ديوانيــة المنتــدى .. سوالف و وناسه .. حياكم الله

[أحلى الجياكر]

فلانه ...عسى كل ما نزل كتالوج اروح أشترى !!!!!!!!!!!!!!!!!!! طلع الداس عيل !!

 

[جرح الليالي]

ههههههههههههه كوين عصابة علي بابا والاربعين هندي عندكم

انتي وين تشتغلين؟

 

[Dancing^Queen]

بطروووووووووووووووووول وتتر نو وتر بطرووووووووووووووووووووووووول
البانتري مالتنا شزينها بس ملوت التنظيف اعوذ بالله
مايخلون شي عما بعينهم

 

[مسك 3]

جرح حبيبتي شنو فعاليات حفله بنوتتج الله يحفظها لقيتي اللون الغريب

 

[LaSt WoMeN]

* مسوكة .. وااي حللاتهم والله .. ما خذتي له الدوا مال التسنين ..

* احلى الجياكر .. على راحتج اذا حسيتي انج محتاجة موديلات اشتري كتالوج .. الكتالوج بروحه تلقين فيه 20 موديل يكفونج .. بس قبل لا تشترين شوفي داخله في اشياء تستاهل و الا لأ .. لأن ساعات يخورونه تلقين كتالوج فيه موديلات تلوع الجبد و ساعات كله موديلات اتينن .. جيكي داخل .. او اشتركي فيها ..

* كوين ليش ما تقفلين على اغراضج ههههه لا تشوفيني انا اقفل يرارة المؤونة جني قافلة على الكنز المفقود هههه

* نيو موم وينها ؟

 

[مسك 3]

مسك ..أنا راح أسوى حق عيالى إن شاء الله قرقيعان ..نروح مع بعض نتفرفر ؟؟؟؟ ترى أعرف أماكن عجيبة

ان شاء الله أحلاهم

 

[جرح الليالي]

اي صاجه كوين

احنا بالدوام جم مرة تصير بوقات بس الحمد لله البنات عقلو وقامو يشيلون جناطهم

انا كنت اخلي الجنطة واشيل البوك خخخخخخخخخخ يعني داقرتهم :eh_s(9): لووووووووووووووووووووووول

 

[LaSt WoMeN]

لوووووووول جروحه .. خوش فكرة هههههه و الا حطيلهم لعبة فاار بلاستيك ههههه

 

[جرح الليالي]

مسوووك عقب الفرارة لقيت انسب شي الفوشي اللي على عنابي ووردي

وحطيت معاه ذهبي والحمد لله طلع كله اووكي

يمكن باجر اوديهم بيت ابوي عشان لا انخبص الخميس

اودي الاغراض والصواني واخلي روحتي الميمونه خفيفة

 

[مسك 3]

زين تسوين جرح
ان شاء الله تستانسون

مبروك حجاب العسوله الله يبلغج فيها

 

[al7reyaa]

واااي فصل النت عندنا وتوه رد
خل اقرا اللي طافني

احلى
ماعلى جيبات الساير
واذا على هارون الرشيد عجبني
وسعر الذهب اليوم 4.800 يعني نازل


كوين
انا عفرت وطنقرت وهالايام انا ماخذه دوره البطل الصامت بالبيت يا اتكلم عن مشاريع وله ساكته
واهوه مستغرب الصمت بقلبي اقول حس شوف انت شمعيشني فيه انا اهذر وانت سرحان عبدالبصير

جرح
مبروك حجاب بنتج الله يثبتها

زينه
انا اشتري الخامات من سوق دبي واخييطهم وبس ماني مخديه يقصون علي المتر بدينار واذا جمله يطلع 750 ولا 500 عاد ماني مينونه
الفلوس اقطهم على جاهز مو خياط

 

[جرح الليالي]

الله يسلمج مسووك ويارب تفرحين بوليدج وتشوفينه معرس

فلانة الهنود يبيلهم جذي خخخخخخخخخخخخخخخخخخ


بس خوفج لو احط لهم لعبة فار ياكلونها عبالهم صجي لووووووووووووووووووووووووول

 

[Dancing^Queen]

شنو اقوا شي باقوه منكم بالدوام او غيرو
الصراحه انا اكثر شي حرني مره باقو مني بالدوام قلب الماس

 

[LaSt WoMeN]

ههههههه جرووح وااااا ي ضحكتيني يا حلوج والله ..

 

[جرح الليالي]

حرية الله يبارك بعمرج

بس والله معاناة ويا الحجاب ما تعرف تربطه من وراها فقيرة امس يايتني اقولها وين الحجاب تقول بالجنطة خخخخخخخخخخ خوووووش حجاب تقول ما عرف اربطه
عاد عندي اليمعه تدريبات شاقة على لبس الحجاب

 

[LaSt WoMeN]

غلطانة كوين ..

انا الحمدلله ما عطيتهم مجال يبوقون شي لأنني كما سبق و ذكرت حريصة انني
اقفل مكتبي ..

 

[أحلى الجياكر]

الحريه ..من تقصدين بالمخدية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[al7reyaa]

جرح
سؤال انتي اللي لبستيها ولا من كيفها ؟؟؟

 

[أحلى الجياكر]

خبر عاجل :

إطلاق نار كثيف فى وسط دمشق

الله يستر ...صارت !!

 

[جرح الليالي]

واااي كوين صج شي يحر

اشلون باقووه ؟

احنا اشوه بس فلوس مرة باقو من البنات جنه 20 مادري عشرة والحمد لله وقتها ماكنت مداومة ماخذه اجازة ويوم رديت والا اشوف عفسة واجتماع عشان هالبوقة وهم يوم رحنا قسمنا اليديد يعني انتقلنا من مكان صغير لي مكان راهي هم نفس الشي صارت بوقه والمشكلة كانو شاكين بواحد من الهنود بس ما قدروو يبلشونه عاد المراقب قالهم انتو حرصوو على اغريضاتكم وشيلو فلوسكم