ديوانيـة --> بجريآت <-- : تعالوا نفضفض ونسولف !

[بدون بس مغتربه]

ياساتر ... سمعت السمره يبين فيها اكثر من البيضه صح هل الكلام ولا غلط ... انا حنطاويه.. واحس راح تبين بسبب لوني التشققات

 

[lawyara]

يبين بكل الالوان ههههه حتى عالبيض يبين

 

[نور الضي]

انا فيني خطوط بيضا بفخذي مع اني طول عمري عصله
عندي الخطوط البيضا ارحم من الحمرا
خواتي يطلع لهم ببطونهم حمرا
الله يستر لا يطلعون لي الخطوط الحمر

 

[خوخه89]

انا بنات طلعت لي الخطوط فجاه اخر الثامن بطني كان يحرقني بدون مادري انه تشقق فجاه

لكن زبده الشيا الخام الطبيعيه ساعدتني وايد اذا احطها تختفي الخطوط واذا ماحطيتها ترجع وتطلع لونها احمر وووايد مب شوي ضيقه اعوذ بالله بس الشيا عليكم بها

 

[نور الضي]

عندي الشيا
ماخذتها من غراس
بالرمضان
وحاطتها بالثلاجه
اخاف تكون خربت
انا راضيه بالخطوط البيض بس الحمر لا

 

[lawyara]

نور الحمر راح يتحولون بيض ،، والحمر في مجال يروحون اما البيض يخفون بس ما يروحون

 

[ليالي العاشقينه]

شلوونكم زميلاتي الحوامل
منو ولدت اخر وحده

 

[ليالي العاشقينه]

شلوونكم زميلاتي الحوامل
منو ولدت اخر وحده

 

[نور الضي]

لوايرا
ما اذكر الخطوط البيضا الي فيني من متي
بس الحمر شكلهم بشع وواضح

ليالي
اخر وحده ولدت قره
واتوقع فوشي والده بس ماعندنا اخبار عنها

 

[HoD'HoD]

انا الحمدلله ماعندي سمار ولا جسمي تغير كلش حتى الخطوط ليلحين ما طلعتلي الحمدلله

معني عصلة ومن زمان عندي خطوط بالارداف بيضة ليش مادري

امي تقول ماتطلع لها خطوط البطن وقت الحمل بس بعد الولادة تطلع الظاهر انا نفسها لان يقولون هالشي وراثي

بس احتياط ادهن بطني بالمرز زبدة الكاكاو تقريبا كل يوم وترك

 

[# غنوجة بيبي #]

نور الحمر تروح اما البيض لو تنقزين ماتروح طول عمرج..فالحمر ارحم بالخلطات و الكريمات و الترقيع تختفي


انا طلعتلي خطوط سمرا اسمر من لون جسمي و بدت اسبوع اللي طافت و زادت حيل خلال اسبوع

 

[# غنوجة بيبي #]

هدهد تذكرين قبل كنا نتكلم عن الوراثه و الخطوط و قلتلج امي بداية الثامن طلعتلها و انتي تقولين امج بعد الولاده

سبحان الله انا بدت بالشهر الثامن و انتي ما طلعت ماشاءالله

يعني الوراثه حيل تلعب دور

 

[خوخه89]

نور وباقي البنات انا سمعت والله اعلم ان الخطوط الحمره تروح بس البيضا لا والله اعلم

 

[مآيكبرني نك]

ليآلي حبيتها هاي زميلاتي الحوآمل


اؤك ترؤح الخطوط الحمرآ بس كيف !

 

[HoD'HoD]

اي والله غنوجة الظاهر صج الشغلة وراثية سبحان الله كل وحدة طالعة على امها

مايكبرني
الحمرا يقولون تروح مع العناية والكريمات والخلطات

 

[# غنوجة بيبي #]

اي بنات تروح بالعنايه خاطات و كريمات و حمامات مغربيه

انا مفكره ان شاءالله كل شهر بسوي مرتين حمام مغربي بصالون

بس من انظف بالنفاس بييب وحده تسويلي كل اسبوع حمام مغربي و قبل ما اطلع اسوي الملكي باذن الله

 

[اهذريبك~]

حق الخطوط في موضوع لماي ورد عن الخطوط تحط خلطة و تسوي باله المساج جلسة كل اسبوع و حتى الخطوط البيضا تروح الموضوع قديمممم بس جاب نتيجة مع خواتي و رفيجتي

 

[اهذريبك~]

السلام عليكم ورحمة الله وبركاته

حايبي صبايا جميعا فديييييييييتكم اشتقت حق دعواتكم وكلامكم الطيب

واخيرا فظيت شوي وقدرت أحك راسي واظبط لكم هالموضوع اللي وعدت عضوات وايد فيه

والحجي اللي بقوله عن تجربتي شخصيا وغير منقول واللي تبي تنقله للفايده تذكر اسمي

*ماي ورد اسم يستحق الثقه* وما ابيح ولا احلل اي وحده تنقل بمواضيعي بدون ذكري

موضوعي لليوم بإذن الله راح يمحي مشكله 85 بالاميه من النساء بشكل عام

سواء كانت عروس او مقبله ع الزواج او متزوجه*

مافي وحده منا ما تتمنى قوام ممشوق وبشره صافيه وناعمه بدون خطوط أو تعرجات

وانا لما اتكلم عن مشكلة الخطوط فأنا أقصدها بجميع أنواعها سواء الحمرا (الحديثه) أو البيضه(القديمه)

واللي مالها خلق ومو من النوع اللي يستمر أقولها تستريح لاتعب نفسها وتقرى موضوعي

أول شي ابي اقوله منو قال انه الخطوط ماتروح؟؟

أنا أقولكم شلون تروح وحتى لو ماقدرتو تصبرون لي النهايه وماقدرتو اتكملون الطريج

فعالاقل مو أقل من 80-85 بالاميه من التحسن خلال شهر او 6 اسابيع او اقل

المده تعتمد على نوع الخطوط وعمقها كل وحده تفرق عن الثانيه

ولاتقطون فلوسكم يمين ويسار على سوالف لاتسمن ولاتغني من جوع

انتو اولى فيها وكل مشكله ولها حل بإذن الله بس انتو توكلو على الله

فديتكم عشان تقضون على المشكله لازم يكون عندكم هالجهاز اللي اسمه المساج السحري وسعره مايتعدى ال17 د.ك

ولا تسألوني عن الرقم اللي شريته منه ترى مترس تلقونه بكل الجرايد الاعلانيه

وتكلمت عنه مع زبوناتي اللي كلموني بالتلفون وخذوا مني خلطتي المعجزه للسترج ماركس المعروفه

مع العلم اني حطيت صورته في عنايتي بحملة حيادر الرمضانيه وتكلمت عنه بختصار ويتني وايد رسايل استفسار عليه

ولضيق وقتي ماقدرت أرد عليها سامحوني فديتكم

لكن هني راح اقول طريقة استخدامه اللي اقدر اقول انها الصحيحه والحل النهائي لهالكابوس وعن تجربتي الشخصيه

وطبعا من بعد تجرتي وتجربت خواتي له وكل وحده فينا شافت نتيجه ترضيها وواضحه خلال جلستين فقط

فديتكم هالجهاز في له أكثر من راس يدور وله نفس المشخال مثل مو شايفين بالصوره


لحل هالمشكله راح نحتاج هالراس المستوي بسسسسسسس



وطبعا السرعه تحطونها اخر شي ما ينفع السرعه تكون بطيئه أو وسط وهذي صورته بعد ماشغلته
وتلاحظون الليتات الحمره اهي الاشعه التحت الحمراء اللي تسخن المنطقه وتفتح المسااااااام


يعني اقوى من السنفره ب100 مره

والافضل انكم تركزون على منطقه منطقه مو كلهم مره وحده جذي راح اتملون
وهم ماراح تتحملون

لانه لما اتحطونه على المنطقه اللي فيها خطوط بقوة اهتزازاته وحرارته اللي تسخن البشره

التشققات العميقه راح تهتز وتتفرق التشابكات اللي بينها المتعمقه بطبقات الجلد وهالشي طبعا راح اتحسون فيه مؤلم لكن بدرجه ممكن تتحملونها

وحتى لو كان العوار شديد تحملو معناها الجهاز قاعد يعطي مفعوووووول،، وحتى راح يبين الفرق من أول جلسه راح يفرق ويباعد بين الخطوط اللي تكون لازقه ببعضها*

طبعا اتحطونه عالمنطقه مده 3 دقايق أو أقل أو أكثر لين تحتر(اتحسون بحراره وتحمر المنطقه) مو اكثر من جذي عشان*

لاتحرقون نفسكم انتبهو

وتدهنون البشره على طووووول بخلطتي للسترج ماركس اللي تكلمت عنها أو اللي أوفرها مع اضافاتي،،ليش تحطونها على طول؟؟

لان المسام مفتوح على الاخير من شدة الحراره والاهتزازات وراح يتشرب كل الفايده الموجوده بالخلطه على طول وتستفيد مها البشره

ومكوناتها الرئيسيه زبدة الشيا الخام-زبدة الكاكاو-شوي خل تفاح-زيت جنين قمح أصلي مركز
وطبعا موضوعي موجود بالقسم هني واللي مامرعليها تدوره ببروفايلي تلقاه ان شاء الله وتستفيد

وطبعا تدهنون بالخلطه(او الخلطه اللي مسوينها بإدينكم) يوميا من مرتين الى ثلاث مرات تستمرون عليه

لان المنتجات اللي تنباع بالصيدليات زباله عزكم الله وماكو على الشي الطبيعي والمركز

اما الجهاز فمرتين بالاسبوع او ثلاث فقط على حسب كل وحده وبشرتها لانه بعد كل جلسه راح يورم المكان شوي

فانتو تنطرونه لين يطيب واتعيدون الكره(تسوون جلسه يديده)

وشرط اتحسون بفرق مو معقول من اول جلستين (بس لازم يكونون بالطريقه اللي تكلمت عنها)

واللي تجرب من العضوات تجرتها امانه برقبتها تيي تسدح تجرتها هني وتفيد غيرها ولها الاجر ان شاء الله

وللامانه انا جربته على الخطوط البيضه مع خلطتي للتشققات اللي بركبي اللي صاير لها دهر وخفو حييييييييل بجلستين بس فما بالكم الخطوط*

الحمره اللي توها طالعه والخطوط السطحيه؟؟!!

والفال لكم يارب هالجهاز انا ما أبيعه ولا أوفره بس جربته وودي انكم تجربونه واتدلون عليه ولكم الاجر،

واتمنى منكم قراءه ممتعه ومفيده ويسرني الرد على استفساراتكم بشرط مايكون جوابها بالموضوع فوق عشان لاتحرجوني ولا احرجكم

ولا تنسوني من صالح دعائكم حبايبي احبكم في الله وأحبكم الذي أحبتموني فيه

*ماي ورداسم يستحق الثقه

 

[اهذريبك~]

http://www.q8yat.com/t662846.html

و هذا رابط الموضوع

 

[اهذريبك~]

http://www.q8yat.com/t662846.html

و هذا رابط الموضوع