ديوانية مغتربات usa

[ام دونه]

مساء الخير

 

[ام دونه]

السلااام عليكم

غلوووي
ماشاءالله عليكم بالف عافيه حلو انج شوي تبعدين عن منطقتج وتغيرين جو بعد الولاده

بطوووط
اشلوونج واشلون البنات والبيبي
طمنينا عسى كل اموركم تمام

ام دوونه
هلا والله اشلونج واشلون العيال ونواره
حبيبتي الله يشافيها لكم ويقومها بالسلامه
انزين هل السكر ممكن تتعالج منه ويروح دام يايها على صغر ولا شلوون

هلا والله ام كوشه
الحمدلله كلنا تمام انتي شلونج وشلون نوره والبيبي

سألت الدكتور اذا كان مؤقت ممكن من الادويه او شي جذي قال لا نوعه اللي مدى الحياه بس في دراسات للحين انه ممكن مرضى السكري يكون لهم بالمستقبل عمليه زراعه خليه بالبنكرياس يرجع يشتغل ويتشافون باذن الله منه بس هذا كله دراسات
الحمدلله على كل حال
ليسألناها الحين . شفيج نوره تقول عشان انا حلوه حيييييل صار فيني سكر


ام كوشه طرشتلج على الخاص استفسار ثاني

 

[ام دونه]

الصراحه الموضوع موسهل ... سبحان الله قبل ان طاف يوم ولا يومين مااكلت حلو عادي عندي

ولا يهمني اصلا ... الحين جني اعاند نفسي .. بس اتشهى حلو

بس مسيطره كثر مااقدر اني مااخربط ... والحلو بالنسبه لي حاليا اغلبه

او كله فاكهه طبيعيه .. ومحرومه من العصير والبيبسي والكربوهيدرات

طبعا لوتشوفين اوراقي والجداول .. تقولين هذي طالبه بمعهد ههههههههه

الله يسلمك الدكتوره تبيني اسجل وقت الوجبه ومكونه من شنو واذا اقدر

هم قالت عدد السعرات اللي فيها ... وتحليل الدم على الريج وبعد كل وجبه

بساعتين ...

الحمدالله زوجي مساعدني وايد ... مسكين ياكل معاي نفس النوع والكميه ههههه

واصابعي راحت فيها من تقضض الابر ...

كمية الباستا او العيش لازم ماتعدي الكوب ... ماكوا مكاييل البهارات

والطحين ... اهونفسه اكبر واحد

بس بالمره ماينفع هالجدول مع الصيام ... الله كريم

سلامتج بطوط وماتشوفين شر ان شالله يروح بعد الولاده

نفس الحاله بالظبط مع نوره انا برمجت نفسي مع اكلها شسوي بعد على الله
بس انتي تاخذين انسولين والا ماتحتاجينه ان شالله
بس انا متوهقه برمضان نوره تموت على اللقيمات وماني عارفه شلون اقيس كميه الكربوهيدرات بالطحين لانها تقريبا تاكل جم حبه بس والكيس مكتوب عليه قياس كوب تقريبا
ذاك اليوم الدكتوره تقولي شنو تحب نوره اكل عشان اعلمج شلون تقيسين الكربو هيدرات مشا الحال بسسسسسسسسسسسس ونوره تحب المرقوق قلت يبه خل اقولها يمكن تقدر تقيس الكميه جان اوصف الاكله ههههههههههههه لما قلتها المكونات وطريقه الطبخه بغغت العيون وقالت كله مع بعض تاكلونه قلت ايه قامت تضحك
ياليت بطوط اذا تعرفين شلون تقيسين اللقيمات تكسبين اجرنا والله برمضان ماابي احرمهم منها عشان نوره هانم:eh_s(14):

 

[ام دونه]

مج مج خوخه لولوه الكويتيه حبايبي ماقصرتو والله

 

[ام دونه]

اليوم دخلت شهري

دخلت التاسع


اسأل الله العلي القدير يبلغنا رمضان وأحنا بصحه وعافيه

واسأل الله العلي القدير يسهل ولادتنا ويقومنا بالسلامه

يارب ياكريم

ان شالله تقومين بالسلامة خوخه
امين يارب :yaaaaaarb

 

[اختكم بالله]

شلونكم بنات

مج مج المعهد طلعت منه اخر يوم كان ١٥ / ٧
الصراحه تعبت ماقدر اقعد فتره طويله بالكرسي احس ظهري بينقص
بس الحمدلله شهر ونص استفدت حيل والله


ام دونه حبيبتي عسى الله يطمن قلبج علي بنتج ويفرحج فيها يارب
فديتها والله وان شالله اذا الله قدرني وتذكرت بالولادة بدعيلها يقولون الدعوه اثناء الطلق والولاده مستجابه

 

[ام كوشه منكووشه]

السلاااام عليكم

اشلوونكم بناات

ام دووونه
فديتهااا والله نواره صاجه لانهاا عسل بيجهاا
حبيبتي عسى ربي يقومهاا لكم بالسلامه ويفرح قلبكم ياارب
غلاتي انا من امس انطر هالرساله ماادري وينهااا الظاهر بتاخذ لها لفه بالمنتدي يالله توصلني

 

[ام كوشه منكووشه]

خووخه
يالله هاانت مابقى شي ان شاءالله وتفرحين بقومتج بالسلامه مع النونو

لولو
هلا والله اشلوونج واشلوون البنوتات
واشلوون تجهيزاتكم لرمضان عسى استعديتوا

 

[ام كوشه منكووشه]

بطوووط
حيااتي في نوع شكر اسمه سبلندا هذا احنا نستخمه للشاي والحلويات وكل شي وااايد اخف من السكر العادي مايصير تستخدمينه انتي؟ لان في بيبسي وعصير وكاكاو يكون ضايفين لهم هالشكر

 

[لولوة الكويتية]

اشلووونكم اليووم
مج مج إحنا كلنا بخير الحمدلله
ام دونه حبيبتي ما لها شر نوارة والله يخليها لكم
ام كوش حياتي والله بناتي بخير وماكو حووسه مع دراريع رمضان وهدووم العيد

 

[doode cool]

السلام عليكم

شخباركم بنات شلونكم
​

 

[doode cool]

اليوم دخلت شهري

دخلت التاسع


اسأل الله العلي القدير يبلغنا رمضان وأحنا بصحه وعافيه

واسأل الله العلي القدير يسهل ولادتنا ويقومنا بالسلامه

يارب ياكريم

امين ي رب ويسهل عليك ويسهل الولاده علا كل من دخل التاسع ي رب
​

 

[doode cool]

هلا والله خوخه اشلوونك واشلوون ولدك
ان شاءالله الله يهوون عليك ويرزقك بالولاده السهله

بااقي البنات اشلوونكم وشخبااركم
غلوي عليك بالعالفيه روحة نيويورك ويلا ننطر الصور
ام دونه اشلوونك وربي يشفي نواره ياارب
شنوول وينك من زماان عنك
ام الكوش دودي نوني وبااقي البنات اشلونكم

انا الحمدالله تمام سالت عنك العافيه

انتي شلونك انشاءالله تمام
​

 

[doode cool]

الجريش موجود بالبقاله انا حصلته .. وهم خلطة لقيمات موجوده تاكدي منهم

هم الترامس تحصلينها بس على حسب الموسم والمكان ...

مشكورا بطوط

يسسلمو ماقصرتي

بي الترامس مشكلع مالقيت وولا فناجيل

 

[doode cool]

مجاعة الصومال ..



الله لايبلي احد بيوع ولا عطش .. اللهم اطعمهم هنيئا مريئا

اللهم فرج عنهم ..

اللهم اغثهم .. اللهم اغثهم .. اللهم اغثهم صيبا نافعا ..

لا تبخلون خواتي ولو بالدعاء لهم .. احنا بغربه وابسط امر يفك ويفرج عنا الكثير

هذا رابط لتبرع ..



جمعية العون المباشر

http://www.google.com.kw/url?sa=t&source=web&cd=1&ved=0cb8qfjaa&url=http%3a%2f%2fdirect-aid.org%2f&ei=duwqtr_vcspqialqk5ywag&usg=afqjcnerefe2z992cxkkkxbzmihqmjwx_a

اللهم امين ي رب العالمين


اللهم اغثهم .. اللهم اغثهم .. اللهم اغثهم صيبا نافعا ..

الله يجزاك خير ي رب
​

 

[doode cool]

شلونكم شخباركم فردا فردا
ماابي اذكر اسامي عشان لا انسى احد
سلامتج بطوط ماتشوفين شر
خوخه ان شالله تولدين بالسلامه انتي وام كوشه وبطوط وكل الحوامل والله يرزقكم الذريه الصالحه
بطوط انتي اللي معاج سكر حوامل ؟ شلون قادره تنظمبن اكلج؟ نوره بنتي من اسبوعين شخصوها معاها سكر وحطوها على الانسولين بس مشينها على نظام كل ثلاث ساعات وجبه وابره صعب حييييييييل هالنظام وخصوصا مع عمرها فكرت بشركات التغذيه هني بس المشكله ماتحب اكلهم لازم اكلنا
والدكتور مخليها على نظام التغذيه العلاجيه اللي اهي اكلات قليله الكربوهيدرات الحين احاول كثر مااقدر اقيس كميه الاكل واحسب السعرات الحراريه وعلى الله
الله يسهل الامور

الله يشفيها ي رب ويعطيها العافيه وياجرها ي رب ياكريم

من حلاوتها صادقه نوراري من حلاوته جاها السكر الله يخليها لكم ي رب وتفرحون بسلامتها
​

 

[ام دونه]

مساالخير

شلونكم بنات شخباركم

تسلمين دودي ماتقصرين الله يسمع منج يارب

 

[مريامه]

مساء الخير بنات شلونكم شخباركم

معلش لهيت عنكم في الدراسه بس يالله هانت اسبوعين ونخلص
شخبار استعداداتكم حق رمضان جهزتو الكبه والسمبوسه انا سويت كبه بس للحين ماكملت بزيد الكميه شوى علشان اخر رمضان نبداء نداوم والله يعينا يارب

تحياتى لكل البنات وحده وحده

 

[ام كوشه منكووشه]

السلاااام عليكم

اشلوونكم بنااات وشخباركم

دودوووي وبااقي الحلووين
توا وحده من صديقاتي عطتني موقع يبيع التمر وهالسوالف لرمضان ويوصلهم للبيت حتى المواعين عنده
علي كلامها قلت احطه لكم تشووفونه يمكن تحصلوون عنده شي يفيدكم لرمضان
saudimarketstore.com

 

[D.asmaa]

ام كوشه مشكووره عالموقع وعالافاده ..وعسانا وعساكم من عواده