ديوانية مغتربات usa

[اختكم بالله]

مج مج شلونج حبيبتي شخبار عيالج


شنول شلونج وشلون بنتج

 

[اختكم بالله]

بنات سجلت ولدي بالحضانه وقالوا جيبي معاج غداً للولد
يقولون عليهم الريوق والأشياء اللي بين الوجبات

محتاره شنو احط له

فكرت اسوي عيش الصبح واحطه بحافظه بس قلت ماتسوى علي يمكن يعفن ولا يخرب لان هو يروح الساعه ٧ الصبح ويغدونه يمكن ١٢ او ١
فكرت بطاط مفيوح نفس الشي يمكن خرب

عاد قلت احط روب وبسكوت وتوست مع جبن وموزه

مادري بنات فيدوني

 

[مريامه]

مساء الخير بنات الجو عندنا خياااال مطر وجو عجيب

هلا خوخه انا والله كنت احط لولدى يوم كنت اداوم سندويشات جبن او بيض مع عصير واحطله تفاح ياحياتى علشان يسد جوعه ومرات والله كنت اسويله معكرونه وعيش احطله لان دوامى طوويل ومارجع الا متاخر واخاف انه يجوع لانهم يلعبون كثير واكيد بيجوع اذا الجو عندكم بارد عادى العيش والمعكرونه ماتخرب اذا بحافظه بس اذا حر يمكن تخرب سويله سندويشات ومبروك تسجيله بالحاضنه..

 

[اختكم بالله]

هلا مريامه حبيبتي شلونج

والله الجو عندنا لاهوب حر موت

حتى الروب رسالتك اذا عندهم ثلاجه عشان يحطونه لي وقت الغدا


والله يبارك فيج حبيبتي

المشكله ماقدر اعطيه تفاح لان ماعنده

أسنان هههههه

 

[مجنونة حبه]

اهلين خوخه تتمام الحمدالله

والله شوفي انا غدا امس احطلها حق الحضانه
مثلا اذا ظل في عيش الصبح اسخن لها واحط بحافظ الاكل وفوقه قصدير ومع قفشته وخلاص
ومرات معكرونه بس اقطعها شوي صغار ومرات سانويشات جبن ولا بيض ولا دياي
والجو بارد والاكل مايخترب ان شاءالله
واحط لها موزه ولا كرز ولا عنب شي الي يحبه بالبيت وعصير وماي بمطارتها
شوفي شنو يحب ياكل بالبيت وسويله

 

[مجنونة حبه]

والله مريامه حتي احنا مطر
مشكله اذا الجو حر
وماعنده اسنان
عيل سوي سلطه بطاط مع بيض وقوليلهم يحطون بالثلاجه
وموز وعنب

 

[o_mermaid_o]

شلونكم ياحلوين

 

[اختكم بالله]

شكلي بسوي عيش الصبح واحطه بحافظه وأقولهم يسخنونه قبل الغدا
وبشكل مرات توست جبن ولا قيمر وعسل

مرات بيض بسوي

وان شالله مايخرب

 

[اختكم بالله]

طالبين بامبرز الماي او السباحة وطالبين تكرمون جوتي الماي

مافهمت قصدهم

حطولي صور اذا تعرفون

 

[مجنونة حبه]

اهلين مرميد اشلونج وشخبارج وليش هالقطاعه مااتبينين

 

[اختكم بالله]

هلا ميرميد شلونج

 

[مجنونة حبه]

حوتي الماي عرفتيه صندل مال البحر الي مايزلق
وحفاظه ماي حفاظه الي يقدر يسبح بحمام سباحه يصير نفس بامبرز بس بره يكون نايلون وداخل نفس القطن

 

[ام كوشه منكووشه]

قوووه بنااات

خووخه
مبرووك تسجيله بالحضاانه وعالغدا ممكن تحصلين في ول مارت وجبات جاهزه للاطفال ومقسمه وتحتوي على كل شي يحتاجه مثل الايدام -خضره-فاكهه

وعدة السباحه ان شاءالله الحين احط لج صورها لان في حفاضه خاصه للاحواض ماتسرب والجوتي تكرمين اللى يكون ربل
وعندج الواقي من الشمس بعد ودي معاه انا جذي اسوي حق نوارتي

 

[اختكم بالله]

شوشو شنو واقي الشمس

ماقصرتي حبيبتي اي والله حطي صور لان احتار بالشكل او النوع لان ماعرف


مج مج تسلمين حبيبتي

 

[ام كوشه منكووشه]

خووخه

شوفي هاللنك مال حفاظات السباحه وفي على اشكال ثانيه يكون ساعات انا اللى كنت اخذهم لنور على شكل نيمو عالغلاف وتحصلينهم في ول مارت او تارغت او اي جمعيه يمكم

 

[ام كوشه منكووشه]

خووخه

شوفي هذا واقي الشمس
http://www.target.com/Baby-Blanket-..._com_brand-bin&searchRank=pmrank&frombrowse=1

http://www.target.com/Banana-Boat-B..._com_brand-bin&searchRank=pmrank&frombrowse=1

وفي لهم اشكال بعد في السبري وفي اللوشن
انا اودي مع بنتي للحضانه واقوال لمدرستها تحط لها اذا بيلعبون بالحديقه او يوم اليمعه لان مخصصينه للاحواض يحطون لها قبل لا تنزل الحوض

 

[ام كوشه منكووشه]

خووخه

سوري مساع ماطلع لنك الحفاضات

http://www.target.com/Huggies-Littl...om_size-bin,target_com_brand-bin&frombrowse=0

 

[اختكم بالله]

شكرًا شوشو

الواقي احطه على الجسم

 

[ام كوشه منكووشه]

مساء الخير على الحلوات

شلونكم حبيباتي شخباركم

ام كوشه سألت دكتورتي قالت عادي هالشي يصير اذ زاد في حل ان اهما يسكرون مكان فتحه الابره العمود الفقري بدم

دعول انا ما شققوني بس خيطتني انا طلبت منها هالشي واهي شافت ان احتاج نوعا ما

اذ عندج ورقة الى عطوج اياها في اسئله وانتي تختارين شنو تبين خليها معاج بجنطه البيبي عشان لاتنسين

انا بالورقه طلبت مابي دكتور طبعا يعتمد على الشفت والدكاتره الموجودين الحمدالله يارب وايد متفهمين بوقت الولاده دكتور مادخل كان واقف عند الباب ودكتورتين معاه اهما الى ولدوني اذ احتاج الموضوع اهو يدخل

بنات اخذوا معاكم كاكاو بعد ماتولدون بسلامه وزعوا على النيرس والدكاتره
انا سويت جذي اونس واقص على عمري نوعا بلا استقبالات كويت بلا دوخه
ووايد راح يستانسون

النيرس دازين card يتشكرون فيه ويهننون على البيبي
ريلي يقولى وين في مستشفيات الكويت يسوون جذي


​

حبيبتي ماتشووفين شر ان شاءالله
والله فكره حلووه ان نوزع عليهم كاكاو ومن نااحية الفكه من الاستقبالات ولويتهاا اي والله صاجه الوحده تخب عمرها وتشط وفووق هذا الناس مووعاجبهم هالفلووس اللى تنقط عالتجهيز انا والبيبي اولى فيهم ...ومن نااحيه المعامله فرررق اي بالله فررق تخيلي انا يووم يبت نواره دكتورتي تمت 4 شهور كل بين يوم وترك تدق على ريلي تسال عني وتوصيه ان يراعيني لان الام بعد الولاده تحوشها حاله اكتئاب ومخرعته قايلتله ترا في حريم ينتحروون او يسون شي بالبيبي لا قدر الله وماادريت الا عقب مده بس مسكين كااان صاااااابر علي ومتحملني واعليه الظااهر خاايف اسوي فيهم شي :krkrkr:

 

[اختكم بالله]

شوشو ههههههههه
بسم الله عليج من الاكتئاب وان شالله تولدين بالسلامه حبيبتي