ديوانيــة المنتــدى .. سوالف و وناسه .. حياكم الله

[Dancing^Queen]

تهزئت ياقدعان اكرهه شي لما مديرج يحط ويطلعج حماره حشاكم انتي ابالج الرد بس منتي قادره توصيلله الفكره

 

[Dancing^Queen]

متا يخلص الدوااااااااااااااااااااااااااااااااااام
متا يخلص الاسبوع ياجماعه بفتتتتتتتتتتتتتتتتتتتتتتتتتك اوف استغفرالله

 

[مسك 3]

الله يعينج كوكو هانت مابقى شي

 

[Dancing^Queen]

ابي هالثلاث ايام يطوفون بالعرض بالطول لوما الهندي مرضي جان انا طلعت اجازه بس ابي الاسبوع الياي يوصل
نادني المدير وقعدني جدامه وهات ياستهزاء انا شكوووووووووو ابي اشرحله ماني قادره اوصل اللي ابيه واهو قاعد علي الكلمه
اخر شي عطاني ورقه يقولي علي اي اساس حاطين هالارقام قلته مو انا مسويتها مسويها اللي وياي بالقسم والديبيوتي مالك انا مادخلت بالموضوع جان يصرخ علي يالله عااااااااااااد موشغلي شوفي شلون مطلعين الارقااااااااااااام علي اي اساس وليش اقوله مو انا موداشه بالموضوع يصرخ موشغلي
ولامديرنا من اسنع الناس بالشركه

 

[مسك 3]

امبييه يصرخ تخيلي بس شكو يصرخ
أشوا اني بالقطاع الحكومي المعصب حده ينفس بس والا يصد
عيشتيني بجو الدوام فجأة

 

[Dancing^Queen]

صج لما قالو اكرام المرأه بيتها اي والله بس المعاش يقطع

 

[زيـنـه]

كوين .. ما قلنا لج سحبي طبيه ووضعج يسمح بس انتي اللي اتييبين حق روحج ..بالله بالله ولدتي باجر و اخذتي الوضع و الهندي بطبيته شيسوي مديروه .. تخيلي هالوضع و انفذي بجلدك.. فكري بروحج و لا تفكرين بغيرج .

 

[Dancing^Queen]

والله يازينه خايفه مالي خلق مشاكل معا هالمدير العوبه خالتي قماشه مو مدير
انا مقرره من الاسبوع الياي لادوام بعد اليوم
قايله هالاسبوع بقزره كمبيوتر وطلبيات ونت واجابلكم عليماحلي مشكله الاشتراك بالبيت
العله ان الهندي مستعسر حده واموره سيئه واهو معرس يديد يناهز الخمسين
وشكله في شي بين بناته ومرته اليديده وخذا مرضي يجابلهم
وطاحت براسي

 

[زيـنـه]

و الله انا ارجع و اقول فكري بروحج و مو بالناس .. لان الناس عمرهم ما فكروا فيج .

 

[خطيييرة]

السلام عليكم بناااااااات سويتا انا بعد ابي مو بس بنت الكويت

شدعوه شدعوه على ناس وناس ههههههههههه

مشكورة الله يعطييييييييج العافية

 

[Dancing^Queen]

السلام علي من اتبع الهدي

 

[أحلى الجياكر]

صباح الخير على الكل ...
خلا أقرا إلى طافنى ....

 

[أحلى الجياكر]

ما طافنى شى
كوين شلونج ...
زينه شريتى هدية ؟؟؟

مسك ...بدعتى ....يا خمخم يا صفط ..لوووووووووووووووووووول

 

[New Mum]

صباح الخير على الحلوين

 

[مسك 3]

صباح الخير

 

[مسك 3]

كوين -أحلاهم -نيومام شلونكم

 

[New Mum]

أهلين كوين و أحلى الجياكر و مسك
شلونكم صباح الفزعه و النشاط توني داهنه شعري و شعر بنتي شبحتها و بقيت انا بقرق معاكم شويه و بدش اسبح

 

[Dancing^Queen]

نيو ماما هم شي انج شبحتي بنتج
كاسبر ذا فرندلي غوست
صبح صبح ياقميل


احلا الجياكر ياهلا ومسهلا والله ازيك ياعسل
واي راح افقدكم حيل من غير شر
امس عطيت ريلي تهديد قلته مايعدي الاسبوع الا بحظني لاب توب توب توب يابحر وماتخاف من الله يابحرررررررر يبههم يابحر يبهم
العله مو اللاب توب العله ابي اشتراااااااااااك سريع وزين
ياربي ارزقنا بيار حاط وايرليس ندش علي راسه يارب يارحمن ياكريم
واي بيت حمولتي يمهم ثلاث شبكات وايرليس شنو اشتراكهم يخبببببببببل
احنا جنوب البصره علي الموبايلات الخايسه


مسك
شلون المعرس
شخباره؟

 

[أحلى الجياكر]

هلا والله ب نيو مم ...شنو دهنج ؟؟؟ أنا عندى الخلطة العجيبة أحطها حق بنتى ...و عندى جدايل القرشى مكودتهم ..بس ما إستخدمتهم ..

مشك ..هلا بج مليون ...إشلونج ..أمس من ضيقة الخلق بقيت أدق عليج أقول إمشى نتمشى شوى

 

[مسك 3]

هلا أحلى الجياكر مو بس بدعت وصلت مرحله اللاعوده تيك ات ايزي يا عزيزي
وأهم شي ان مكتب الخدم داقين علي الساعة 10 بالليل يقولون انتي أكيد تبين تكنسلين الفيزا لأن أقرب تذكره حصلناها لج تاريخ 25-9
أو في وحده مرتجعه شوفيها اذا تيوز لج .لاحظوا 10 بالليل