ديوانية مغتربات usa

[طموحه بزياده]

@@@




مرحباااااا يا مغتربات

انا طمووووشه ويااااارب اصير وياكم يارب ياااااااااااارب ابي اتغرب بأمريكا للدراسه ويا زوجي ياااارب



المهم عندي جم سؤال فضووووولي


انتم مغتربات؟ شلون ويا شغل الصالون؟


يعني اذا بغيتي تسوين شيره و لا حمام مغربي وسوالف الحف والشمع الويه؟ وخصوصا ما شاء الله اغلبكم متزوجات؟


اكو صالونات نسائيه وتروحولهم؟ ههههههه


وبالنسبه للأكل تطبخون عيوش ومجابيس؟ يعني اكو اغراض الطبخ كلها بامريكا؟ لان العيوووش مانقدر نستغني عنها





؟؟



والله يوفقكم كلكم ويشافي اللي يعالجون



@@@

 

[اختكم بالله]

صباح الخير

 

[doode cool]

صباحو خواتي العزيزات

صباح الويك اند انشاءالله السعيد

اخباريومكم امبارح <<< مدري اي لغه بس قصد اخباركم امس

اجازا عندنا الاثنين والباقي عندكم اجازا كمان الاثنين ولا

يوم سعيد ع الجميع انشاءالله
​

 

[doode cool]

@@@




مرحباااااا يا مغتربات

انا طمووووشه ويااااارب اصير وياكم يارب ياااااااااااارب ابي اتغرب بأمريكا للدراسه ويا زوجي ياااارب


امين الله يرزقك ي رب اذا انتيي تبين مع انو الجلسه بديرا حلوا حلو تتغربين ست شهور بالكثير سنه بس


المهم عندي جم سؤال فضووووولي


انتم مغتربات؟ شلون ويا شغل الصالون؟

مأساه من وجهت نظري

يعني اذا بغيتي تسوين شيره و لا حمام مغربي وسوالف الحف والشمع الويه؟ وخصوصا ما شاء الله اغلبكم متزوجات؟

كل شي انتي تسوينه شيره واكس حواجب وفيس حمام مغربي كل شي بالبيت هههههههههههههههههههههه

الين تطفشين وتجيج حاله تشتاقين للهنديات الي بصوالين

بس البنات اهني يقولون في صالونات كويسات انو اذا بغيتي تكلمينهم قبل ويحطونج بغرقه خاصه ويعملون واكس الي اعرفه وصبغ شعر واستشوار بس

اما الخيط وجذي في بالمولات احيانا يجيج ياكشك يامحل كامل حق الفيس والحواجب والشنب <<<:eh_s(10):


اكو صالونات نسائيه وتروحولهم؟ ههههههه

اممم سمعت اهني عند امم دونه علا ماتوقع صالون هنديات توهم فاتحين


وبالنسبه للأكل تطبخون عيوش ومجابيس؟ يعني اكو اغراض الطبخ كلها بامريكا؟ لان العيوووش مانقدر نستغني عنها


هههههههههههههههه عاد اهني قصه الطبخ

اهو تشتاقين للاكل هذا اصلا عيوش مجابيس سمج هريس جريش مرقوق كل هذا يصير بالمفضله ولا تشتهون بعد عصيده وبلاليط وكل شي ناكله هناك تشتاقين له اهني حتى لو ماتكلينه بديرتج امج تسويه وزهقتي منه ماتاكلينه اهني تشتلقين له <<< تشبيه مبالغ فيه

محاشي ورق عنب معجنات
ماعندهم زي ديرتنا معجنات جاهز تطلبين صحن ب 15 ريال انتي وزوجج هههههههههههه لا مافي

بس اكو عندهم شغلات مريحه وتجنن حق المطبخ ماتعب بنفس الوقت




؟؟



والله يوفقكم كلكم ويشافي اللي يعالجون

امين ي رب العالمين يشافي نورا ي رب ياكريم ويسهل عليها عمليتها ي رب ياكريم يامجيب الدعاء انك ارحم الراحمين

اللهم امين يشافي كل مريض اهني ويوفقك كل مغترب جاي يدرس ويوفق الجميع ي رب

@@@

عطيتج اجوبه كانو امتحان هههههههههههههههههههه

 

[مجنونة حبه]

صباااحو الخير اي يوم الاثنين عطله رسميه
ضحكتيني باجوبتك يا دودي بس عسى بتعطيكي فول جريد يعني درجه كامله
شلووونكم حبايبي وشخباركم
الاخت طموحه تقريبا نفس ماقالت دودي
شغل صالون حف وشيره ومنكير وبدكير تقدرين اتحصلينه بالمولات ولا في صالونات
حمام مغربي قصدج تفرك باليفه شدي حيلج اشتري سنفره وليفه وشغلج بالبيت
شعر اتحصلين اذا عندهم بغرفه خاصه
بالنسبه حق الاكل
في بقالات عربيه وتتوفر فيهم العيوش حتى عندج جمعياتهم يوفرون عيوش
والاكل صج بديرتنا اشتهينا فطاير ولا حلويات نشتري بس اهني انتي اتسوين
اتحسين عمرج نفس حريم اول كل شغل البيت
وريلج يستانس ويشجعج وبعضهم يساعد يعني الي مايسويه بالكويت اتشوفينه اهني غيررررر يطلع فنونه
الحياه بسيطه وحلوه وتحسين صج انج ربه منزل مسؤول انتي الوحييده من غير تدخل اي فرد بالعايله
عيالج تحتج وريلج يمج والدنيا سعيييييده
بالبدايه تواجهين صعوبه التنظيم وصعوبه تاقلمج وتاقلم زوجج وعيالج
وبعدها تمشي امور ان شالله بسهاله
والله يسهل اموركم وامور الكل ويشافي مرضانا ومرضاكم

 

[منورة الكويتية]

قوووة
شلونكم كلكم بدون استثناؤ
لكم وحشه

 

[ام كوشه منكووشه]

قوووووه

اشلوونكم بنااات وشخبااركم

اهليين منووره
شلوونج واشلوون العيال
اشلوون معنوياتج خصووصا الرده قربت
الله يسهلها عليكم ياارب

 

[طموحه بزياده]

@@@




واااااو صراحه احس الغربة وناسه بس بشرط تكون مدة محدوده مو الى اجل غير مسمى لوووووول


صراحه ودي اعيش حياة البساطه بعيدا عن الحياة الصاخبه والعزايم والمواجيب والمجاملات منها ريلي يدرس وانا استرخي واستجمم وعلى قولتج اصير ربة بيت ممتازه وانا ادير مملكتي بدون تدخل احد واصير مثل حريم اول جيدات هههههههه


عيل يبيله اسوي جسمي كلها ليزر ازالة شعر حتى للوجه عشان تكون غربتي مريحه لووووول مادري شفيني فصلت عالغربه


زين بعرف شتسوون كل يوم؟ يعني المتزوجه وزوجها اهوا اللي يدرس شتسوي من الصبح لي الليل؟؟



يااااارب يوفقكم كلكم


ويشافي مرضاكم



آآآمين




@@@

 

[مجنونة حبه]

شلونج منور مع ثلج الاصفر الي نزل عندكم
كوشه شلونج باقييييييلج شهر
بنات انا اخذت حبوب حديد دكتوره معطيتني ياه
اكله الصبح حاله مع فيتامينات بس احس ان اذا كليت بعده احس بغثيان وتنسد نفسيتي عن الاكل
في احد جرباه وخذا هالحبوب وصارت لكم هالعوارض

طموحه
والله خوش فكره سوي ليزر لان صراحه انا راحت علي
وبالنسبه حق دوام ريلج اذا كان الصبح ولا بليل
تقومين الصبح اذا عيالج مدارس واذا لا تقومين علساعه ٩ ولا عشر عالمزاج
اتبلشين الطباخ الغدا ولا تجهيزه تفتحين درايش واتشمين هوا نظيف واتنسمين البيت
شغل التنظيف الشقه خليه بليل وبعدها تاخذين شور
شغل الهدوم بلشي فيه العصاري عندج غساله ونشافه ( اهم شغلتين بالشقه )
مواعين صفيفيهم اول باول بغساله مواعين علشان بليل اتشغلينه ويتغسلون لحالهم بس الصبح اتقومين واترتبينهم بالكبتات
اذا ماعنده شي ريلج تتشوون بالاماكن الموجوده حواليكم ولا اتروحون سينما ولا اذا مافي شي دخلي ريلج المطبخ خل يسويلج طبق حلو من ايده
اذا لقيتيلج خوش بنات خليجيات ولا اي جنسيه راح تطلعين وتتواعدون مع بعض
خلي ريلج يدرس ولا طنقرين بويهه اذا تاخر وخلي يطلع ويروح مع ربعه يغير جو
في فتره الامتحانات راح تلاحظين نفسج تنقلبين واتصرين جنج ام تحاتي ولدها بالامتحانات لازم اتخف الضغوط عليه وبعدي عنه المشاكل وادعيله وشجعيه اكثر
في اشياء وايد انسويها بالغربه بس تعتمد على ظروف ومناخ
بس ترا عادي مرات وانتي قاعده اطقينها بجيه ولا يصير فيج كآبه
اذا صار فيج هالاشياء روحي اخذي شور ولا يشوفج ريلج علشان لا تخلينه يشيل همج
وبالتوفيق

 

[بطه فيها نطه]

مساء الخيراااااااااااااااااات عليكم ياحلوين

شخباركم فردا فردااااااااااااا

ادري من زمان ماطليت ومقصره معاكم ... بس موجوده خلف الكواليس

اخباري حدها موشي ... سويت تحليل السكر وماكنت صايمه كاول مره ... وطلع التحليل هاي

واطلبوا اعاده لتست ... وكان قمة التعب .. اسحبوا دم على ثلاث دفعات

وبين كل ابره وابره ساعه وكنت طبعا صايمه .... والدوخه مافارقتني ولا الرجفه

هذاك اليوم ...

المهم اليوم اطلعت النتيجه هم هاي ... ودقوا العياده يقولون بيحولوني الدايت كير

ولازم اخذ موعد ...

.. اول مره يصير فيني سكر .. وخايفه مايروح بعدين او ياثر علي او على البيبي

ادعولي بنات ...

والسموحه منكم ... خصوصا البنات اللي نورونا بالدوانيه .. راح ارد باقرب وقت

على استفساراتكم ...

 

[مجنونة حبه]

ماتشوفين شر حياتي بطوط
ولا حاتين انا والده باخر حملها صار فيها سكر والحمدالله بعد ما ولدت راح السكر كان بفره الحل ولا تعادى الياهل
انتي اهتمي بالغذاء وامشي الي يقولونه عليج وان شاءالله مافيج الا كل خير
ومابقى شي والله يسهل علينا وعلى جميع الحوامل

 

[منورة الكويتية]

ام الكوش والله وضعنا لي الحين ماندري نرد امريكا هالشهر او هالسنه بكبرها ولا لا
وايد متعسرين علي الجامعه اليديده الي بينقلها ريلي والاه يكون بالعون
دعواتكم بليززز

هلا مجمج لووول اي والله غبار يخرع الله لايغضب علينا
انتي شلونج وشلةن اليهال و النونو
والحديد معروف قوي شربيه مع عصير منجا يضيع طعمه


هلا و غلا بطبووط بعد قلبي ماتشوفين شر
ديري بالج واتبعي تعليمات اخصائي التغذيه وماعليج الا العافيه يارب :**


طموحه بزياده الله يرزقج كل ماتتمنين

 

[اختكم بالله]

صباح الخير

 

[اختكم بالله]

شلونج منوره عسى الله يسهل عليكم أموركم وان شالله تتيسر يارب

مج مج شلونج حبيبتي

شوشو شخبارج وشخبار نواره

ام دونه شلونج وشخبار عيالج

نوني وطموحه ودودو شلونكم شخباركم

دعول طمنينا عسى الله يسهل ولادتج

 

[اختكم بالله]

بطوط شلونج حبيبتي وماتشوفين شر ان شالله


انا نفسج بالضبط حتى طلعت من العياده قلت حق ام كوشه دزيتلها مسج


انا اول مره سويته كنت مو صايمه وقالوا لي مرتفع حيل

قالوا عيديه مره ٢ على سحب طم ٣ مرات وبين كل مره ومره ساعه يعني ٣ ساعات

يوم الثلاثاء رحت الساعه ١١ ونص وكنت صايمه مو ماكله شي

على ما قالوا اسمي صارت الساعه ١٢ وربع اسحبوا دم قبل لا اشرب الجلوكوز مادري شسمه

بعد ما أخذوا عينه دم عطوني الشراب شربته وقالت

الساعه ١ وربع يسحبون دم

و الساعه ٢ وربع يسحبون

وآلساعه ٣ وربع بعد

تخيلي كل هالوقت وانا صايمه وحتي ماي ما اشرب

المهم أخذوا دم الساعه ١ وربع

لما صارت الساعه ٢ وربع رحت بسرعه تكرمون الحمام ورجعت

لما طلعت كلهم يدوروني خرعوني قالوا لي رجعتي قلت إيه قالوا خلاص مايصير بطل التحليل اخترب

عطوني ورقه اعطيها الدكتوره عشان تصرف حبوب ترجيع

وللحين ماسويته لان موعدي بعد اسبوع عند الدكتوره



وأمس رحت مراجعتي سونار طلع البيبي حيل صغير ودقات القلب سريعه

وعطوني مواعيد سونار كل اسبوع سونار لغاية ٢ / ٨ عشان يشوفون ويتابعون البيبي

من امس متضايقه


الله يكتب الخير ان شالله


ويسهل علي كل حامل يارب

 

[اختكم بالله]

شنول شلونج طمنينا عنج وصلتي

 

[لولوة الكويتية]

السلااام عليكم
اشلوونكم بنات
شنوول اشلوونك ولهانيين عليك

 

[ام دونه]

مساء الخير
شلونكم كلكم وشلون امور الصيف معاكم ان شالله مستانسين
حوامل شخباركم وشلون البيبيات
اهل الكويت وحشتونا انتم وديرتكم يارب نرجعلها بالسلامه

انا وعيالي الحمدلله كلنا تمام التحاليل ليما الحين ماطلعت يبيلها اسبوعين عشان التحليل الوراثي
ويارب يارب تسهل الامور
قبل اسبوع طلبونا دكاتره الزراعه وكلمونا عن العمليه وشرحوها بالتفصيل وقالو انها قرييييييييبه حيل يعني بتقديرهم بعد4 او 5 اشهر
بالنسبه لي تعتبر قربت لانه من 3 سنين وانا انتظرها
ههههههههههههه اهلي بالكويت قلتلهم قربت واستانسو على بالهم بعد اسبوع حاشهم احباط لما قلت يمكن بعد4 اشهر
بس الحمدلله الحمدلله المهم عندي انها تنجح ونرجع انا ونوره وافرح بشوفه اهلي وشوفتكم كلكم ان شالله

 

[ام كوشه منكووشه]

يــســعدلـــي صباحكم ومسائكم يارب

اشلوونكم وشخباركم جمعيًا

منووره
الله يسهلها عليكم ويجدم لكم اللى فيه الخير ياارب:yaaaaaarb:

مج مج
حبيبتي اشلوونج واشلون العيال والنونو
بلييييييييز ماتفكرنيييييششششش :eh_s(16)::eh_s(16):
حبوبه انا اخذ حبوب حديد وفيتامينات بس ماحسيت بالاعراض نفسج يمكن لاني اخذهم بالليل او بنص اليوم ولا مره جربتهم الصبح هذيلا اللي اخذهم

بطوووطه
حبيبتي الف سلامه عليج ماتشووفين شر ان شاءالله
ولا تحاتين ترا امي باخر حملها لها صار معها سكر حمل بس يروح عقب الولاده والحمدالله البيبي مايتاثر بهالشي

ام دوونه
بعد عمري الله يهوونها عليكم ويجازي صبركم بقومة نواره بالسلامه يااارب :yaaaaaarb:
والحمدالله الايام تمر بسرعه بغمضة عيين بتمر هل ال 4 شهور

 

[doode cool]

السلام عليكم ورحمة الله وبركاته


هاي بنات

بطوط

ياعمري انتي ماتشوفين شر ي رب الله يعين ماعرف شي عن سكر الحمل ابد

ام دونه

الحمدالله ي رب هانت اي والله قريبه عادي لو بعد سنه كمان بس اهم شي النتيجه تكون كويسه اللهم لك الحمد ي رب هانت يا ام دونه الله يعوض صبرج ي رب

خوخه

الله يعين كل ه الوقت بالمستشفى عشان تحاليل @@ الله يعين والله طويل الوقت عاد انا لو مكانج اموت احب الاكل

مج مج

شلونك وشخبارك واخبار العيال كل شي تمام سجلتو صيفي

ام الكوش

جم باقيلج وتحتري البيبي يطلع

منور

الله يكتب لكم الصالح ي رب وين مكان

شنول

منو يعرف اخبارها وصلت بسلامه انشاءالله طمنونا عليها بنات

نوني ضيون دعول<< اخباراها ولدت ولا لسه

بمريامه سندرلا اقي البينات كلياتكم كيفكونن
​