ديوانية مغتربات usa

[هــلا الكويت]

اهلين دودي و شنول و شيوخ

الحمدلله تمام .. انتو شلونكم اخر اخباركم و الشوبنق ..

بغيت اسألكم شنو احسن شركة شحن من امريكا الى الكويت

سعرها معقول و خدمتهم زينه ؟؟

 

[لولوة الكويتية]

أهلين شنول اشلوونك يا قلبي ولهانيين عليك واشلوون بناتك

اشفيك ليه الملل ؟؟؟؟؟ انتي وين الحين بأمريكا ولا الكويت من زمان عنك مشتاقين لسوالفك ،،

دودي اشلوونك
شيوخه هلا الكويت وباقي البنات اشلوونكم ،،،،،،،،

 

[marwah2]

انا اعيش في امريكا في سان فرانسيسكو اكثر من 12 سنه
اذا عندك اي سؤال تحبي تعرفيه عن امريكا او سان فرانسيسكو فلا تترددي للفائده
تحبي تسئلي عن المدارس عن الحياة لماذا الناس هناك متطورين اكثر وماذا يميزهم
تحبي تعرفي افضل المحلات التجارية اغلاها او ارخصها انواعها
كيف تقومي بالشراء من امريكا
وايضا هنا اتقدم بطرح موقع امريكي عربي وانا صاحبة الموقع
الموقع يقوم بتوصيل مشتواتكم لبلدكم بضمانه 100او استرجاع كامل اموالكم
لا تترددي بزيارة الموقع وعن اي استفسار يمكن الاستفسار مباشره ن الموقع ا من هنا
http://www.yaweah.com

 

[هــلا الكويت]

هلا والله لولو احنا تمام الحمدلله .. انتي شلونج

اهلين مروه والله ييوفقك يارب بس باين السايت توه جديد .. قووود لك ..

 

[لولوة الكويتية]

اللهـ يسلمك هلا أنا بخير

 

[doode cool]

اهلين لولو وهلا

شخباركم انشاءالله اموركم تمام وطيبين انا الحمجالله باقي يومين وادخل الثامن


شخباركم بنات شنو مسوين

 

[لولوة الكويتية]

اأإاهلين دودي الله يهون عليك وتولدين بالسلامه يااارب

الله يعينك بالشهر الثامن يبدي الثقل ،،،،،،

وين تراجعين عند دكتورة ولا دكتور ،؟،

 

[Jumanh]

سلام
انا ب دالاس/ تكساس . .
بس حبيت اسألكم المراهم مثل eldoquin forte .... لازم وصفة طبية ولا عادي نشتريهم على طول ؟؟
ديما اروح الصيدلية وانسى اسألهم ومالي خلق اروح ويقولوا لي لازم وصفة ..
يعطيكم العاافية

 

[doode cool]

السلام عليكم بنات


شنو اخباركم شنو مسوين انشاءالله كل اموركم تمام

لولوه

اي والله ثقل وللحين ماجهزت شي للبيبي ابد

انا مو نقلة ولاية جديده ماعرف عنها شي رحت للدكتورا امريكيه خاله ان شاءالله تكون حبوبه اهي شكلها حبوب ووالله يعين وكلة امري لربي

انتي شخبارج شنو مسويه

شخباركم بنات شنو مسوين شنو بتسوين بسبرنج بريك

 

[هــلا الكويت]

اهلين بنات

الله يسهل عليك دودي و يهونها

احنا بنروح فلورديا اورلاندو بالسبرينق بريك باذن الله

و انتو ؟

 

[هــلا الكويت]

بنات بليييز فيدوني ارخص شركة شحن من امريكا الى الكويت شنووووو

 

[doode cool]

اهلين هلا امين ي رب

انشاءالله تنبسطون هونيك

ابد بالبيت رحت اوستن بس اجيب اغراض للبيت قلت فرصه ارتب بيبتي مدام اجازا

ماعرف اعرف اهني داخل امريكا ينقلون بس مادري يقلون برا ولا

رقمهم 2106808700

بس مادري ينقلون برا امريكا ولا انتي دقي وساليهم يمكن بعرفون لو هم ماينقلون

شخباركم بنات
لولو وباقي البنات شخباركم

 

[لولوة الكويتية]

الله يسلمك دودي حياتي أنا بخير انتي اشلووونك

انتي شنو تخصصك ومتى التخرج ان شاءالله ؟؟؟؟؟؟

ولا تو الناس ،،،،،،،،،

 

[لولوة الكويتية]

وباقي البنات اشلووونكم

والبنات الي اختفوا ولهنا عليكم

خوخة غلا شمر مريامة ام دونه شنول شيخة وأكيد أنا ناسية وايد أسامي وينكم بنات شخباركم ؟؟؟؟؟؟

 

[هــلا الكويت]

مرحباااا بنات ..

دودي هذا رقم شنو ؟؟!!

ابي شركة شحن مثل ارامكس و دي اتش ال و هالسوالف

بس تكون رخيصه .. بلييييز بنات فيدوني

 

[بسكوت على الفحم]

جومانه اذا مرهم ولك ملف عند دكتوره معينه تقدرين تاخذينه من الصيدليه وهى تتصل عليهم ..احتمال تقول خلوها تراجعنى االله يعينك الواحد تطلع روحه ومايرضون يعطونه شي مثل المراهم اللعلاجيه الخاصه والمضاد

شركات الشحن ادخلى الويب سايت حقهم راح يبين كل شي لك فيه فيدكس اراميكس دي اتش ال ,وفيه وحده نسيت اسمها ..وفيه خطوط الطيران كذلك اساليهم.... الكونتر البحري جربوه يمكن ارخص ااذا اغراض كثيره بالتوفيق

 

[مجنونة حبه]

السلام بنات اشلونكم
حبيت ابشركم خلاص الحمدالله ابونا خلص وان شاءالله رادين لديرتنا حبيبتنا

دودي الله يقومج بالسلامه ان شاءالله

هلا الكويت والله بالنسبه حق الشحن الجوي ماعندي فكره بس دوري بجوجل وشوفي وبعدها اذا تبين تتاكدين ان شركه زينه سالي البنكج مرات يكون عندهم لسته بشركات الي مو زينه

 

[بنتي حياتيي]

السلام اشلونكم بنات
مجمج مبروك الله يسهل دربكم

 

[هــلا الكويت]

السلام عليكم

ووووينكم بنات مختفين

عالبررررركه مجمج الله يهنيكم يااارب و ييسر اموركم
فرحت لكم .. و الفال للكل يارب

 

[لولوة الكويتية]

مبروووك مج مج

والفال للباقي يااارب