد انا ووليدي متقابلين لين يرجع ..

مره تمنيت اني اتعرف على احد هنا بس ما الله كتب .. يالله انشاء الله اذا رجعنا ياخذ زوجي ماجستير نطيح لنا في كومباوند فية خليجيين ..

 

[بطه فيها نطه]

على فكره توني انتبه انك جارتنا .. احنا بـ oregan يمكم شمال

يازينك .. عاد انا توي جاية لوس انجلوس من 6 شهور وقلت انشاء الله القى في الكومباوند حقنا خليجيين ..
ابشرك ما فيه الا انا .. شفتي الحظ .. لا واحيانا ظروف شغل زوجي تخلية يسافر ويتركنا احيانا .. ونقعد انا ووليدي متقابلين لين يرجع ..

مره تمنيت اني اتعرف على احد هنا بس ما الله كتب .. يالله انشاء الله اذا رجعنا ياخذ زوجي ماجستير نطيح لنا في كومباوند فية خليجيين

هههههههههه عيل ابشرك حالي من حالك .. انا جذي كل اللي معاي كويتين شباب

واحد متزوج او 2 وحريمهم يدرسون .. وماصادف تعارفنا

والحين انقلوا منطقه ثانيه ... اغلب اللي اشوفهم سعوديات

والحمدالله تعرفت على جم وحده .. ذهب .. قعدتهم مكسب

بس كلن له ظروفه .. وحده راحت ولايه ثانيه .. والثانيه راجعين السعوديه

ربي يكتبلهم ويرجعون ... ابوهم ماياب الاسكور بالايلز

فكلش مالي احد ... طرق هالكاشيرات والمدراسات

اللي اتحجى معاهم .. :krkrkr::krkrkr:

 

[سوسو و نوني]

بنات انا وحدة فاااااضية وما عندي شي وزوجي الحين مسافر ..

اللي مثل حالاتي وودها تسولف وقت الفضوة تقولي وارسل لها رقم جوالي الامريكي او هي ترسل لي رقمها واتصل عليها .. عندي رصيد وش كثرة خلني اخلصة ..هههههه

وكلكم بنات اجاويد ما ينخاف منكم ... ماقلتلكم حبيتكم من اول يوم :eh_s(8):

 

[مجنونة حبه]

الله يبارك فيك .. الفال لابوكم ان شاء الله

اكيد السفر حلو وماينعاف .. بس اخاف اتعبهم كل شوي ابي حمام ههههههههه

بستخير والله يسهل ..

الدورات اللي قلتي لغة الامريكان وطبخ وكورشيه اعتقد ... لا موتبع جامعه

اللي ثلاث مرات اعتقد بالاسبوع او شي جذي

اي هذي adult school
انا حطيت مالت منطقتي بس منطقتكم حماي لقاه وحده ان شاءالله ان رد ريلي اقوله يكلم اخوه ويعطينا المكان وين