ديوانيــة المنتــدى .. سوالف و وناسه .. حياكم الله

[ضحى الكويت]

هلاا فيج يا نيو مام اشلونج شخبارج اشلون اصبحتى

اى والله اليوم برد بس بالنسبه لى انا عندى وايد اهون من الشاليه صار الجو عندى برد بس مو حيل عادى تعود الجيم يا نيومام

 

[New Mum]

أهلين هلا حبيبتي شلونج بشري عنج
أكيد فرق بين الشاليهات و الديره بس البرد قاروصي ...
أنا بخير الحمد الله

 

[ضحى الكويت]

ان شاء الله دوم يارب انتى بخير

انتى بالدوام الحين ؟

 

[ضحى الكويت]

انا بخير يا قلبى الحمد الله احمد رب العالمين على كل حال

وقاعده جبال التلفزيون وجبالى لاب توب وقاعده انطركم من صباح الله خير

والله لكم وحشه تعودت عليكم عسى ربى يجمعنا دوم

 

[New Mum]

لا أنا بالبيت ينقالج ربة أسره

 

[New Mum]

حبيتي آمين إنشاء الله

 

[ضحى الكويت]

ماشاء الله رب اسره مثلى الله يتمم علينا يا قلبى انا قلت ماشاء الله شبكتى بكير يعنى مو بس انا اللى من صباح الله خير قامزه على الجهاز فى مثلى بعد

زين الحمد الله

بعد شمسويااا

عندج اعيال ؟

انا عندى 3

الله يخليهم لنا يارب

 

[New Mum]

الله يسلمج
أنا مو نايمه حبيبتي مواصله لان بنتي مريضه و بوديها الطبيب و عندي بنت وحده الله يخليها لي و يخليلكم عيالكم

 

[ضحى الكويت]

يا قلبى ما تشوف شر يا حيااااتى والله يخليها لج وتربى بعزج وعز ابوها وتشوفين اعيال اعيالها ويجعلها لج من الصالحين

يا قلبى جم عمرها ؟

 

[New Mum]

الله يسلمج على هالدعاوي الحلوه من الصبح
عمرها سنه و نص

 

[ضحى الكويت]

العمر كله ان شاء الله بصحه والعافيه

نيو مام عندج مسنجر وله ماعندج

 

[New Mum]

لا والله حبيبتي ماعندي
أقول بسألج يمكن عندج فكره ..
عندي قنفات مخمل و مع لوية بنتي توصخو شلون انظفهم بشنو ؟

 

[ضحى الكويت]

عادى يا قلبى المخمل ما يتوصغون اشويه صابون مع ماى فركيهم بعدها بماى وفوطه وخليهم ينشفون عادى لا تخافين المخمل حلوووو حق اليهال والتوصخ

 

[moors]

هاي حبوبات اشلونكم شخباركم

 

[New Mum]

خوووش مشكوره بجرب بمكان صغير و اشوف لان لونها فاتح

 

[june_m00n]

صباح الخير

وايي برد برد

انا لابسة دسوس
اصابيعي ثلج

 

[ضحى الكويت]

هاي حبوبات اشلونكم شخباركم

وعليكم السلام ورحمه الله وبركاته بخير الله يسلمج انتى اشلونج يامورس حياج الله

 

[ضحى الكويت]

خوووش مشكوره بجرب بمكان صغير و اشوف لان لونها فاتح

العفوو يااقلبى ما سويت شى اى جربى بمكان اصغير وبلغينى شصار عليها

ومتى بتروحين الطبيب علشان بنتج

 

[ضحى الكويت]

صباح الخير

وايي برد برد

انا لابسة دسوس
اصابيعي ثلج

صباح الخير والبركه والنور هلا والله فيج حياج الله معانا

اى والله برد ديرى بالج على نفسج وشغليلج الدفايه دفيهم

 

[ضحى الكويت]

بنات انا سويتلكم شاى وقهوه وحليب وكبتشينوا وحلو وفطاير شتامرون عليه