ديوانيــة المنتــدى .. سوالف و وناسه .. حياكم الله

[زيـنـه]

صبحكم الله بالخير ..

منو فقدني ؟

 

[LaSt WoMeN]

هلا زيونة .. صباح النور شلونج

 

[مسك 3]

هلا زيونه صباح الورد
فلانا الكلام لي؟

 

[LaSt WoMeN]

اي مسك .. الكلام لج .. شلون النونو

 

[New Mum]

مسك فلانه زينه شلونكم

 

[LaSt WoMeN]

هلا نيوموم هلاا والله شخباارج

انا تماام الحمدلله اشلون البنوتة

 

[مسك 3]

هلا نيومام شلونج حبيبتي
فلانا ما رحت تصدقين اليوم أهلي يوصلون من السفر ان شاء الله العصر بروح

 

[New Mum]

مسك قرت عينج مقدماً
أنا اهلي امس سافروا و صايره جني ياهل ابيهم لول
شلون ريل بنتي ؟
عسى نمتي عدل ؟

 

[LaSt WoMeN]

اي الله يحفظهم ... يوصلون بالسلامة ياا رب

في احد منكم يعرف طريقة الماش بوتيتو ؟​

 

[New Mum]

فلانه تفوحين بطاط و تهرسينه شوي مع شوية زبده و ملح و فلفل

 

[LaSt WoMeN]

نيو موم جني غلطت بإسمج مسااعه .. بس عدلته الحين
سامحيني والله هالأيام مادري شفيني مش على بعضي امس اسولف حق مسك
صايرة خواارة و مخي مقفل مو عوايدي هههههه

 

[LaSt WoMeN]

مشكوورة نيوموم
بس أبي اللي يحطون معاه جبن تشيدر و كريمة ؟
ووو سبانخ :eh_s(22):
​

 

[New Mum]

فلانه لول من صجج ماكو مني احد مخه مقفل لا ابيه مع قعدت البيت صاير مخي في ركود تام يازين ايام الدوام والله

 

[مسك 3]

بويه نبيج نيومام الحمدلله امس نمت 5 ساعات وهذا انجاز

 

[LaSt WoMeN]

نيو موم تصدقين صح يمكن لأني توني رادة من الإجازة ..
ههههه اي صج قعدة البيت تخدي .. اشوه يعني مو بس انا .. :eh_s(9):
امس اقول حق مسك .. عندنا موظفة يديدة بالدوام داومت لما كنت بالإجازة و لما ييت اسلم عليها جان ابوسها شكوو اول مرة اشوفها هههههه فشلة .. :eh_s(22):
و امس يارتنا الامريكية وقفنا نسلم عليها و احنا بالسيارة و سولفنا شوي و قبل لا نمشي جان اقولها ثانكيووو شكوو ثانكيوو يعني بااي وااي فشلة فشلة متى انسى الحين :eh_s(22):

والله يستر من اليوم

مسك نومة العوافي ان شاء الله .. الله يتمم عليج يا رب

​

 

[مسك 3]

الله يسلمج حبيبتي فلانا
نيو مام شلون القز مع العسوله

 

[مسك 3]

أمبييه بنات ياتني حاله بطاط وزهره شسي ألحين ماكو مطعم سنع يوصلها لي ؟

 

[LaSt WoMeN]

ههههه مادري والله ما عندي خبرة بالزهرة مع البطاط

 

[New Mum]

مسك نقول مبروك
فلانه سوي البطاط مع شويه لبنه و كريمه حمرا و شويه مزريلا

 

[New Mum]

مسك نومة العافيه
فلانه لول اتينين عندنا و عندج خير