ديوانيــة المنتــدى .. سوالف و وناسه .. حياكم الله

[مسك 3]

شنو أحلاهم؟؟؟

 

[أحلى الجياكر]

إعلان عن دورة ن ل ب !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

 

[مسك 3]

ماشاء الله
على النية أحلاهم

 

[مسك 3]

أحلاهم جيكي الخاص

 

[أحلى الجياكر]

جيكت حبيبتى ...ما تحرمش
يلا خوش شى مال بو 100

 

[ام منيره]

السلام عليكم

ادري دشيت عرض

شخباركم بناااااااااااااات:eh_s(9):

 

[مسك 3]

اي والله قلت اذا الله سهل على أول الصيف يمكن آخذ وحده

 

[مسك 3]

هلا هلا أم منيره شلونج

 

[ام منيره]

هلا مسك شخبارج

احلى شلونج

احنا ذابحنا البرد مووووووووووت

لي يومين ادش الدوانيه ماكو احد وين كنتوا شسالفه..

 

[مسك 3]

انا مريضه انا ووليدي وتعبانه منهد حيلي

 

[أحلى الجياكر]

هلا والله أم منيرة ..شلونج حبيبتى ..الله يعينكم على البرد ..إحنا هنى ماكو ..التموين قامو يوزعون مع العيش و العدس قوطى رهش و خيشة فحم أفريقى و شال كشميرى لكل بطاقه ..لمواجهة موجة البرد القارس

مسك ..يا رب تسهل ..و أنا معاج إذا الله كتب ..بس جنه أهما أوقاتهم مو شى سحبه وحدة من 5-8

 

[ام منيره]

سلامات يالغاليه

اجر وعافيه وماتشفين شر

الظاهر حايشكم برد

 

[ام منيره]

ههههههههههه


حلوه منج احلى

انتو شتسولفون عنه

انا مدري وين الله قاطني

مدري شسالفه:eh_s(2):

 

[أحلى الجياكر]

ام منيرة ..ماكو سالفة والله ..بس أمس أنا شوى متليشة ..و مدرى عن باجى البنات

مسك ..ما أشويتى ؟؟ سلامتج والله و سلامه الغالى أبو الموقه

 

[مسك 3]

أم منيره بأي ولايه انتوا؟
حلوين أحلاهم اجازه وادلع يا كايدهم وتغير جو وروتين وأكيد فيها البريك اللي يبرد القلب
ويا حبذا لو بالرايه الدورات

 

[أحلى الجياكر]

أم منيرة .. الله يحلى أيامج قاعدين نسولف عن دورات جمعيه الإصلاح .. الناس خبه و حنا مندرى شالسالفة ..لا و ورا بيتنا بعد

أم منيرة ..جنكم بتكساس ؟؟ يران مرمورا ...الله يمسيج بالخير يا مرمورا

مسوك .. هذا إحنا ..كله متحمسين و ساعه الجد ...مفيش حد

 

[مسك 3]

لوول أحلاهم ممكن بس آنا انتي عارفه الظروف القاهره
م

 

[أحلى الجياكر]

بنات ...غزو عفلقى على الكمبيوتر
أنسحب بكرامتى أحسن ....مالى خلق حنه الشيخ أحمد يايب زامه هذا بعد ..." بانى " يعنى بارنى ..إبتلشت ..بطلت له السايت نوبه و بلشنى بعمرى ..لا هو صوب العابه و لا شى ..بس بانى ..بانى

تصبحون على خير

لو كنتى صاحيه مسوك و مو دايخه و و مريضه..جان قلت لج ..تعالى تعتمى عندى ,,نسوى مطارة حليب مهيل و خبزة إيرانيه و رهيشه و لا نخيخيه ..إالى تبين ..و نقعد نسولف و نستانس و شابين هالدوة و حاطين على قناة الراشد ..

 

[مسك 3]

أحلاهم في دوره اسمها البرادايم مالت دكتور أيوب الأيوب ترى حلوة
اذا في أي دوره عنده ترى دوراته حلوه

 

[مسك 3]

احلاهم نشوف جان الاسبوع الياي
الله شوقتيني على الرهش