ديوانيــة المنتــدى .. سوالف و وناسه .. حياكم الله

[رقي]

وعليكم السلام بامبينا
يلله حيه
كيف الحال
اقول بنات
شخبار جروحه

 

[أحلى الجياكر]

هلا بمبى ........
ماشر

 

[رقي]

بامبينه ماعندج غير عبود
الله يعينج علي الدلع
بس طولي بالج
وخليج كووووول
اليهال راعيين طويله
اسم الله عليهم

 

[رقي]

حلوة دبيبه ام بدير
انا كنت امتينه 63 بس عقب ماسويت عملية المراره
وانا كل مالي وانزل
ذاك اليوم وزت بالطبيب وزني 53
والله ضعف المرض ماينبغي
اي شي آكله علي طول ركض عالحمام ونتو بكرامه
كنت طالعه مع رفيجتي ورحنا العربيد
ويتني الحاله وركض عالحمام مالقيت عقب لقيت حمام بمجمع ثاني
الله لا يراويكم نفس حمامات السعوديه لما نسافر عن طريق البر
بس ماهمني لاني خلاص كنت راح اموت
طلع حمام رياييل واللي يمي ريال
وعععععععععععععععععع
بغي يغمي علي
بس الشكوا لله
والكل يقولي ياليتنه نفسج
كثر ماناكل مايبين علينه
هذي قصة حياتي باختصار
تدرون فاضيه وماعندي شغل
قلت اقول لكم ستوري تايم

 

[bambena]

والله مطوله بالي بس صاير وايد عسر

قاعده اشوف فلم احلى الاوقات مال حنان ترك ومنه شلبي للمره الثانيه ! امس بالليل شايفته

 

[رقي]

خخخخخخخخ ماكو شغل بامبينا
برب
ابي اروح انظف الشقه
واطلع اتغدا بره مع الفرندس
بناااااااااااااااات بموت
اول مره اسافر من غير وراعيني
وبقعد 3 اسابيع
مساكين اهما توهم مداومين بدا كورسهم اليديد
الله يحفظهم
امي الله يحفظها تقول موبحولج مستانسين
الحمدلله انهم مستانسين ومو فاقديني
وريلي يطلع من التسع ويرد 6 مساءا
والمعاش تو الناس عليه ...........زيعني مافي سوق

 

[أحلى الجياكر]

بمبى ..صارت فينى هالحاله فلم الليل ينعاد النهار و أرد أشوفه ...

رقى ..الله معاج ....

 

[أحلى الجياكر]

يا مشرفة قسم الطلبات عندى طلب
أبى مطعم حلو بالسالميه

 

[أم بدير]

توج منقهره من جسم هيفا
الحين تبين مطعم حلو؟
لا ونتحلطم ليش متان وليش جسمنا مو مرتب وليش فلانه عصله وليش فلانه رشيقه

احنا حلاتنا بس حق أكل وحش​

 

[أحلى الجياكر]

بسم الله الرحمن الرحيم !!! يا كلمه ردى مكانج ما سوى على هالسؤال

 

[أم بدير]

اي شعبالج احلاهم
الرقابه موجوده
كل كلمة تقولينها تحاسبين عليها
خخخخخخخخخخخخخخخخخخخخ

الا ماقلتيلي احلاهم
شرايج بسالفة الكويتيه اللي بمبارك بتولد فتحوا بطنها شقوا الحالب والمثانه وحاشها نزين والحين بالعنايه المركزة حالتها خطره؟؟

عمة عينهم حتى ولاده مثل الاوادم مايعرفون يولدون؟؟​

 

[بنت الشمالي]

اشلونكم بنات شخباركم قلب

 

[أحلى الجياكر]

وعليه عليها أم بدير راحت من جيسها و قراطيسها حياتى والله
ما عور قلبى إلا لما قالو ماقدرو يوقفون النزيف و بس حطو شاش و خيطو !!!!!!!!!!!!!!!!!!!!!!!1 يعلكم الظربة تظربكم ..دياية هى تسوون فيها جذيه ...الله أكبرعليهم و على إهمالهم .الله لا يعوزنه لهم و لا مستشفياتهم ...الله يطلعها من إالى إهيا فيه و يخليها حق عيالها



بنت الشمالى ..هلا و الله و مرحبا

 

[بنت الشمالي]

اخييييييييه الله يشافيها مسكينه ؟
هلا احلاهم اشلونج حبيبتي

 

[أم بدير]

والله هالايام سوالفهم تعور القلب
انا اسمعسالفه ورى الثانيه واموت قهر
تصدقين صعبه تسمعين سالفه تبط الجبد بدون لاتقدرين تسوين شي
تحسين نفسج مربطه
نفس سالفة الخدامه
والله يوم سمعت اختي تقول ان الام يت تسأل الخدامه عن الولد الله يرحمه
تقولها روحي شوفيه حدر السرير لافته

والله يما احس قلبي طلع من مكانه خاصه ان ولدي اسم الله عليه من طقته وروحي معلقه فيه​

 

[mrmr mrmora]

واي عورتوا قلبيي من الصبح

 

[mrmr mrmora]

انزين المره كانو بيسوون لها قيصريه؟

 

[mrmr mrmora]

ألووووو

 

[رقي]

سلام عليكم
شهالفال يابنات
الله يستر علينه وعلي عيالنا
اقول مستشفي مبارك مافيه ولاده
الله ياخذها من شغاله والله قلبي عورني عالولد
ويقولون امه عايشه عالمهدئات

 

[mrmr mrmora]

إي صح احلى بغيتي طريقه مكرونيه الشبنت

مافي اسهل منها
الله يسلمج اتفوحين المكرونه عادي وتشخلينها
وبالخلاط تخلطين كريمه حمره مع شبنت ناشف او طري على كيفج ( انا احط ناشف اسهل لي بس بالكويت كنت استعمل طري )
مع مكعب ماجي او اكثر حسب كميه الكريمه ( الكريمه لازم اتغطي المكرونه)
واتشغلين الخلاط بس شوي مو وايد عشان مايصير ثقيل وإذا صار ثقيل زيديه شوي ماي

بعدين حطيه بالجدر وكتي عليه المكرونيه خل تتشرب الصلصه نص ساعه تقريبا على نار هاديه

وتفدرين اتحطين معاها دياي ومشروم بعد بس انا اسويها جذي حق عيالي يحبونها من غير اضافات

وبالعافيه