ديوانيــة المنتــدى .. سوالف و وناسه .. حياكم الله

[^SwEeTa^]

السلام عليكم
_________

هلا و الله و غلا بالكويتيات و غير الكويتيات كلهم

حياكم بدوانيتنا

تفضلو .. بيتكم و مكانكم

و اللي بخاطرها شي و ودها تسولف بأي موضوع .. حياها الله

الكلام مسموح و الطماشة ممنوعه .. اللي تدش لاااااازم تشارك معانا و لا ترى ازعل و اعصب

يلا همتكم .. نبي دوانيتنا عامره ما تخلى من السوالف

 

[xxx]

رد : ديوانيــة المنتــدى .. سوالف و وناسه .. حياكم الله

هلا سويتا

عاشت عاشت ام الدواويين

شخبارج وشلون اليهال ؟؟

 

[^SwEeTa^]

رد : ديوانيــة المنتــدى .. سوالف و وناسه .. حياكم الله

يا مرحبا يا مرحبا

بنت الكويت هنيه .. يا فرحت البي

اليهال يسلمون عليج

اسم الله عليهم ما بغوا ينامون

بنتي من الساعة 12 و انا انوم فيها .. توها تنام .. انتي عيالج ناموا ؟؟

*********


الا تعالي .. بنت الكويت .. ابي دراريع حق رمضان .. رحت المثنى ماكو شي يسوى

اشلونج مع السوق هالايام ؟؟ ما افتريتي .. ما لقيتي شي ؟؟

 

[^SwEeTa^]

رد : ديوانيــة المنتــدى .. سوالف و وناسه .. حياكم الله

حسبي الله على بليس

طايرة بسولف .. بغيت انسى واجب الضيافه

حياج الله بنت الكويت .. كابوتشينو يستاهل بؤك

و الحلو بالطريج

 

[xxx]

رد : ديوانيــة المنتــدى .. سوالف و وناسه .. حياكم الله

هلا سويتاااااا

اذا انتي نامو انا للحين قاعدين يننوني اسم الله عليهم

الدراريع للحين مابديت رحلتي مع ان مابقى شي على رمضان

الله يعينا على فرة الدراريع

وراها القرقيعان

وراها العيد

وااااااااااي لويه

 

[xxx]

رد : ديوانيــة المنتــدى .. سوالف و وناسه .. حياكم الله

وي وي

مشكووووووووووورة

بس مابي شي حار ابي شي بارد

موووووت رطوبه

 

[^SwEeTa^]

رد : ديوانيــة المنتــدى .. سوالف و وناسه .. حياكم الله

افا عليج بس

هذا الطلب وصل .. الخدمة عندنا فندقية كلووو موجووود

حياج الله اختاري واحد و الثاني خشيه خخخخ

 

[^SwEeTa^]

رد : ديوانيــة المنتــدى .. سوالف و وناسه .. حياكم الله

تعالي على طاري القرقيعان .. تصدقين مالي خلق اسوي هالسنه مادري ليش

احس مالي مقاقه على الفراره .. و السوق ما يشجع .. افتريت على جم محل النماين اللي عندهم مو شي

شكلي ماني مسويه

 

[xxx]

رد : ديوانيــة المنتــدى .. سوالف و وناسه .. حياكم الله

الله الله الله

والله مو هينه خدامتج

الله يهيننننننيج



شكراااااا


يم

يم

 

[Dancing^Queen]

رد : ديوانيــة المنتــدى .. سوالف و وناسه .. حياكم الله

الزلام عليكم


ازيكم يابناااااااااااااااااااااااااات
عاملين ايه
وي وي وي كابتشينو وكل حاجه من ورانا
خربتو الرئييييييييييييييييم
عاد توني اول يوم مابي اخربط
الصراحه مليت من الكرش والترهلات قلت احط خط احمر
واحط النئط علي الحروووووف

خلوه لو فات ونادوني
سويتا
حرررررررررررررررررره خلصت دراريع رمضان حقي وحق بناتي
وترا يمحدون معرض القادسيه
وانا احس ان المعارض مقالب كله يدبلون الاسعار
فماحب اروح معارض
بس يقولوج القادسيه حلو
وسويتا ليش ماتروحين مشغل زينيا اللي بالصالحيه
دراريعها شيك وغير

 

[الشيف رقيقة]

رد : ديوانيــة المنتــدى .. سوالف و وناسه .. حياكم الله

يحليلكم والله ، خلوني نرجع اللي مضى، راح شاي الضحى القديم ويات ديوانية سويتا اليديدة، يحليلها فروح الله يذكرها بالخير، تصدقون عندي إيميلها بس ماترد علي

وآنا وين قهوتي ياسويتا، تراني حيل زعولةةةةةةةةةةةةةةةةةةة

أقول ترى معرض قرطبة اليوم آخر يوووووووووم، ويقولون فيه شغلات زوغة وتستاهل ، يمكن اروح اليوم ، واللي تبي شغلات غريبة تيي وياي، بس عاد شلون بعرفكم ماأدري، خو كوين معروفة ،،، بس الباجي، يلة الكل يربط شريطة حمرة على الخصر خخخخخخخخخخ

 

[Dancing^Queen]

رد : ديوانيــة المنتــدى .. سوالف و وناسه .. حياكم الله

رقيقه؟
اشمعنا انا معروفه؟
هل لاني سادوحيه الجمال
او لاني اقط الطير من السما
والفت باناقتي ورشاقتي (وي تذكرت الرئيييييييييييييييييييم)

او ما السبب علل؟؟
او اني بيرق وانا مادري
هاااااااااااااع
ترا ماعلمج حلو بايقته من احد مره ثانيه

 

[الشيف رقيقة]

رد : ديوانيــة المنتــدى .. سوالف و وناسه .. حياكم الله

هلا بالطش والرش والبيض المقرش خخخخخخخخخخخخخخ
هلا بحبيبة ألبي كوين .. يبة لأنج تقطين الطير من السما ، ولأنج قمر منور بنوره الديرة كلها بعد شولن مو معروفةةةةةةةةةةةةةةةةةةةةةةة

 

[الشيف رقيقة]

رد : ديوانيــة المنتــدى .. سوالف و وناسه .. حياكم الله

شولن = شلون خخخخخخخخخخخخخخخ (خوش بدلية )

 

[xxx]

رد : ديوانيــة المنتــدى .. سوالف و وناسه .. حياكم الله

صباح الخير

شلونكم

شخباركم

واااااااااااااااي وناسه ردينا تيمعنا مره ثانيه

 

[srabeel]

رد : ديوانيــة المنتــدى .. سوالف و وناسه .. حياكم الله

يحليلكم والله العصابه كلهم موجودين

بصراحه اليزم تهاوشت مع خدامتى وصاكه فينى الدنيا وأنا أبيها تدرون إرمضان على الأبواب بس شسوى أنا تصرخ عليى والله ما عاشت ولا كنت
واى ألحين بروح أووديها وبعدين أقولكم شنو صار معاى الله يسترى حماواتى كاهم الحين كلهم تحت ومالى خلقهم كلش والله إن تكلمو بكلمه لأدق على أمى وتاخذنى مالى خلقهم واللله الدمعه كاهى شفتوها وصلت .

 

[Dancing^Queen]

رد : ديوانيــة المنتــدى .. سوالف و وناسه .. حياكم الله

بعد عمررررررررررري والله اللي دموعهم بعيونهم
والله ولا عاشت ولاكانت
ان راحت بدالها عشر
امشيانا اخذج الرميييييييييييح وافتر فيج لي نلقا خدامه ثانيه
الله يسلمج روحي مجمع الرميح هناك علي أفا من يشيل
من صجج
بس لاتاخذين مرتجعه
اخذي جاهزه
يعني توها واصله وومحد خذاها
انا سويت جذي وتتاكدين من تاريخ جخولها من الجواز
وميزتها مسويه الفحص الطبي وكل شي
ولاتنطرين ولاتحترين انا خذيت طباختي من هناك
وشزينها
بس غبيه شوي
وقنبله بتنفجر (]عني متيح )
لكن شغلها زين ولا لسان طويل ولا شطانه

ولاتحترين ياعمري ولاتشيلين هم كلشي الا اتصرخ عليج
تبين نفزعلج كلنا وانطقها افا عليج
اييب العجره
وبناتي
عندي نتي الصغيره الشهيره بالكماشه
ان شبصت بشي ماتهده ابد
تكمش اللي تطوله
واسرع وحده بهالجمات (تنفع حق العكسيه)
اما العوده احسن وحده اتصرخ تعجبج تلبه صوته تلم الفريج وخدامتج اييها صرع من الخرعه
اف عليج عند ويهج احنا وراج ظهررررررررررررررررر

رئيئئه
بعد البي والله ام فرووووووووووووح
بس للاسف طرت من ايدكم تزوجت خلاااااص وعيلت وينكم ايام ماكنت ابيت اهلي
جان خذيتيني حق اخووووووووووج وجابلتكم <<< قاطه ويهي عدل

 

[^SwEeTa^]

رد : ديوانيــة المنتــدى .. سوالف و وناسه .. حياكم الله

السلام عليهوووووووووم .. اشلونكم يا الربع .. شخباركم .. عساكم بخير ..

Dancng^Queen

يا مرحبا يا مرحبا .. ازيك يا بت يا كوين .. عامله ايه

يا من حظج كوين افتكيتي من الدراريع .. عليج بالعافية ان شاء الله .. بس من وين خذيتيهم ؟؟

انا ابي شي حلو و بسيط .. مابي شي غالي حق استقبالات.. لأ .. ابي دراعات مريحه حق بيت

ابوي و مني مناك .. وين الاقي !

***********

الشيف رقيقة

حيا الله من يانا .. حياج الله رقيقتنا أم السنع ما شاء الله .. عاد لازم نوريج سنعنا بعد

تفضلي قهوتج تناديج

ما قلتيلنا شصار معاج .. رحتي المعرض ؟ لقيتي شي يسوى ؟؟


***********
srabeel

هلا بسرابيل .. اسمج يذكرني بالدرابيل ... اخييييييييه .. ابي درابيل و جاي حليب .. خلاص خلاص بسميج درابيل ...

يمعوده ديري بالج على خدامتج ترى الديره فيها ازمة خدم .. داريها عشان تداريج .. هذاك اول الخدم ينزفون و ما يقولون شي .. الحين صاروا سعالوه يما منهم .. ديري بالج على نفسج و على عيالج منها ..

 

[رفرف]

رد : ديوانيــة المنتــدى .. سوالف و وناسه .. حياكم الله

سلام مربع للقدعان ..
شلونكم بناتووووو شخباركم ؟
سويتا مشكورة ياقلبي عالموضوع ...
السادوحية كوينووو وجلم قلب البنات خذيتيلهم دراريع ؟ انا خذيت حق صبصب لبس صيني شسوي لايق عليها القمبق قمبق مع عيونها قظوظ المشخال .... وودي اخذلها دراعة وبخنق ونعال زري شرايج اخليها لي السنة اليايه لين تمشي انشالله ؟؟؟؟
رئووووئة يالله عالمطبخ لو سمحتي دفترج وكاميرتج نبي فناتق حق رمضان ...
نفيشو اليوم مسوية كيكة ككاو وحاطة فوقها صوص الآرو يخرب بيتها لذيييييينه طيرنا الصحن كله وانا تغديت كيك اهئ اهئ اهئ آل راح اضعف آل ....

ويببو وباركولي استلمت سيارتي العجيبة بس ليلحين ماركبتها وقلبي قاعد يفرفر اهئ اهئ .... شسوي بو صبوية استلمها وصافظها تحت وانا مارديت من الخيران الا الساعه 1 وبنتي نايمه ماقدرت انزل واطل عالسيارة من داخل ... بس انشالله كلكم باخذكم معاي جوووله في معالم الكويت بوديكم ابو فطيرة احذفكم هناك وارد عنكم ....

اي بنات تعالو رورو راحت اليابان من زمان بس مادري ليش ماشبكت ! وماعندي رقمها هناك عالاقل ادزلها مسج ... تهقون انشغلت بالتنظيف والكرف والطبخ والنفخ ؟؟؟؟؟
وبس خلاص

 

[xxx]

رد : ديوانيــة المنتــدى .. سوالف و وناسه .. حياكم الله

هلا والله باهل الدوانيه

سرابيل :- ديري بالج على خدامتج مثل ماقالت سويتا ترى طق عصي
لاتنسين رمضان واللويه والحوسه تصبري عليها شويه ...


رفرف :- مبرووووووووووك على السياره ، يعطيج خيرها ويكافيج شرها ان شاءالله