ديوانية مغتربات usa

[g6awi]

رد: رد : رد: رد : رد: رد : ديوانية مغتربات usa

اها خوش عيل

بس انا ولدي بيبي 8 شهور

 

[g6awi]

رد: رد : رد: رد : رد: رد : ديوانية مغتربات usa

واااي يا حلوونا

صج ان حمدالله الكويتيات على قلب الله لا يغيير علينا

 

[g6awi]

رد: رد : رد: رد : رد: رد : ديوانية مغتربات usa

حيااتي دزييتلج رقمي

 

[غلاالروح82]

رد: رد : رد: رد : رد: رد : ديوانية مغتربات usa

السلااااااااااام عليكم

شلونكم بناااااااات شخباركم

 

[منورة الكويتية]

قوووووة جميلات

 

[اختكم بالله]

هلا وغلا هلا والله بمنووووووووووووره شلونج


غلا الروح هلا فديتج شلونج


قطاوي حياج الله حبيبتي شلونج ولاتحاتين بنفس ولايتج شوشو فديتها تعين وتعاون عسى الله يكتب لها كل خير

 

[g6awi]

هلا حياتي وينج شوشو

ومشكووورين كلكم طمنتووني

 

[q8_toffee]

شلووونكم بنات شخباركم


​

 

[Miss Chanel]

رد : ديوانية مغتربات usa

اهلين بنات شخباركم...
ام كوشه لموس غلوي وغلا شمر ومنوره توفيه ضيون ام دونه زمرده
خوخه مج مج قطاوي ام محمد ام فله الخافق وكل البنات شلونكم

 

[ام كوشه منكووشه]

رد : ديوانية مغتربات usa

مسائكم الله بالف خير خواتي

اشلوونكم وشخباركم جمعياً

هلا قطاوي
ياحياتي عادي خليه اسمله عليه يبلبط بالماي شويه وياهم اهوا الحوض مال اليهال مو عميق وحتي لو ماتبينه يسبح احنا نقعد بمكان مظلل ونخلي اليهال يلعبون يمنا ..ان شاءالله انا هالويك اند بضبط الرحله مع البنات واخبرج وان شاءالله الله يكتب لنا ونتعرف عليج

خووخه
حياتي على هالكلام الحلوو والله هذا من طيب اصلج يالغاليه وعسى ربي يسر حملج وتوالدين بالسلامه ان شاءالله

اهليين شانيل شلونج قلبي

اخباري اليووم الله يسلمكم كان عندي مراجعه على الساعه 12 قلنا حلو نخلص تالي نروح نتغدي انا وريلي بما ان نواره بالحضانه المهم يوم خلصنا رحنا حق مطعم ياباني كله نروحه واللى يشتغلون فيه يعرفونا طلبنا المشروبات وخذيت لى عصير اناناس ويووم اشربه ولا طعمه غريييب وحسيته جنه حرق بلاعيمي انا عبالي يتهيأ لى لان كنت حييل تعبانه ولايعه جبدي من الحر وتالي شكيت وخليت ريلي يذوقه قالي هذا معفن تاالي استوعبنا ان حطين فيه كحول مالت عليهم عاااد انا استعابي حده بطئ يووم طيرت ربع الكلاس يالله استوعبت

 

[g6awi]

هههه بدعتي ديري بالج عسى مادختي عقبها

 

[g6awi]

ودب اخليه يسبح عاد ذاك اليوم عزج الله لقيت بامبرز للسباحه حده عجبني ااذا هذا اروح اشتريله


رياييلكم بيكونون معاكم عدل ؟

 

[Miss Chanel]

رد : ديوانية مغتربات usa

عساج دوم بخيـــر ام كوشه..
وربي ضحكتيني قاعد اتخيل شكلج شافطه نص العصير وتالي استوعبتي هههههههههه:dddds:

 

[g6awi]

ودب اخليه يسبح عاد ذاك اليوم عزج الله لقيت بامبرز للسباحه حده عجبني ااذا هذا اروح اشتريله


رياييلكم بيكونون معاكم عدل ؟

 

[ام كوشه منكووشه]

رد : ديوانية مغتربات usa

اهلييين بناات

هلا قطاوي

اي حلوو هذا البامبرز انا اخذه حق نواره لمن نروح الاحواض..الريايل ان شاءالله بيكونون معنا بس هما بالحديقه بيتمشون بروحهم ويلعبون ولا خلصنا نكلمهم

شانيل
هلا والله اليوم وانا اختج اول مره اناام الظهر من تزوجت الظاهر من العصير:27d66a9c24b146327bf

والله حتي ريلي يقوال طوول عمرج تشربين بالاناناس اشلوون مافرق عليج الطعم اهوا ذاق شويه واستنكر :eh_s(22):

 

[مجنونة حبه]

رد: رد : ديوانية مغتربات usa

السلام عليكم اشلونكم
عاد ان شاءالله لاول مره بتاريخ كاليفورنيا ينزل ثلج يوم السبت مع المطر
وناااااااسه راح اشوف الثلج
اليوم طلعنا موعد طبيب اليهال وتمشينا وبعدها رحنا ابل بيز اشتهيت تويستر واخر شي رحنا تارجت خمطنا العاب حق اليهال بس اشلون طافتني تحليل الجنس حسافه
شلون الجو معاكم وشنو امسويين ع هلبرد *

 

[ام دونه]

السلام عليكم.
شلونكم حبايب قلبي

 

[اختكم بالله]

السلام جميعا


شوشو لاتشربين اناناس مو زين للحامل ديري بالج اشربيه بالتاسع عشان يفتح الرحم او يساعد على الولاده

 

[ام كوشه منكووشه]

رد : ديوانية مغتربات usa

هلا والله خووخه

لا انا سالت دكتورتي عنه لان حتي بحمالي بنوره تنسيت على كيوي واناناس وقمت اكلهم بعدين امي وخالتي زفوني ووصوا ريلي مايشتري بس ماكنت اقدر احس بطعمهم على طرف لساني ولعوزت ريلي لين سالنا الدكتوره هناك وقالت ميخلف تصدقين اي شي قالوا موزين للحامل خذيته وماصر شي الحمدالله للحين اشرب اناناس واكل صلصله فيها زنجبيل مع السلطه وحتي الدراسين والزعتر اخلطه مع الشاي عادي والموعد اللى طاف هم سالت دكتورتي وقالت عادي بس في حوامل بعد مايشربونه يسبب لهم تقلصات بالرحم اذا الوحده حست بهالشي اهني لازم ماتشرب لكن اللى نفس حلاتي عادي


مج مج
عليكم بالف عافيه ياقلبي..والاختبار واايد قريت عنه انه مو مضبوط مع انه في ناس جربوه اكثر من مره وبالمرتين طلع لهم غير السونار
بس اذا حابه تجربينه جربيه يمكن يصدف معاج

 

[ام دونه]

قوه ام كوشه شالسالفه انتي وقطاوي يااختي راعو مشاعرنا ترى في ناس واولهم انا ودي اتعرف عليكم اكثر لا تحرونا تواعدو بالتلفيون لا نعطيكم عين نطير كل وحده بولايه خلاص
وسالفه العصير والله ياام كوشه صارتلي نفسها اول ماجيت لامريكا كانت اللغه صفربس مع السنتين لا الحمدلله اتكلم بطلاقه
المهم صارتلي هالسالفه بمطعم ريد لابستربس مع القهوه واللي معاي وحده من جاراتنا لما ذقت القهوه حسيت بطعم غريب على شي بسرعه تبخر بحلجي عاد قلت للي معاي احس طعم غريب بالقهوه ذاقتها والا تصيح بصوت عالي استغفر الله انا مت من الضحك ونادينا الغبي اللي طلبنا منه جان يقول انا قلتلج احطلج كحول وانتي قلتي ايه وانا عندي ميزه كل ماكلموني اقولهم يس اثاري انا معطيته تصريح يحط كحول عاد جارتي تقولي ام دونه ماراح انساج تركتي بصمه بحياتي الا بصمه سودا والله ومن هالسالفه غيرت الميزه من yesالىnoooo