ديوانية مغتربات usa

[eng^^zozo]

يابعد عمري يا منوره الله يوفقج وينولج اللي فبالج و يحفظلج عيالج و يوفقهم يااارب تسلمين يالغاليه عالرد
لان انا واايد احاتي
بس انا منطقتي صغيييره والمستشفى اللي اراجع فيه عطوني كتاب عن الطفل والام بس مايسوون دورات شوقتيني عالدورات والله بس ماعندنا جذي مادري ليش احنا كل شي ماعندنا

بنات بعد فيدوني اللي عندها اي معلومه لا تقصر وياي بليز

 

[لولوة الكويتية]

الله يسلمك إحنا بخير
فديت منورة الحلوة

 

[منورة الكويتية]

حبيبتي والله الله يجزاج خير علي هالدعوه الحلوه
انا منطقتي كانت صغيره وريفيه والمستشفي كان فيه
انتي سالي واستفسري
كلش كلش شوفي المناطق القريبه الي حوالينج
و عموما لاتحاتين ان شاءالله ربج بيسرها بس انتي خلج مستعده ومتهيأه نفسيا حق البببي اليديد وكل شي بيتسهل باذن واحد احد


هلا والله ب لولوووه :***

 

[ام كوشه منكووشه]

يا هلا والله ام كوشة الحمدلله على سلامتك
ومبروك ما ياكم ها اشلوون ولدك الحين ان شاءالله احسن
واشلووونك بعد واشلوون نورة مع الغيرة ولا لي الحين مو مستوعبا

هلا والله فييج يالغاليه
اشلوونج واشلوون بنياتج عساكم بخير
حبيبتي الله يسلمج ويبارك بعمرج
الحمدالله ولدي الحين احسن من قبل اهوا مسكين عنده مشاكل بالتنفس وماكانوا عارفين السبب الرئيسي لها لان اول ماولدته كان عنده ماي زايد والتهاب بالرئه وقام يقل لكن التنفس ماتحسن وبعد التحاليل والفحوصات شافوا ان عنده فتحتين بالقلب وحوالوه الحين علي دكتور قلب يتابع حالته وان شاءالله خير
ونواره الحمدالله مكيفه عالبيبي بس لا شلناه بلشت تسوي حركات لفت نظر

 

[منورة الكويتية]

هلااا وغلاااا بام الكوش
ان شاءءالله مافيه الا العافيه يارب
وترا وايد يهال يصير فيهم بس سبحان الله بعد السنه تتسكر الفتحه
انتي شلونج مع النفاس الله ياجرج حاسه فيج
وشلون نواره متقبله ومستوعبه الوضع ولا بعد

 

[ام كوشه منكووشه]

حبيبتي خوووخه

بعدعمري ماتقصرين يالغاليه والدوانيه منوره فيكم حبايبي
عسي ربي يسهل عليج ويهون الطلق ياارب وتقومين لنا بالف سلامة انتي والبيبي ان شاءلله

منووره
حبيبتي الله يسلمج من الشر ان شاءالله
انا الحمدالله ماعلي شر ولدي الحمدالله عرفنا سبب تعبه وهالشي نوعا يطمن عالاقل عشان تابع صحته مع دكتور متخصص
اني شلونج وشلون العيال
بشرينا شلون منطقتكم عسي مرتاحين فيها ان شاءالله

 

[ام كوشه منكووشه]

هلا فيج منووره

الله يعافيج قلبي اي الحمدالله والله لمن دخلت العنايه حمدت ربي شفت بيبيات وضعهم اسوأ وحالات تعور القلب الله يشافيهم
ان شاءالله اهيا فتره بس وربي بيشافيه والحمدالله عنده موعد الاسبوع الياي وبنتطمن على وضعه اكثر
والله اول الايام بالمستشفي كانت رفيجتي سعوديه جزاها الله الف خير ماقصرت بنت الحلال تييب لي يانسون واكل نفاس وتسوي فطور لريلي واعليه كانت تمرني وتقوم فيني قبل الفطور واهيا صايمه
نوره اول الاسبوع مو مستوعبه لان البيبي ماكان معنا بالغرفه والحمدالله يوم طلعنا استانست عليه بس لانحاول نبدي اهتمامنا فيه او نلعبه ونشيله واهيا موجوده بس ان شاءالله فتره وبتتعود عليه خصوصا ان اهيا مو متعوده احد يشاركها بالاهتمام والدلع

 

[بطه فيها نطه]

مسااااااااااااااء الخيرات عليكم ..

ام كوشه غدا شركم حبيبتي ومبروك ماياك ويتربى بعزكم ان شاء الله ... وماعليه شر ربي حافظه ان شاء الله

خوخه بعد قلبي ليش كل هاللويه والتعب .. ديري بالك على روحك .. والله يسهل عليك وتولدين بالسلامه

كل البنات اللي اسالو .. تسأل عنكم العافيه ماقصرتوا

اخباري شوي ماتسر ... اللهم لك الحمد على كل حال

كانت عندنا اوراق بالتعليم العالي ... او الواطي افضل كمسمى ... وقعدوا يماطلون المهم

اطلعت سالفه يديده .. ماادري اذا سمعتوا فيها

قرار الادبي

واهي اللي شهادته ادبي مايكمل مجال علمي لو كان حامل دبلوم علمي او حتى الوزاره مطرشته على هالاساس

او حتى كان القبول الاكاديمي موجود او حتى كمل سنه من دراسته من بعد اللغه

ربعنا او الوزير مو هامهم هالشي ...

مانختلف وقرار سليم بس طبقوه على حديثين التخرج ... ليش تشملون اللي ادرسوا بعد ؟؟

وانا زوجي عنده دبلوم م. مهندس ومبتعث من وزارته ... بس للاسف

الديوان ماعنده لسان ولا يدافع عن مبتعثينه

الزبده علشان ريلي اكاديمي وبلش من بعد اللغه ... ممكن يكون في استثناء

بس لازم يغير تخصصه لادبي ... وهو كدرجه ووظيفه وراتب اعلى من الجامعي

يعني موطالعين بفايده ... هذا اذا رضت وزارته يغير تخصصه

طولت عليكم بالحجي ... المهم من هذاك الوقت تقريبا جريب الاسبوعين

وانا ضغطي مانزل وكل يوم عن يوم يرتفع ... وواضح من التفكير والمحاتاه

اليوم كان موعدي ... وضع البيبي الحمدالله تمام بس انا الضغط عندي مرتفع و

خطر على راسي وممكن يسبب

لي جلطه وهذا كلام الدكتوره اليوم ...

وكان قرارها باجر راح ادش المستشفى الصبح ... يراقبون الضغط يوم كامل

واذا مامشى الحال ... راح يعطوني طلق صناعي وويولدوني

كل اللي اطلبه منكم تحللوني وتدعولي بالسلامه وان الله يحفظ بناتي بغيابي

 

[اختكم بالله]

بطوط ياقلبي ماتشوفين شر وياربي تقومين بالسلامه حبيبتي
وأمانه طمنينا عليج

منوره ولولو وكوشه وكل البنات شلونكم سخباركم

 

[اختكم بالله]

بنات دعواتكم حق اخوي مسوي حادث
الله يشفيه ويقوم لنا بالسلامه ان شالله

 

[منورة الكويتية]

لا حول ولاقوه الا بالله
حبيباتي بطوط وخوخه الله ياجركم يارب ويقويكم


بطوط بعد قلبي ديري بالج علي عمرج ترا الدنيا ما تسوا الزم ما عليج صحتج الله يخليج لبناتج
الله الله بالاذكار والقران والله يهدي سرج يارب
ووييسر اموركم ويكتب لكم الي فيه الخيررر


خوخه حياتي الحمدالله علي سلااامته ان شاءالله مو جايد الحادث

 

[مريامه]

هلا بنات شلونكم

أم كوشه حبيبتى حمد الله ع سلامتك ولاتحاتين ان شاء الله ولدك مافيه الا العافيه واذا على الفتحه اللي بقلبه تسكر لاتشيلين همها اعرف واحد مثله وتسكرت بسرعه يمكن 6 شهور وتسكرت

بطوط حياتي الله يقومك بالسلامه

خوخه مايشوف شر اخوج يارب والله يشفيه ويقومه لكم بالسلامه يارب..

باقي البنات شخباركم ..

 

[noni]

بطوطه سلامتك قلبي ماتشوفين شر الله يقومك بسلامه ويديم عليك الصحه والعافيه انتي والبيبي يااارب
وكلي امركم لربك وربك كبير يسهلها​

 

[noni]

خوخه سلامته يارب الله يخليه لكم ولا تشوفين مكروه في غالي​

 

[noni]

ام الكوش حبيبت قلبي والله الف مبروك والله يقومك بسلامه انتي ووليدك ترا عادي تصير في اطفال كثير
انا اعرف يمكن ثلاث حالة صارت معهم واولهم اخوي والحمدالله مافيه الا العافيه ماشاءالله بس انتي فوضي امرك وامره لربك
ربك كبير وبيفرجها عليك
والحمدالله انتي بشهر الخير والبركه والرحمه
اكثري من الدعاء​

 

[noni]

مع صلاة الفجر وصيامنا وقيامنا واحنا في غربتنا اسال الله العلي العظيم فيها ((القادر عل كل شي)) ان يشفي نواره بنت ام دونه
ويشفي ولد ام الكوش
ويسهل وييسرعلى خوخه ولادتها ويجعل ولادتها طبيعيه
ويسهل امر زوج بطوطه ويفرجها عليه
ويشفي بطوطه ويعافيه ويرفع عنها كل مكروه ويقومها يارب بسلامه هي والبيبي ويخليها لعيالها ويخلي عيالها لها
ويسهل على مج مج وكل الحوامل يارب ولادتهم ويقومهم بسلامه
ويشفي ويعافي كل مريض ومريضه ويسهل امورنا وامور كل المتغربين عن اهلهم ياحي ياقيوم ​

 

[لولوة الكويتية]

بنات اشفيهم بطوط وخوخه


انا ما تطلع عندي الصفحة الاخيره





طمنوني بليييز

 

[لولوة الكويتية]

يليت تقولولي










ياربي

 

[لولوة الكويتية]

استغفر الله العظيم رب العرش العظيم



استغفر الله العظيم







استغفر الله العظيم

 

[منورة الكويتية]

حبيبتي لولوه بطوط ريلها عنده مشكله بتغيير التخصص فماثر عليها هالموضوع ومرتفع ظغطها الله يرفع عنها

وخوخه اخوها مسوووي حادث الله يقومه بالسلاامه


بنات ينكم اليوم لاحس ولا خبر