ديوانيــة المنتــدى .. سوالف و وناسه .. حياكم الله

[أم بدير]

اهي شنو تحب محاميه؟
شنو ميولها
شنو تفكر في

انتي تعرفينها اكثر منا
الله يخليها لج انشالله وتييبيلها كل سنه
:eh_s(17):​

 

[المحامية هبة السهلي]

والله ميولها كلا وفروا لا اتفسفسون افلوسكم مسكينه تكسر قلبي

المره اللي فاتت يبتلها طقم تراشي وابروش كان حلو واللي قبل يبتلها دبله وساعه ودي اغير ودي ايبلها جوتي وجنطه شنو اقتراحاتكم شنو اكو شي يديد السعر مايتعدا 300 عيد زواجي بعد هالشهر بصير قحط

 

[أم بدير]

والله مادري
قبل كنت اييب حق امي طقم مكياج
ومره يبتلها خاتم
طبعا هداياي على قدي لأني كنت طالبه
خخخخخخخخخخخخخخخخخخخ

بس الحين ماقمت اييب شي لأنها توفقت الله يرحمها برحمته انشالله
وعسى تكون راضيه علي االلهم امين
​

 

[المحامية هبة السهلي]

ام بيدير الله يرحمها برحمته يارب ويجعل فبرها روض من رياض الجنه دايم اقريلها دعاء الميت سبحان الله انا من اقراه على احد واذكره بالاسم احلم فيه عقب وايكون تفسير الحلم انه واصله الثواب ومستانس

 

[المحامية هبة السهلي]

ام بيدير الله يرحمها برحمته يارب ويجعل قبرهاروض من رياض الجنه دايم اقريلها دعاء الميت سبحان الله انا من اقراه على احد واذكره بالاسم احلم فيه عقب وايكون تفسير الحلم انه واصله الثواب ومستانس

 

[رقي]

انا باك
ترا الحريم الكبار يحبون ماركة بالي
وسعرها بهالحدود
وتناسبهم

 

[المحامية هبة السهلي]

يبيلي يوم اروح ادورلها

تعالو انا بروح السعودية في مؤتمر يوم13 يمكن القالها شي اهناك مع اني ماادري اسواقهم اشلون صايره

 

[أم بدير]

آمين محاميه
عاد اليوم حلمانه فيها
أول الحلم طانت متضايقه مادري شفيها
اخر الحلم مستانسه ويايبتلنا هدايا بس كنت ادري بالحلم انها متوفيه ويايبه الهدايا عشان بتخلينا
واله قمت ابجي بالحلم بجي مو طبيعي
وقمت وانا ابجي
والحين رديت ابجي
خخخخخخخخخخخ​

 

[فررررح]

هلااااااااااااا بنوتات شخباركم

ام بدير الله يرحم امج ويغمد روحها الجنة

 

[أم بدير]

آمين ياربي وجميع المسلمين
تسلمين بعد عمري على هالدعوه
:eh_s(17):

حياج الله بالدوانيه ​

 

[on line]

السلام عليكم بنات شخباركم
جروحه شلونج
مبروك تخرج بنتج شوفي يالغاليه انا العام شفت وحده حاطه ليتات صغار بطوق بنتها وعلم الكويت طابع عليها صورت البنت وانا ياطويلت العمر سويت لعيالي باجات علي صورهم ومكتوب مبروك التخرج حطيت له وحده وعلي جنطتي وحده واللي كانو معاي حاضرين

ام بدير الله يرحمها ان شاء الله عليج بالصدق لها لان سبحان الله اجرها يوصل

رقي شلونج شخبارج
محاميه كويتيه شخبارج صراحه مع اني ماافهم بالقانون وامور المحاماه بس احس حيللللللللل هالشغله متعبه الله يكون بعونج وبالنسبه الهديه للوالده ليش ماتشترين لها قطعه خام راقيه تفصلها مع بخور او درع من الللي موجودين بالاكشاك بالمرينا مول وسوق شرق علي كرستال راقين وحلويتن وتكتبين لها كلام حلو او تحطين صورتها
او حجزيله عمره مادري بس حبيت اعطيج افكار جديده

بنات اليوم رحت الفنار وردت فيلم ذا هولدي رومنسي فيه الممثله كيت اللي في فيلم تايتنك
صراحه روعه اليلفم وحيل رومنسي
بس بنات لاحظه شغله بالسوق؟؟؟؟ الاجانب ليش يكبون ياخذون فلبن؟؟ شفت اليوم ثنين

 

[فررررح]

هلاااااااااااا محاامية

وووى اشكثر اشووف اجانب وحريمهم فلبن مادرى شالحكمة

الا تعالى صج حلو الفلم بخاطرى اشووفة بس خفت يطلع سخييييييف اتشجع القصة المتابعة

 

[on line]

طوفوا بدلياتي بنات بعد الساعه 12 افصل انا هههههههههه

 

[أم بدير]

تسلمين بعد عمري ديحانيه

جروحه ماقلتلي تبين شغلات حق تفوق بنيتج
عالبركه ومنها للأعلى
انا حق تخرج ولدي يبت اليهال الصغار اللي ملبسينهم ملابس التخرج وركبتهم على علب كلهم كتب ولبستهم وشاح علم الكويت الأوادم انهبلوا عليهم قاموا اللي يعرفهم واللي مايعرفهم ياخذ
ههههههههههههههههه
وحق رفيجتي سويتلها بنات متخرجين وقاعدين على علبه فيها كاكاو
دقيقه خل ادورلج جني مصوره ملوت ولدي​

 

[المحامية هبة السهلي]

هلا كويتية ديحانية اي والله الشغله وايد متعبه بس ادري انه ما يصلحلي غيرها سبحان الله اتحسين في اشياء في دمج ولله الحمد اعتبر نفسي بارعه فيها مخي نظيف بالقانون من كنت بالكلية والدكاتره يقولولي انتي يا مجرمه بالفطره يا باتصيرين محامية شاطره والحمدلله على كل حال

مايصلح حق امي الخام اهي على طول عباة اسلامية اما العمره والله يبتيها خل افكر اشلون اخططلها لاني فعلا هالمره محتاره

ام بدير الميت لما يعطيج شي معناته اجر لانه طلع من الدنيا المادية وصار في الاخره والاخره ما ييج هدية منها الا الاجر والثواب والله اعلم كثريلها دعى واقري صورة ياسين والله يحفظج حق عيالج

ديحانية صاجه الامريكان منهبلين على الفلبن قطيعه قووهم

 

[مسك 3]

سلام عليكم

انا عدت بعد الزوارة

غدانا مكبوس لحم والحشو فقع

كان شي ولا في الاحلام
كليت لين مليت

عليج بالعافيه حبيبتي

 

[al7reyaa]

السلام عليكم
اشلونكم
اخباري طلعت الصيفي وكل هدومي متقنزعين علي
اول شي استانست قلت جود طايله شوي
جان انقمت يوم دشيت الحمام وركبت على اللي مايتسماش وطلعت لي الحقيقه المرررررررره
والحين انا قاعده الطم
وخدودي وخشتيصارو زرق من التكفخ
على وزني الخيالي

 

[أم بدير]

خخخخخخخخخخخخخخ مسك ردودج بأثر رجعي يعني؟

هلا حايره شخبارج حبيبتي؟​

 

[مسك 3]

لووول الحريا ومن سمعك يا حياتي انا أمشي صار لي فوق 10 أياوم ووزني زايد منقهره قهر اللي آخر شي قلت بالله تبوله وشيبس مو ظروري

 

[المحامية هبة السهلي]

بنات دشيت مندى الجمال ماادري شسمه يتحجون عن عمليات التجميل واي شكلها سهاله الله يغربل بليسهم والله الواحد زهق رجيمات اتهقون انا مو قاثني الا بطني عقب القيصريات صار مافيني الا بطن تعقدت