ديوانية مغتربات usa

[مجنونة حبه]

عليكم بالعافيه الحلو

 

[اختكم بالله]

ماشالله شنول شنو هالحلا الجميل
كندر من وين شريتيه

نسيت ان ام دونه محذرتنا ههههههههههه

 

[اختكم بالله]

ام دونه هلا وغلا

 

[اختكم بالله]

هلا مج مج حبيبتي عسى دوم ان شاءالله

 

[Miss Chanel]

الله يعافيج مج مج ...

خوخه عندنا البقاله حقت الســــــكن ...

 

[اختكم بالله]

زين والله شنول
انا لقيته بامازون بس زوجي قال يمكن منتهي ههههههههه

 

[اختكم بالله]

شوشو هلا وغلا وينج ماتبينين بالواتس اب

 

[ام كوشه منكووشه]

مساكم ورد وريحان

اشلونكم حبايبي

دودووو
ههههه بدعتي بولادتج
بس حراااام عليج الحين امج مجابلتج وقايمه فيج تقوالين لها فييل ليش ياقلبي

بس ابرة الظهر موو اجباريه اهني ممكن تاخذينها وممكن ترفضين اهما يسالونج بالثامن او قبل الولاده

مشمش
مشكوره حبي عااد تصدقين انا كنت ماخذته من فتره بس مااستمريت عليه فماادري هلا فعلا نافع اولأ
وتسلم ايدج عالحلا بجربه هالويك اند

هلا والله ام دوونه
بعد عمري ماقصرتي حبيبتي شكلي بجرب اللى قلتي عنه

مج مج
حيااتي انا جذي وكل ربع ساعه عندي زياره مكرم اللى يقري للحمام هالمره اكثر من الماااي عشاان اصير مقيمه فيه لوول

 

[ام كوشه منكووشه]

هلا والله خووخه

انا موجوده بس لان هالفتره قااعده اسوي جرد عالملابس وازهب ملابس البيبي واغسلهم فتلقيني فتره الصبح اختفي شوي لان نواره تكون بالحضانه فقعد تحووس على راحتي بالبيت ..
خووخه موقع الاتحاد يبيع كاكاو وحلا قهوه
وحق رمضان عندهم تمر وفيمتو واستكانات شاي وقهوه ..
وعندهم حركه حلوه للطلبه او حتى للعوايل اللى يايه علاج في نموذج لمن تعبينه يدزون لكم بمناسبه رمضان حلو قهوة وفيمتو وتمر وسجادة صلاة ومسباح هدية رمضان

 

[غلا شمر]

السلاام عليكم

وينكم الديوانيه فااضيه ..

 

[Q6RYA]

ههههه خوخه عاد كاكاو من امازون مايسوي كلـش

بنات احنا عندنا سوبرماركت اسمه international food market جنه جمعيات قطر قبل عنده كل شي فيمتو وماي ورد وتمر واندومي وقيمر وخبز لبناني ولبن وكل شي كل شي متعودين عليه بالخليج اتوقع في كل منطقه في امريكا فيه جـذي اسألو انتو

 

[Q6RYA]

ام كوشه شنو موقع الاتحاد هذا عطينا اللنك خنشوف شسالفته

 

[بطه فيها نطه]

ماشاء الله شاقحين جم صفحه ؟؟ شهالنشاط والحيويه ... نسيتوني اسلم عليكم

مساء الخيراااااااااااااااااات على الحلوين

خوخه موعدي تو الناس عليه يوم 21 / 6 واغراض البيبي تقريبا خلصت بس بقى السرير

وابي جم شغله لي + ملابس حق بنتي لروضه ...بجهز لها من الحين

لان بهذاك الوقت اكون توني والده ان شاء الله واهي توها مداومه

والسوق الحين كله صيفي ... واحنا ولايتنا بارده .. صيفنا يدوب اسبوعين بس

فناطره لما ينزلون الشتوي

شوشو ربي يسهل دربك ... ولاتحاتين دام السفره دايركت ... توصلين بالسلامه


مرميد .. انتي وينك ؟؟؟ ليش غاطه ؟؟ ولهانا عليك ... شلونك وشلون بنتك وولدك

عساكم بخير ...

باجي البنات شلونكم ؟؟ شمسوين ؟؟

اليوم بلشت بالسويت قبل الغدا ههههههههه ... صارلي فتره مشتهيه وربات بالقشطه

عاد اليوم سويته ... والغدا ليه الحين ماادري شسوي ؟؟

 

[اختكم بالله]

هلا والله بطوط شلونج

 

[اختكم بالله]

هلا شوشو شلونج حبيبتي
اي اعرفه موقع الاتحاد
شوشو موقع الاتحاد حق طلبة الكويت بس صح لان لما دخلته لازم اسم الطالب المبتعث ورقمه وبياناته عشان يتاكدون بس توهقت ماعرفت بخلي زوجي يحط بياناته لان هو الطالب

 

[اختكم بالله]

غلوي هلا والله شلونج وشلون البنوته
شلون نومها ؟ تسهرج ولا ؟ يعطونج ماي غريب اللي هو حق الاطفال ينومهم او يخدرهم لان احاتي لما اولد

 

[اختكم بالله]

قطريه شلونج حبيبتي
والله بشوف اذا عندنا هالجمعيه

 

[ام دونه]

مساءالخير

هلا شنول انا تمام ونوره بعد انتي شلونج ؟
شنول خوخه عادي فيها وداع السالفه تواعدو وتوادعو ههههههههههه احس قاعده اقط حكمه

هلا بطوط وينج غاطه حبيبتي ان شاءالله تقومين بالسلامه

ام كوشه زين تسوين انا بعد شكلي بسوي جرد قبل مايجون عيالي

قطريه عندنا هالسوبر ماركت اسمه جنغل جيم انترناشونال فود بس كل شي فيه الا التمر اللين فيه التمر المجفف

مج مج انا مهما انام اقعد جنه مو نايمه والله يامج مج فاقدين راحه البال لو ننام بالنا مشغول الله يعين بس
دودي نوني شلونكم حبايبي

 

[ام دونه]

زين شوشو موقع الاتحاد يصير حق اهالي المرضى

بنات احس في شي يضحك الوحده تتوهق تقول شي الكل يسوي هجوم قوي بالاسئله جنه اهيا اللي مخترعه الشغله ههههههههههههههههههههههههه

 

[ام دونه]

شلونج خوخه وشلون ولدج؟