ديوانية مغتربات usa

[ام كوشه منكووشه]

صباح الخير على حلوات

شلونكم شخباركم حبيباتي

مشكورين وماقصرتوا على كل شي فيدتوني فيه من الحمال والولاده

الحمدالله الله سهل ولادتي والعناية بالطبيب روعه فوق ماتصورون لا تحاتون شي بالمستشفي سهالات ان شاءالله
الحمدالله الله فرحنى بشوفة بنوتي فطومه الغاليه

اعذروني وسامحوني على القطاعه الى عنده بيبي مافي مجال يسوى شي

نشوفكم على خير

​

اهليين تووفي
الحمدالله عالتساهيل وعسى ربي يدووم عليكم هالفرحه ويحفظها لكم :yaaaaaarb:
ياحياتي معذووره يبيلج وقت على ماترتاحين وتعودين على وضعج اليديد مع فطومه الحلوه:eh_s(7):

 

[ام كوشه منكووشه]

بنااات

اقوالكم شي انا مووقاعده احااتي الولاده ولاشبيصير كثر مااحااااتي اني اولد اب 2\8 كلششش موووشي
يصير ذكرى ميلاد ولدي غزو ومأساة

 

[ام كوشه منكووشه]

خووخه

صج نسيت اسالج رحتى اليوم لفحص السكر ولا لأ

 

[مجنونة حبه]

حده مو شي يوم الغزو
عيل يااتجدمين او اتاخرينها

 

[g6awi]

شلووونكم وشخباااااركم جميعاااااااااا

ولهت على يمعت تكسااااااس

 

[g6awi]

ام كوشه شنو بتسمين ولدج

واحلاته والله يعينج على الغيره من الجميله اللي عندج


منووووره وينكم الحين

 

[De3La^85]

حبايبي ما قصرتوا بس انتو لا تنسوني بدعاءكم والله كريم ان شاءلله سهاله

مج مج
انا اموت على كاليفورنيا اتينن وايد عجبتني الولايه حلوه وودي اييكم ان شاءلله باقرب فرصه عاد اذا ييت ان شاءلله اشوفج

ضيون
شخبارج ؟ اشلونج مع الحمل واشلون وليدج ؟

ام كوشه
هههههههه والله ضحكتيني ,,, الله يسهل عليج ان شاءلله وتولدين بالسلامه 8\8 ,,, او 11\8 حلو بعد

شخباركم بعد بنات شنو مخططاتكم اليوم ان شاءلله ؟

 

[ام كوشه منكووشه]

مج مج
جااان زييين الامر راجع لي جاان من امس ولاده ومفتكه من الثقل

قطااوي
تشتاق لج العاافيه حبي والله احنا اكثر
ان شاءالله بسميه داود
الله يعينا والله عالغيره اهيا من الحين لا شافت شرينا شي للبيبي تقعد تبجي ماابي بيبي وماابي بيبي ماادري شبتسوي لا يه

دعوول
لا تحااتين ياقلبي الله يسهل علييج ياارب

والله انا كنت ناويه اروح اطل على رفيجتي اللى اولدت بس حسيت فشله لان ماشاءالله في بناات بعد بيزورونها وانا اصلا زرتها وتحمدت لها بالسلامه الاسبوع اللى طاف بس اهيا بتمشي الاسبوع الياي فمنت بروح اسلم عليها قبل السفر
لكن الحين هونت وماااسكني صداااااع مووصجي فبرتاح بالبيت

 

[doode cool]

السلام عليكم

اي والله ام الكوش جيبيه 8-8<<<<مثلي انا وناسه بس بتولدين برمضان
​

 

[مجنونة حبه]

ام كوشه

اي والله ياريت كل وحده اتحدد جان انا من الحين ولا اقول بنطر شوي ادخل ولدي حضانه واستانس شوي وبعدها اولد
عاد حلو ٨-٨-٢٠١١ حطي الرقم في بالج وان شاءالله تولدين بالسلامه

دعوول
تعالوا صوب سان فرانسيسكو

دودي
وناسه حلو رقم الي ولدتي فيه ذهبي


بنات انا صاير فيني بهالحمل دوخه وحتى وانا قاعده دوخه على هبوط
الله يستر بس مااتوقع ان فيني فقر دم لان لو كان فيني جان بين
ولا هالشي عادي يصير فيكم

 

[اختكم بالله]

السلام عليكم

 

[اختكم بالله]

توفيه اندمجت بقصة ولادتج

عسى الله يخليها لج وتتربى بعزكم يارب

ام دونه هلا وغلا شلونج حبيبتي

مج مج شلونج حبيبتي
انا باخذ ملابس احتياط معاي لان ما اضمن شنو يصير

دعول هلا حبيبتي شلونج
والله اني ادعيلج وادعي للكل عسى الله يهون على كل حامل وعسى الله يشافي كل مريض وعسى الله يوفق كل طالب
بسالج الزعفران يفتح الرحم ؟؟؟؟

 

[اختكم بالله]

شوشو شلونج حبيبتي
لا والله مارحت اسوي تحليل بخلي زوجي يسال العياده اذا نفس يوم المراجعه ولا قبل
شوشو انتي موعد ولادتج 12 ولا 2

دودو شلونج حبيبتي

قطريه هلا وغلا شخبارج ورمضان سهاله من رب العالمين صج الوقت طويل بس ماتحسين فيه

بطوط شلونج حبيبتي
ههههههههههههه بسم الله عليج لاتحاتين وان شالله سهاله يارب

 

[اختكم بالله]

قطاوي وضيون ومنور وهلا الكويت وام وهابي و نوني وشنول وكل البنات شلونكم حبايبي

 

[اختكم بالله]

توفي زين انج دخلتي بسالج لاتروحين

<<<<<< يعني صايدتها

 

[اختكم بالله]

توفي متى دخلتي المستشفى ومتى ولدتي بالوقت ؟
لما صعدوج للولاده لازم يدخل زوجج ولا مو شرط ؟
وفي أطفال بالمستشفى مع أهاليهم او صوب غرف الولاده ؟
وسعوا الرحم ولا اصبروا عليج ؟


والله خايفه مو على نفسي على ولدي مادري وين بوديه
لو الشي على كيفي كان ولدت بساعه وخلصت بس الولاده فيها ساعات ويصبرون وطلق وتخطيط
ياربي عسى الله يهون علي وعلي كل حامل
ويارب مايتبهدل ولدي حبيبي ويارب تحفظه بعينك اللي ماتنام

 

[q8_toffee]

بنات الى اولدوا اهني وخذوا ابرة الظهر بعد مايفج ويروح تخدير منها

مايحوشكم صداع وعوار راس ؟؟ انا من طلعت من مستشفي وصداع مو طبيعي من الابره

دعول ماابي اخرعج بس تاكدي من هالشي انا ماتحملت هالصداع معطيني له بروفين وحبوب ثانيه بس هم مو فايده معاي من كثر عوار مااقدر الف او احرك راسي ورقبتي والحل الثاني من بعد هالحبوب مشروبات كافيين قهوة والبيبسي

 

[ام دونه]

خوخه
الله يسهل علينا اجمعين يا رب


قطريه
اي رمضان بالغربه باايخ صج اني ما جربته بس النهار شطوله الله يعينا ,, وصاجه الامريكان وايد نظاميين جنهم روبوت مبرمجين على شي معين لو شنو ما يتغير
وعليج بالعافيه الرحله ,, هالمدينه في كاليفورنيا صح ؟

توفي
واي حبيبتي الحمدالله على سلامتج وسلامت البنوته ,, انا شفت المستشفى قبل شهر تقريبا غرفهم حلوه وشرحه الحمدالله والستاف حبوبين ,, بس الواحد يحاتي ما تدرين شيصير والسهاله من رب العالمين عسى الله يسهل علينا ,, انا عادي ابي ريلي واهوا ميت يبي يدش ,, بس مرات اقول اخاف شكلي مع الطلق يصير يخرع ههههه قلت بشوف وضعي وقت الولاده اذا حسيت اني صرت هوله بطرده هههه ,, الله يسهل يا رب والحمدلله على سلامتج والله يعينج على النفاس

شنول
وي انا الاناناس من زمان طايحه فيه طيحه اهوا والزنجبيل من اول ما حملت وانا اكل واشرب فيهم ,,, بس الحين قمت اكثر الزعفران بالحليب يقولون ماي الزعفران يعجل الولاده ,,, احطه واقص على نفسي جنه مو بنيتي انه حق الولاده ههه ,, الله يا سهل ان شاءلله

ام دونه
توفيه ولدت بالسلامه انا الي بشرب وبحط وبسوي اشفيج ضيعتي الله يهديج هههههه
وصاجه السهاله من رب العالمين بس انتو ادعولي ربي يهون وما يطول الشده واولد بالسلامه يااا رب ,,, ويزاج الله خير على التذكير انا الايام كلها واحد عندي ما نحس باليمعه بالغربه عساه بميزان حسناتج التذكير

وييييييييييه صج اني مخرفه ماعليه دعول مونايمه عدل

ان شاءالله الله يسهل عليج وتقومين بالسلامه لاتفكرين واتكلي على الله :bbbiu:

 

[ام دونه]

وناسه اسمها فطوم :d
تتربى بعزكم ان شاءالله

حمدالله عالسلامه توفي
وصح ابره الظهر غير اتريح من العوار ومعاناه واتخليج اتسوين بوووش
لان جربت كمام بالكويت وماحسيت بنتي جني ماولدت شفطوها
بس ولدي لا حسيت اني اولد وشفته

:eh_s(10)::eh_s(10)::eh_s(10)::eh_s(10): شكله اسمج فطوووووووم اعترفي :eh_s(10)::eh_s(10)::eh_s(10)::eh_s(10):

ردينا على سالفه التخمين ماتصدقين مج مج للحين فبالي انه اسمج موجود في كل بيت :eh_s(10)::eh_s(10):

اعترفي وادعيلج:krkrkr::krkrkr::krkrkr:

 

[ام دونه]

خوخه
الله يسهل علينا اجمعين يا رب


قطريه
اي رمضان بالغربه باايخ صج اني ما جربته بس النهار شطوله الله يعينا ,, وصاجه الامريكان وايد نظاميين جنهم روبوت مبرمجين على شي معين لو شنو ما يتغير
وعليج بالعافيه الرحله ,, هالمدينه في كاليفورنيا صح ؟



دعول اي هذي منطقه بكاليفونيا او يسمونه مناطق تابعه حق سان فرانسيسكو
لان سان فرانسيسكو كانها شبه جزيره وتحيطها جسور كانها رابطه وصل
والمناطق السكنيه اتكون بره هالجسر مع الجامعات نفس ستانفورد وبيركلي وسانتا كلارا
هذولا اشهرهم

وتصير المناطق كلها قريبه نفس الكويت شلون منطقه قريبه من ثانيه يبعدون بس 10 دقايق او اقل من بعض

حتى المجمعات ومولات والمطاعم نفس نظام دول الخليج
وداخل سان فرانسيسكو الي تبعد عنا نص ساعه فيها شركات ومناطق سياحيه ومجمعات بعد

فعلا النهار حيييييييييل طويل هذا ثالث رمضان لي هني زهقه ابلش بالفطور الساعه 6 لانه مايأذن ليما 9بس انا ماانام الا الساعه 8 اودي يوسف المدرسه وابوه يجيبه الساع3 بس يعدي والله مع المسلسلات وبرامج التلفيزيون يمر اليوم بسرعه واقلل طلعات برمضان الا حق مواعيد نوره ومرات نتفطر برا البيت في مطاعم عربيه تسوي بوفيهات للفطور يعني كنوع من التغيير
بس صج صج مايمدي الفطور ينهضم الا صاير الامساك

الله يبلغنا رمضان واحنا وعيالنا واهلنا بصحه وعافيه
:yaaaaaarb::yaaaaaarb::yaaaaaarb::yaaaaaarb: