ديوانية مغتربات usa

[مجنونة حبه]

السلام بنوتات اشلونكم
الله يعينج خوخه
عاد انا مره وحده فطور والسحور ريلي يحب شي خفيف او الي تبقى من الفطور يحب ينام خفيف
منوره شلونج وشخبارج مع رمضان
ام وهابي
الله يعينج والله حاسه فيج اليهال ايون متاخرين وهبا طلباتهم مااتلحقين كلش الله يعينا ويعينكم

باجي البنات اشلونكم وشخباركم

 

[لولوة الكويتية]

هلا والله مج مج اشلوونك واشلوون اليهال
خوخة صج الله يعينك يلا ان شاءالله تولدين وترتاحين

باقي البنات اشلووونكم

غلا شمر وينج فاقدينك مالك حس
؟!؟!؟!؟!؟!

 

[noni]

اهلين كيفكم جميعا" يارب دووم طيبين وبصحه وعافيه
اناالحمدالله وصلت لسان هوزيه لي 5 ايام
انقله كانت جدا" متعبه بذات انو معنا اثاثنا بس الحمدالله تسهلت
والمدينه هاديه جدا" ولسى ماتعرفت على المدينه كثير امس طلعت المول بس تمشيه بدون تسوق وصورته وان شاءالله بنزل صوره لكم ​

 

[noni]

بنات بليز طمنوني على ام الكوش وشلونها وشلون وليدها الله يخليها لها يارب

خوخه
الله يسهل عليك ياقلبي ماتشوفين شر سوي مثل ماقلت دودي اطبخي سحور كله مراا وحده امي كانت اتسوي كذا اريحلك بس الرز حطيه قبل وقت سحوركم وبس عشان حتى مايضيع يومك في المطبخ لانو مافيه وقت مايمديك ترتاحين الا انتي راجعه للمطبخ
الله يقومك انتي وكل حواملنا بسلامه ياارب​

 

[مريامه]

مرحبا بنات شلونكم شخباركم
شخبار ولد أم كوشه خوخه طمنينا عنه وانتى شخبارج ماولدتي الله يهون عليج يارب

باقي البنات شخباركم

نونه حمد الله على سلامتكم ..وأن شاء الله تستانسين في الولايه الجديده
اليوم الجو عندنا بارد عاد تو الناس على الشتاء كلش مالى خلقه يخرع الشتاء عندنا وأنتم شنو اخبار أجوائكم..

 

[منورة الكويتية]

اهلين مجمج والله ماكو النهار نوم العصر ادش المطبخ لين الفطور عقب جك بم الا الساعه
١٢ انا اسهر لي الفير لان النهار شطوله

نوني الحندالله علي سلامتكم ها شلون الولايه اليديده

هلا لولو احنا بخير عساح بالف خير اتاي شخبارج


مريامه والله احنا حر حيل وامس طق مطر الصبح شويه

 

[اختكم بالله]

شلونكم بنات شخباركم

انا الحمدلله بخير وللحين ماولدت امس عوار موطبيعي بغيت أموت منه رحت المستشفى افحصوني الرحم مسكر مع ان اخر الثامن قالوا ان الرحم نص سانتي مفتوح
وحطولي مغذي ومسكن الم ورجعت البيت لان قالوا مدام مانزل ماي البيبي ولا دم ماراح نولدج
بينطرون لي موعدي النهائي ٢٣ / ٨ اذا ماولدت بيولدوني قيصريه

الله المستعان

 

[اختكم بالله]

ام كوشه الحمدلله بخير وولدها الحمدلله بخير وفي تحسن بس للحين بالمستشفي هي والولد لان يسون فحوصات ويعطونه العلاج والحمدلله احسن من اول
يارب لك الحمد والشكر

 

[ام كوشه منكووشه]

السلااااام عليكم

اشلونكم حبايبي وشخباركم

مشكووورين يابعد قلبي وماقصرتوا لدعواتكم لي ولولدي
عسى ربي مايقصر بعمركم ويبعد عنكم وعن احبابكم الشر
ويسهل علي حواملنا ولادتهم ياارب

الحمدالله انا اليوم رخصوني من المستشفي بعد ماكملوا فحوصات البيبي وجيكوا على وضعه

 

[لولوة الكويتية]

يا هلا والله ام كوشة الحمدلله على سلامتك
ومبروك ما ياكم ها اشلوون ولدك الحين ان شاءالله احسن
واشلووونك بعد واشلوون نورة مع الغيرة ولا لي الحين مو مستوعبا

 

[اختكم بالله]

شلونكم بنات

نورتي ام الكووووش فديتج

كل البنات شلونكم شخباركم


شنول وينج حبيبتي مختفيه

 

[Om Ghanem 75]

سلام بنات

مبارك عليكم باقي الشهر و الله يسهل عليكم غربتكم

بنات عفية طلبتكم أبيكم تساعدون اختي

اهيا تدرس برا بكالريوس و باقيلها 3 سنين و تتخرج و خاطبها واحد مخلص بكالريوس و يشتغل في أحد الوزارات يصير يروح معاها بعثة يكمل ماجستير على ما هي تخلص ؟؟ و شلون ؟؟

و مشكوريييييييييييين

 

[اختكم بالله]

ام غانم هلا والله حياج

بالنسبه لسؤالج

لازم يقدم طلب بعثه من دوامه عاد نطري يطلع اسمه لان مويس بروحه اللي يقدم فوق ١٠٠٠ ويختارون ١٠

او يقدم اجازه من غير دراسه ويروح لها

وحياج الله مره ثانيه

 

[منورة الكويتية]

بعد قلبي خ خه الله ياجرج ويقويج
عيزت وانا اقولج ريحي يابنيه وراج ولاده ريلاكس ولا تجهدين عمرج والله يهون عليج يارب



ام الكووووش الف الحمدالله علي السلاااااامه وسلامه وليدج
طمنينا عليج وعلي وليدج ان شاءالله مرتاحين وطيبين


ام غانم يقدم اجازه مرافقه زوجه ويمشي له الراتب او خل ياخذ اجازه تفرغ دراسي من جهه عمله
او يقدم بالتطبيقي او الجامعه كمعيد بعثه
والله يسهل عليهم يارب


شلونكم بنات


فاقده بطوووط وام وهابي من غير شر وشنول ودودي و ضيون وتوفيه
وينكم صخخخخه الدوانيه من غير شر :/

 

[مجنونة حبه]

هلا والله بهالنور يا منور
اي غايبين رمضان وغير الحمال يتعبون

لا جديد لدينا
بالغصب اطلع استغفرالله النهار طويل وناس ومط*اعم اتخلي واحد يتشوق وده يفطر لوول
بس كلن باجر ان شاءالله

 

[منورة الكويتية]

لوووووول صاجه مجمج ماتنفع الطلعه بالنهار برمضان كلشششش ومانطلع الا للضروره وول مارت ولا طبيب وعقب الفطور كل شي يسكر
ماكو الا ورا العيد ان شاءالله

 

[miss-_-eng]

سلام عليكم بنات شخباركم شمسوين

بنات انا راح اولد باذن الله باول الكورس فبغيت اسال البنات اللي يدرسون وولدو شلون تعاملو ويا البيبي شلون على قعدته بليل يبجي و يبتوله بيبي ستر ؟ و شلون طريقتهم ومتى دششتيه الحضانه لان حييل قمت احاتي هالشغله انا ماعرف للبيبي كلش فمتوهقه اخاف يزوع اخاف يسوي شي انا ماعرف شلون اتصرف فعفيه بنات ابيكم تساعدوني بهالشغلات وشلون عالدراسه هل وجوده معاكم واهوا بعمر الشهور اثر على دراستكم ولا عادي واذا عادي شسويتي علميني اذا رحتي الجامعه وين تحطينه وشلون على اكله و اذا بجا شسوي واللي راح تفيدني بادعيلها بهالشهر الفضيل ان شاء الله ماراح انساها بس عفيه طمنو قلبي وساعدوني

 

[لولوة الكويتية]

اشلوونكم بنات

بلييز بنات ما تدرون اشفيها غلا شمر من بدايه رمضان ما لها حس عسى المانع خير
وشنول وبطوط وام دونه هم بعد من زمان عنهم اكيد لاهين مع رمضان الله يعينهم


خوخه اشلوونكم
ام كوشه اشلوونك واشلون ولدك ان شا ءالله احسن
دودي ونوني اشلوونكم مس اينج الله يهون عليك وان شاءالله يفيدونك البنات
مريامه ومنوره ومج مج وباقي البنات اشلوووونكم

 

[منورة الكويتية]

حبيبتي مس انج انا ولدت بامريكا بس ما كنت ادرس
بس بفيدج مت ولقع الي حواليني يدرسون وعندهم اكثر من بي بعد
صدقيني سبحان الله الله راح يعطيج قوه ماتتصوزينها وبتنصدمين من نفسج شلون صرتي قد المسؤلية
بالنشبه للبيبي اتدششينه حضانه من يكمل ٦ اسابيع فل تايم من ٧ لي ٧ اتوقع هالوقت كافي تروحين محاض اتج تحلين هوموركاتج باوقات الفراغ وتخلصين كل شغلج بالجامعه بحيث وانتي راده تاخذين بنتج وتردين اتفرغين لها
الحضانه راح اتشيل عنج حمل كبيررررر
وبالنسبة للعنايه بالبيبي كلنااااا بالبدايه ماندري وين الله قااطنا بس شوي شوي اتعرفين له ان شاءالله
وخلال فتره حملج اقري عن كتب العنايه بالطفل وانصحج حيل اتدشين الدورات الي يسوونها بالمستشفي عن الاسترخاء والتنفس حزه الولاده
الرضاعه
تغيير البيبي
تسبيحه
شنو تتصرفين لمن يشرق
شلون تمسكينه
شلون تلبسينه كل شييييييي يخطر علي بالج
وهم بعد الولاده راح اتمرج نرس متخصصه بالرضاعه تساعدج
واي شي ماتعرفينه سالي الممرضات عنه
وان شاءالله ماعليج الا العافيه
بس قوي قلبج انتي قدها وغيرج مو احسن منج
صح ولا لا

 

[منورة الكويتية]

هلا والله لولوه انا بخير الله يسلمج انتي شلونج