ديوانيـة --> بجريآت <-- : تعالوا نفضفض ونسولف !

[نور الضي]

احس انا الوحيده اللي مو متحمسه لل 4d
مادري حاسه نسخة زوجي ماله داعي اتعب عمري هههههه

الرزه انا متاكده انها بتطلع نسخه ابوها
بس بخاطري اسوي
ان شاء الله يوديني مايقول ماله داعي

 

[ElRaZaH]

نصيحه بنات تنظيف البشره لاتسونه بصالون
سوه بالعيادات احسن وأامن لكم

 

[نور الضي]

الود ودي اسوي تقشير مو تنظيف
بس تعقدت
سويت تقشير لظهري وانا عروس وصارت فيه بقع بنيه

 

[الأوركيد~]

مساءووو بنااات

شلونكم؟

بدبد
رجعتي الكويت؟
الحمدلله عالسلامة

 

[# غنوجة بيبي #]

نور مااخذ مني فلوس الدكتور..قال دامج بجر الرحم حيل يشد و يحشر البيبي وحرام ادفعكم و البيبي منحشر ما يلعب و قال بس عن خاطرج بوريج لقطه

يوم حط طلعت بنتي صج منحشره و كانت حاطه ايدينها و ريولها عند ويهها ..قلت حسافه ماراح تبين .. جان توخر ايدينها و اشوفها و يوقف اللقطه و يقول لريلي صور بنتك بسرعه بالفون
صورناها بالفون ياحلاتها نسخة ريلي .. و عقب قالنا الحمدلله كل شي طبيعي و ماني ماخذ منكم شي بس سويت هالحركه عشان مااطلعكم زعلانين .. و تعالولي في ثاني بيبي بتستمتعون و ماراح يكون منحشر نفس بنتكم المسكينه لووول

و بس هذي تجربتي

و تقييمي للسونار واضح حيل حيل حتى عدسة العين مبينه لما فتحت عيونها ماشاءالله سونارهم دقيق

انصحكم فيه

و سلامتكم

 

[HoD'HoD]

بدون
اييييي والله امي تعرفني اذا دشيت المحل اخمه كله واقط فلوسي على شغلات مالها معنى ههههه
وعلى تنظيف البشرة ماعندي فكرة بس يقولون العيادات احسن من الصالونات

غنوجة
اي صح الباندات تمام عندها شعر ولا ماعندها ينفعون بس امي مادري شفيها تنيحست على حفيدتها بس بالمقابل شرتلها بدلة العيد هههههه

نور
انا ريلي يقولي ماله داعي ولما دشيت الثامن وخلصت اول اسبوع منه يقولي شرايج نسوي ههههه اقوله الحين ماينفع بنتك مفترة بالسونار العادي مايبين وييها حسافة نسوي لو قايل قبل الله يهداه بس ماعليه خيرة

اصلا انا ماكنت متشوقة اسويه ابي اشوفها جدامي حاسة انها تشبه ابوها

 

[نور الضي]

غنوجه
باي اسبوع رحتي؟
انا اراجع عند امل بالسلام
بدق استفسر اذا في دكتوره وان شاء الله ما يطلع اغلي من ٥٠

هدهد
الله يقومج بسلامه وتشوفينها
وتشيلينها بين ايدج يارب

 

[نور الضي]

اوركيد
اخبارنا خير
شلونج مع الحمل؟

 

[# غنوجة بيبي #]

هدهد انا بشتريلها بدلة العيد برمضان ان شاء الله

نور سويته بالاسبوع 26 و 4 ايام بالضبط

 

[# غنوجة بيبي #]

نور حزام كيم طبي ولا لا؟؟

قريتي تجارب البنات عنه ؟

 

[مذهلة2013]

غنوجه كان واضح ؟؟
انا ودي اسويه بالاسبوع 28 ان شاءالله

 

[نور الضي]

ويه وقتج زين
غريبه مابين
انا ناطره اتم ٢٧اسبوع علي خير
حزام كيم مادحينه باكثر من قروب ووايد شروه
بس تجارب لا ماسمعت
بروح اخذه واجربه

 

[مذهلة2013]

غنوجه
شلون كانت بنتج منحشره ؟؟

نور
انا داقه على السلام فوق 50 والله
جنه 70 او 75 والله

 

[نور الضي]

كويتيات رد: تجمع مواليد شهر يوليو 2014 احلى مواليد

الاشهر
الاول: من اول يوم في الدورة.

الشهر الثاني: 4 اسابيع و4 ايام تدخلين الثاني

الشهر الثالث: 9 اسابيع تمام تدخلين الثالث

الشهر الرابع: 13 اسبوع و3 ايام تدخلين الرابع

الشهر الخامس: 17 اسبوع و6 ايام تدخلين الخامس

الشهر السادس: 22 اسبوع و2 يوم تدخلين السادس

الشهر السابع: 26 اسبوع و5 ايام تدخلين السابع

الشهر الثامن: 31 اسبوع و1 يوم تدخلين الثامن

الشهر التاسع: 35 اسبوع و4 ايام تدخلين التاسع

مشكوره مذهله علي هالحسبه
اذا الرباعي غالي يمكن اهون ما اسويه
عندي التزامات

 

[مذهلة2013]

نور
حبيبتي حياج الله

 

[نور الضي]

امي تضحك راحت السوق وشرت مميات للبيبي
تقول عجبوني
تطردني عن التجهيز مبجر وهي تروح تشتري

 

[HoD'HoD]

نور آمين واجمعين يارب ويقر عيننا بشوفت بيبياتنا
نفس حالة امي هههههه تزفني وتروح تشتري من وراي

 

[# غنوجة بيبي #]

بنات والله كانت بنتي منحشره مادري والله

سووه اول يوم بالاسبوع 26 اضمن

 

[يستفزني غلاك]

صباااح الخير كروشااات

انا بجريه معاكم
عسى الله يهون علينا
مابقى لي شي واولد ان شاءالله دعواتكم
سألت الدكتور متى ابلش مشي >>>مجتهده هههههههههههههه
قال صبري 10 ايام و تعالي
عاد الله يسهل يارب
سبحان الله كنت اسمع الثقل و الثقل ماصدقت الا لما جربته بالثامن صججج عرفت معنى الثقل
<<<قرقه ادري
بس اول مره احس اني افضفض

 

[يستفزني غلاك]

صباااح الخير كروشااات

انا بجريه معاكم
عسى الله يهون علينا
مابقى لي شي واولد ان شاءالله دعواتكم
سألت الدكتور متى ابلش مشي >>>مجتهده هههههههههههههه
قال صبري 10 ايام و تعالي
عاد الله يسهل يارب
سبحان الله كنت اسمع الثقل و الثقل ماصدقت الا لما جربته بالثامن صججج عرفت معنى الثقل
<<<قرقه ادري
بس اول مره احس اني افضفض