ديوانية مغتربات usa

[اختكم بالله]

هلا والله بنات شخباركم

من عيوني ان شالله اطمنكم اول باول

ماقصرتوا والله وام كوشه حبيبتي تستاهل اللي يدعيلها بالخير

يارب ياكريم تشافي ولدها ويارب لاتضيع تعبها

 

[noni]

اهلين بنات كيفكم
الحمدالله على سلامه ام الكوش
يارب بالشهر الفضيل انك تشافي وليدها وتعافيه
خوخه طمنينا عليها وعلى وليدها الله يخليه لها
وباركي لها بنيابه عني
يتربى في عزهم ودلالهم ياارب​

 

[doode cool]

السلام عليكم

الحمدالله علاسلامت ام الكوش

وي رب ياكريم تقوم ولدها بسلامه ي رب ياكريم وجميع المسلمين ي رب

انا جارتي ولدت وبعد بنوته بالحضانه بيخلونهاا اسبوعين الله يطلعهم بسلامه هي ولد ام اوكوش

طمنوني عنها
​

 

[doode cool]

نوني

اللله يسهل نقلتكم ي رب

مريامه

ماتشوفين شر ي رب
​

 

[منورة الكويتية]

حياااااااتي والله امالكووووش
الف حمدالله علي سلامتهااااا والله يقومها اهي ووليدها بالسلااامه
خوخه سلميلي عليهااااااا وايد والله يقوم وليدها بالسلامه يارب
وعقبالج يارب انتي و بطوط ومجمج

بنات شلونكم

 

[مجنونة حبه]

الف الف الحمدالله عالسلامه ام الكوش
وان شاءالله وليدج يقوم بالسلامه ويحفظه من كل شر ان شاءالله

والله يسمع منج منور

 

[ضي]

السلااااام


شلونكم حبايبي؟


شخباركم؟


وحشتوووني وايييد

مابقى شي وارد امريكا ان شاااءالله

 

[مجنونة حبه]

هلا والله ضيون لج وحشه والله
الله يردلج ان شاءالله بالسلامه ويسهلكم طريجكم

 

[منورة الكويتية]

جذي يسوي فيكم رمضان خاموووووش من قلب

 

[منورة الكويتية]

ضيووووون ياهلا وغلا بالماما اليديده
بتنورررينا ان شاءالله :*

خوووخه ماكو اخبارعن ام الكوش طمنينا عليها

 

[اختكم بالله]

شلونكم بنات

ام كوشه الحمدلله بخير
وان شالله ولدها في تحسن بس هالايام يأخذون منه تحاليل وان شالله خير يارب
هو احسن الحين بس مستمرين بالعلاج

دعواتكم لها ولولدها

تستاهل اختنا ام كوشه

 

[اختكم بالله]

بنات اعذروني علي قلت تواجدي والله العظيم أني حيل مضغوطه
اسوي فطور ومايمدي اريح الا اطبخ للسحور ومراجعات وولدي والشقه احس ماكو وقت كلش
وهالايام صايره اتعب حيل يارب اولد واخلص تعبت

اليوم ١١ / ٨
عندي مراجعه دعواتكم لي 

 

[مريامه]

هلا بنات شلونكم شخباركم

خوخه الله يقومك بسلامه وسلميلي على أم كوشه ومايشوف شر ولدها والله يقومه بالسلامه

ضي بتنور أمريكا بوجودك ..

باقي البنات شلونكم ..

 

[منورة الكويتية]

حبيبتي خوخه الله يهرن عليج انتي و بطوط ومجمج ويقوم ام الكوش ووليدها بالسلااامه يارب
وانتي لا تظغطين علي عمرج شحقه تطبخين سحور بعد الي يبقي من الفطور تسحرو فيه لا تهلكين عمرج
ترا والله محد نافعج

 

[منورة الكويتية]

اهلين مريامه شلونج
ها خلصتي صيفي ولا بعد

 

[اختكم بالله]

شلونكم بنات
ام كوشه الحمدلله بخير وولدها الحمدلله زين في تحسن

منور حبيبتي فطورنا شوربه وفطاير ومرات اسوي طبق
لان زوجي مايحب العيش او شي ثقيل عالفطور

بس السحور اجباري اجباري اجباري اجباري عيش ودجاج ومرق

الله المستعان

 

[doode cool]

hالسلام عليكم بنات

شلونكم شو اخباركم

ماتشوفين شر خوخه

شوي مثلي الطبخ كله قبل الفطور اطبخ للسحور مرا وحده واجهز المرق اذا بسوي كبسه لجا الليل اكب الرز وخلاص خلاص بعد الفطور ارتب المطبخ تعب والله انا انكسر ظهري الله يعنيكم حواملنا

ويهون عليكم مج مج بطوط خوخه شنول يالله تولدون بسلامه من شان نبدي سيزن ثاني للحوامل

الله يشافي ولد ام الكوش ونوراا ي رب ووعم بطوط ي رب ويشافي مرضى المسلمين اجمعين ي رب
​

 

[ام عبدالوهاب555]

مسا الخير

بنات

شلونكم


ام الكوش

مبروك ما جاك ويتربى بعزكم وطمنينا عليك


وربي يهون ع حواملنا


دودي

فكرتك حلوة للسحور وانا نفسك تعبت حيل مع اللوية واليهال ومرة ما تسحرت حاشني هبوووط وسودت الدنيا بعيني!!

 

[منورة الكويتية]

الله يعينج وياجرج خوخه انزين سووي مثل ماتسوي دودي اريح لج ترا

دودي شلووونج

بنات شفيكم غاطين :/

 

[منورة الكويتية]

ام وهابي هلا ومسهلا
شلونج
شمسويه مع رمضان