ديوانيــة المنتــدى .. سوالف و وناسه .. حياكم الله

[LaSt WoMeN]

هههه الله يعلي شانج ..

نااس تداوم و تنشلع غصصصصصصصصصصصصصصصصصصب من الفراش

و نااس ما عندها دوامات و تقععععععد من صباح الله خير ..


ليش ما تداومين بدالي

 

[dima]

لوووول يلاا الحيييين اييلج الدوام والله ملل البيت ماكو احد

شلون الجو برا ؟؟

 

[LaSt WoMeN]

الجو بديع .. فاجة الدريشة على مصراعيها ... و مجابلة المنتدى و آكل كورن فليكس و حليب .. الحمدلله .. الله يديم علينا هالنعم ..

تصدقين .. انا ما احب اهيت البيت .. امي حبيبتي نلوية تروح العمرة الاسبوع الياي ان شاء الله و ودي اروح معاها .. بس بالليل قعدت افكر ..

شلون انا وياها نروح و نخلي البيت صج اخواني موجودين بس احس ان البيت لازم يكون فيه مرة ..

محتارة اروح و الا لأ

 

[dima]

عليج بالعافيه حبيبتي

اييي البيت مادري شلووون بدون مره بس العمره ما تنتطوف !!

خوانج صغار ؟؟

 

[LaSt WoMeN]

اصغر واحد بأولى ثانوي .. مادري ليش اشيل هم البيت ..
افكر بكل شي .. المشكلة انني ما اقدر اروح العمرة الا مع امي و لا استانس الا اذا كانت معاي .. بصلي استخارة ان شاء الله ..

 

[dima]

الله يكتب الي فيه الخير انشاء الله

بس هم اخوج احس صعبه عليه يشيل مسؤولية بييت

صلي و الله يسهل انشاء الله

 

[al7reyaa]

السلام عليكم
شخباركم
انشالله بخير

 

[LaSt WoMeN]

اي يشيل مسئولية البيت ؟ لوول ماله شغل بشي

في اكبر منه .. بس عموما الصبيان مالهم شغل بشي


هلاا الحرية هلاا

 

[al7reyaa]

اهلين فلانه

 

[dima]

لووووول فلانه سووري قريتها اكبر واحد مو اصغر خخخخخ السموحه

هلا والله الحريه

 

[مسك 3]

صباح الخير شلونكم

 

[مسك 3]

أمس رحت عند صديقتي شفت صورتي عندها من 7 شهور كانت توها والده وتأزمت نفسيا لأني كنت أضعف شلون شكلي بالصور أضعف ووزني بالميزان أمتن منو يحل لي هالمعضله .
وخلاص أبشركم من باجر بسوي رجيم السلاري يا آنا يا الخمسينات

 

[مسك 3]

فلانا عسى راجعتي المعاشات؟

 

[LaSt WoMeN]

ويي اشدعوه ديوومة عاادي ..

هلا الحرية شخباارج ..

ان شاء الله اووووكي

هلا مسووكة ..

لوووووووول .. ليش من باجر .. الحين ابدي ..

مسووك .. سمعي السالفة ... رحت حق المالية اشوف شسالفة معاشي ليش قاصين مني 250 دينار .. و الا تدرين شالسالفة ؟؟

هالدايخة اللي ماسكة قسمنا حاطة لي اجازة امومة لوووووووووووول أثاريها مخربطة فايلي مع فايل وحدة ..
تخيلي مو كل فايل المفروض له رقم واحد ؟ هذي حاطة ثلاث فايلات تحت نفس الرقم !!

مبدعه .. والله العظيم حالة !

 

[مسك 3]

يا سلام هههههههههههه امومه مره وحده يحليلها

 

[مسك 3]

توني ادري رجيم السالاري فيه عيش اسمروامس اتعايا مع صديقتي تالي قلت لها عمري ماكملته يمكن انا متوهمه
بنات اللي تبي تضعف عندها العشرينات تسرح وتمرح بالوزن من يصير 3 ويمها أي رقم على اليمين يصير الوضع مليق والوزن يعاند وما يسمع الحجي

 

[dima]

هلاااا مسك

تبييين تظعفييين ؟؟ حياج معانا بقسم الرشاقه امسوين مسابقه

بس نصيحه لاتسوين رجيم قاسي عشان شعرج ما يحت

 

[al7reyaa]

فلانه

الله يعينكم على الغباء انتي وين تشتغلين

مسك
يا انتي يا الخمسينات امس ريلي يقولي جم وصلتي قلت له انت جم تبي قال 63 قلت له اشووووووووووووووووه انا 64 جان يقول لالا ابي 52 قلت نام واحلم فيني 52 لانه ده بعدك ان وصلت 59 بكت نون

انا الحين على التخفيف وزينيكال وجاي رويال وجاي اخضر وحاالتي حاااااااااااااله



ديمه
اهلين هلا والله

 

[مسك 3]

فلانا عادي انا طبيتي اللي خصموها من شهرين كنت ماخذتها شهر 7- 2004 في وحده عندها ضمير صحى من البيات الصيفي عقب سنتين وعت على عمرها وخصمت آل ايه آل من مستشفى خاص ولازم مجلس طبي قلت لهم ناموا اكثر انا باجازه دراسيه وماني مراكضه بالاوراق الا لما ارد

 

[مسك 3]

ديما حبيبتي انا اللي ما يخليني اضعف هالفيتامينات الحين قمت اخذها بعد الريوق
الحريا شقصتهم على 52 لا انا 55 الحمدلله وهم يعتمد على الطول يعني انا 55 على طولي يكون الوضع المالديف مع سبق الاصرار والترصد