ديوانية مغتربات usa

[ام دونه]

خوخة

الحمدلله انا بخير بس تعبانة من اللوية

دعول وتوفية وكوين وام دونة وغلا ومنورة وحوا

شلونكم وعساكم بخير

عساج علا القوه كله بأجره ان شالله ويوصل بالسلامه اخوج يارب
باجي البنات شلونكم شخباركم
امس واليوم عندنا الجو يخوف هوا قوي وثلج جنه فلم رعب

 

[ام دونه]

ضيون سلامته ولدج وماشالله ام كوشه ماقصرت جزاها الله خير بس شربيه أشياء دافئه نعناع زعتر مراميه ترا حيل حلوين حق البرد صح وكمون بعد زين

 

[ام كوشه منكووشه]

رد : ديوانية مغتربات usa

هلا والله ام وهابي

حياتي عيونج الحلوه .هاذي وحده جزاه الله خير بالتجمع سوت لنا هالتوقيع انا وخوخه نولد بنفس الشهر بس والله مج مج وبطووط ماادري متي عسى ربي يتمم علينا ويرزق ضيوونه وكل من يتمنى ان شاءالله:yaaaaaarb:

مج مج حلوو اسم دانه ودي فيه بس مااقدر اسميه لان عمي كان خاطب حق ريلي بنت عمه واسمها دانه بس ريلي ماكان راضي مايبيها حتي ماراح يخطبها مع ابوه اخااف نسمي عبالها ريلي متحطم فيها ومتحسف معنى حييل ودي بهالاسم
انا ريلي يقول اذا بنت نسميها اسم بحرف النون عشان يصير قريب من اسم بنتي بس ياربي الاسمي اللى بحرف النون محدوده ولا اقدر اسميها نور لان ساعات انادي بنتي نور باجر يتخربطون واعليه

ام دونه هلا قلبي احنا تمام انتو اشلونكم ..والله احنا حايشنا هوا قووي حييل وامس واليوم كل شوي تطفي علينا الكهربا تذكرت الكوويت حمله الترشيد لوول

 

[ام دونه]

رد: رد : ديوانية مغتربات usa

اكيد اي مكان احلى من باكستان وع

بس اكيد راح يختار امريكا ماكو كلام

مج مج شرايج باسم عذبة حلو

ولو اقولج اسمي غريب بس حلو هههه سمي على ترا مو وايد منتشر كل اللي يسمعه يغلط اول مرة فية وارد اصلحه يقول لي حلو الله

صديقاتي 2 سموا على مو جني امدح اسمي وايد !!

ماشاالله فعلا اسمج غريب عاشت الأسامي

 

[ام دونه]

هلا والله ام كوشه
الله يعينا علا هالجو متا يخلص الشتا بس
سبحان الله ينولد البيبي واسمه معاه
يعني انتي تبين بدايته نون

 

[مجنونة حبه]

لووووول ام كوشه انسي دانه اخاف صج مو هالحريم ابسرعه بالهم يروح بعيد لوول
عاد تفكير ريلج نفس تفكيري بس ريلي اليوم يقول اشرايج اسم امريكي لوووول ما ادري شنو يفكر
عندج اسم
نوال ،،نمارق ،،نسمه ،، نسايم ،، نعمه ( موتكفخيني ) ،، نعيمه ،، نجاح ،، نهى،، ناديه ،، نانسي <<< اشرايج :hjy5jewf:


اي انا ان شاءالله ولادتي بتكون ١٥ ولا ١٨ سبتمبر

 

[مجنونة حبه]

بنوتات الي عندكم يهال او حتى الي ماعندهم
شلونكم مع ليالي الرومانسيه :blueSmCLR:
شلون ادبرونها مع عيالكم اكيد فرقت معاكم بالكويت واهني
الكويت تقدرين اتسوين جو حلو من غير حنه اليهال ( اتقطينهم باي مكان ولا احد يساعدج فيهم ينومهم )
وغير الريال ماعنده امتحانات ولا دراسه ومحاتاه

يعني اتحسينها سهاله شوي من ناحيه تحضيرات
بس اهني في احد سوا الصراحه
انا بالغصب تالي الليل بس مافي سوالف شموع وورود
لا بس لبس ولا اكون مهلووكه من شغل البيت والعيال :cxxxp:
ولا اذا صار العطل الطويله ايونا زوار لوووول
عاد ودي هالمره اسوي اغير جو ما ابي احسس عمري اني كبرت
انتوا اشرايكم منو الي سوا عطونا افكاركم _03BA:

 

[ام دونه]

تقومين بالسلامه مج مج
على قولتج مج مج بالكويت تحسينها سهالات اكثر الله يخلي الخدم عليهم الكرف واحنا يالله نحورف باعمارنا وين هني
الله يعينا بس ومع ها نسوي بعد نرقع مايصير الوحده تهمل روحها وزوجها بالمره يعني شوي تحاولين توفقين صح صعب بس الله يكون بالعون
الله يعينا احنا يالحريم ليش كل شي مطلوب منا احنا والسي سيد يجيه كل شي بارد مبرد يالله يستاهلون :rgewrg:

 

[ام دونه]

بنات ياغاليات على قلبي والله
_shh_: منو تعلمني شلون احط شعار الديوانيه بتوقيعي لاني مااااأعرف

 

[مجنونة حبه]

ام دونه
اول شي سيفي الصوره بكميوترج
بعدها دشي اي موقع مخصص حق تنزيل الصور
حفظي رابط الصوره
دشي بروفايلج ورحي عند التوقيع وحطي رابط الصوره

 

[ام دونه]

ياقلبي ماقصرتي شكرا

 

[مجنونة حبه]

العفو :fun:

 

[ضي]

اهليييين ام دونه شلونج حبيبتي؟ الشرر ما اييج صج ما قصرت كووشه وشريت الدوا ويااارب ينفع معاه ويقدر ينام اليوم

مج مج بخصوص الليالي الرومانسيه انا من دخلت زرزوري الحضانه خذيت راحتي

يعني انومه ٧ ونص او ٨ وبعدها احورف بعمري واكون خالصه من شغل البيت

يعني اتوقع لو عيالج نومهم منظم ممكن تفضين حق روحج بس ينامون معاج لاااا صعبه ::cxxxp:rgewrg:

 

[ضي]

حبيبتي كوشه الله يسمع منج يااااااارب:fun:

 

[ام كوشه منكووشه]

رد : ديوانية مغتربات usa

هلا والله ام دونه اي حياتي ريلي يبي اسم بنت يبدي بحرف النون لان بنتي اسمها نوره يبي اختها نفسها او قريب من اسمها

هلا مج مج

اهني يااليهال مخربين عليج ليلتج يا ايج ابو الشباب ماله خلق ويكسر فيج وخصوصا باول سنه ونص عقب ولادتي لكن الحين نوعا ما احسن شوي بعد مانونو كبرت يعني لا صار الويك اند انومها قبل لا يرد ابوها من عند ربعه وازهب شغلي والحلو اهني ان حضانة بنتي مثلا قبل الفلنتاين بليله يفتحون بالليل من ال7 الى 11 واللى يبي ايبي اعياله بهالوقت يدفع للمدرسه اللى بتقعد معاهم ..

 

[ضي]

لوووووووووووووول كوووووشه حلوه سالفة الفالنتاين يحليييلهم

كووووشه ترا قاعده اعصر مخي عشان اطلع باسم حلو حق اخت نونو :gr4uu:

 

[ام كوشه منكووشه]

رد : ديوانية مغتربات usa

هلا ضيوونه

بعد قلبي ماتقصرين مو شسوي فيه الا بحرف النون معنى قايلتله البنت الثانيه مالك شغل انا بسميها لان اول بنت و اول ولد متفقين ان اهوا يسميهم والباجي انا بس الله يهديه حاط لي شرووط يا نون ي لأ

انا نطره كووين تقوول اسمها يمكن يعجب ريلي ونسمي عليها :wqedqw:

انا كان ودي اسمي حور على اسم يدة امي لان امي بخاطرها نسمي عليها بس خواتي مو مشجعيني

 

[ام دونه]

ام كوشه والله علا قوله ضيون قاعده اعصر مخي طلع وياي نرجس
الله يخليلج نورتج ويخليلي نورتي ونشوفهم عرايس قولي امين

 

[ام دونه]

جنه كوين كاتبه اسمها اذا ماني غلطانه اسمها عذبه

 

[ام دونه]

بنات أنا فاقده غلا الروح وغلا شمر ولوليتا عسا المانع خير صارلهم جم يوم غايبين