ديوانيــة المنتــدى .. سوالف و وناسه .. حياكم الله

[New Mum]

كوين اتينن طماشه الله يستر

 

[أحلى الجياكر]

أنا العام رحت دبى شهر 9 ..يعنى قبل رمضان ...و شريت دراريع بالهبل ..من راجو و غيره ..شى عدل ...و ليما الحين مالبستهم كلهم ...فدراريع ..ما أبى ..أنا أدور القمصان و الحركات الغريبة ..السوق مو لنا والله كله خلاقين و تحزز و لو ويست ....بذمتكم تتخيلون فريد شوقى لابس لو ويست ؟؟؟؟؟؟هذى أنا

 

[New Mum]

لوووووول أحلى الجياكر اتينين
السوق صاير حده اي شي و مالنا إلا الخياط شنسوي

 

[LaSt WoMeN]

احلى الجياكر ههههه حرام عليج ..

انا كل مرة اخيط .. امي تصمم لي او انا ..
بس هالسنة مادري شفيني استعيلت و شريت لي دراعة ..
يمكن لأني لهيت مع ملجة اختي ..

 

[زيـنـه]

احلاهم .. بسميج فريد شوقي .. من اليوم

نيو مام .. و عدنا للخياط و التفصيل و عوار القلب .

 

[LaSt WoMeN]

بنات اشقاعدين تسوون بالإضافة الى قعدتكم بالدوانية ؟

انا قاعدة اشرب شاي بابونج ..

و ناسية تلفوني بالبيت مادري بالسيارة و ضايق خلقي .. ما بحب هيك

 

[زيـنـه]

فلانه بالدوام اتريق توسته و جبن و عصير

 

[أحلى الجياكر]

أنا قاعدة أشرب فرنش كوفى تفر الراس
زينه ..لا ..أحب إسمى وايد أحلى الجياكر ....
نيو مم ....أنا إالى ما أواطن الخياط قمت أقز من واحد لثانى حكم القوى والله إنى كنت مانيكان أيام الجامعة بس الشكوى لله ....

 

[زيـنـه]

احلاهم .. لا تذكريننا بالذي مضى .. ايااااام الجااااامعه .. ايام اللي ناكل و نضعف ما ادري شلون .؟

نيو مام .. ما ادري ليش احسج صغيره بالعمر و ضعيفه .

 

[New Mum]

زينه دامج مو متحجبه شلج بالخياط و عوار الراس انا قبل لا اتحجب ادش محل واحد و اشتري و كان الله غفور رحيم
فلانه مبروك ملجة اختج و عقبال ما نفرح فيج وأنا قاعده و ياكم و داشه شايتات اشوافلي اشياء بس ماكو ولا شي يسوى

 

[New Mum]

أحلى الجياكر اي والله الشكوى لله بعد زواج و حمل وولاده الله يعينا شنسوي !!
زينه انا مو صغيره و مو ضعيفه بس ادعيلي ارد وزني السابق و بكل جداره أنا مواليد 77 و أنتي
فلانه نسي اضيف شي حاطه دهن بشعري و انطر اصير 10 و نص عشان اسبح

 

[زيـنـه]

نيو مام .. مو متحجبه اي بس لبسي استر من هالمتحجبات في هالزمان الاغبر .. و مو كل شي اييوز لي .. يعني وايد عندي تحفظات بلبسي عشان جذي مالاقي جاهز .. و لا تنسين مرحلة الحمل الحاليه تنسين فيها السوق سواء متحجبه والا لا

 

[أحلى الجياكر]

ياليهال !!!!!!!! مواليد 77 !!! يعنى أنا العيوزة بنات ...مضى عمرى مضى ...طار الزمن فينى و ما حسيت والله العظيم
اليوم قاعدة أقرا عن دور القرآن و موسمهم الياى ...و نفسى هافتنى أداوم ..يالله حسن الخاتمة ..أبى أتعلم تجويد ..و فقه و أحفظ قرآن..ولا أشوف دوامهم مسائى من ال 4 ل 7و نص
بالله متى أرتاح من الدوام ؟؟؟ و متى أقعد مع عيالى ...والله محتارة ...

 

[New Mum]

زينه يحليلج نفسي قبل لا اتحجب انزين حق الحمال ترى عندج توب شوب جينزاتهم اتينن و في جاليريا 2000 اكو محل يم ان بار اسمه فورمز و في محل بالسرداب اسمه ناين مونث و هم في محل في تالا في الطابق الأرضي نسيت اسمه بس للأمانه ما شريت منهم شي انا ليت السادس يالله بين بطني كنت البس هدومي العاديه و لا تأزمت الأمور مالج إلا البلوكات والله يهون عليج و تولدين بالسلامه

 

[زيـنـه]

نيو مام .. انتي اكبر مني و من كوين .. احنا صج يهال مواليد 78

احلاهم .. اي مواليد يالغاليه ؟
و دور القران لا تقاعدتي روحي لهم

 

[ضحى الكويت]

صباح الخير خواتى العضوات اشلونكم شخباركم عساكم طيبين واشلونكم مع الدوامات والجو المدارس

 

[أحلى الجياكر]

بنات ....أعلن رسميا عن وفاة جيبى
أبى إقتراحاتكم حق سيارة جديدة ..
المواصفات :
جيب
كد و مد
مكيف ثلج
يابانى
ناعم
يقدس الحياة الزوجية
أووووبس سورى ..الأخيرة بالغلط ... هذى حق إعلانى الثانى .."مطلوب زوج نظام :المشاركة بالوقت "

 

[أحلى الجياكر]

هلا المخلصة حياج

زينة أنا مواليد 71 ...و تهقين بعيش ليما أتقاعد ؟

 

[زيـنـه]

توب شوب جينزاتهم اتينن

احسهم صغار و ملوت تيينز

فورمز + ناين مونث

مره ومره هدومهم تيوز .. مو كل شي حلو .. كله مخصر .. و قلت لج عندي تحفظات ..

و هذا احنا ننطر الكولكشن يخلص من الخياط و نفتك ..

و بحمالى الاول ما بين بطني الا بالسابع .. و الا طزل الوقت جني متنانه .. الحين مبين من نص الرابع .. و الله يستر .

 

[LaSt WoMeN]

بالعافية طلعنا كلنا ناكل و نشرب الا نيو موم شطوورة

نيو موم .. لااا شفتي هالمحل اللي تقولين عنه بجاليريا السرداب ؟

تخيلي من كثر ما لاعت جبدي من ا لسوق كله مهمص على قولة امي يعني ضيج حيل

قلت خلأشوف مال الحوامل ودي شي راهي بس مو خبابة ..

دشيت و لقيت بلوزة طويلة عجبتني .. و فوقها تخريج من نفس الخامة قميص و لونهم حلو

قايسته و مع انه مقاسي .. والله العظيم ان اللي اشوفهم بالسوق بالسوق اوسع ..

حددددده ضيج . اشلون حامل تلبس جذي ؟ مادري !