ديوانيــة المنتــدى .. سوالف و وناسه .. حياكم الله

[Dancing^Queen]

رد : ديوانيــة المنتــدى .. سوالف و وناسه .. حياكم الله

زوزو
اهلا يازوزو النوزو كوا النوزو


باجر عندج عزيمه؟
يبا لاتحاتين ماشالله عليج قدها وقدود وبتبيظين الويهه عارفين ومجربين طباخج
بس شنو المنيو اللي مفكره فيه؟



سمسميه
قولي اللهم ملكني قلب من احوجتني اليه
وبطلي قرآنج واقري ياسين والضحي
وادعي من قلبببببببببببج انه الامور تيي علي خير
وانشالله مافيه الا العافيه

 

[سمسميه]

رد : ديوانيــة المنتــدى .. سوالف و وناسه .. حياكم الله

لا والله يا وخيتي..والمشكله انه شي مالي ذنب فيه...بنتي الصغيره تبجي مريضه وانا فازعه معاها اليوم من الساعه خمس ولما صارت الساعه 8 قامت تبجي بصوت عالي وانا حدي دايخه واحاول اسكتها جان يقول لي انتي متعمده تخلينها تصارخ!!!علشان تقعديني من النوم علشان ما تصيرين انتي بروحج قاعده وانتي مخج مخ ياهل وانانيه وان هو من اليوم ورايح بيوريني اشلون راح يتعامل معاي!!!
تخيلي كل هالصراخ وانا ساكته يعني زياده على التعب والسهر جايني الاخ يتفلسف
لاحول ولا قوة الا بالله

 

[*حبيبة زوجها*]

رد : ديوانيــة المنتــدى .. سوالف و وناسه .. حياكم الله

لا حول ولا قوة الا بالله
الله يهديه بس ليه كذا الله يسامحه

وسويمثل ما قالت لك كوين
والله يصفي القلوب

وسلامة بنتك الله يقومها بالسلامه

 

[سمسميه]

رد : ديوانيــة المنتــدى .. سوالف و وناسه .. حياكم الله

مشكوره حبيبة زوجها وانا الحين بقوم اقرا ياسين والضحى ان شالله ..جزاج الله خير يا كوين

 

[السفيرة عزيزة]

رد : ديوانيــة المنتــدى .. سوالف و وناسه .. حياكم الله

حبيبه زوجها مشكورة على الفزعه
نخدمك بالافراح

كوين لا و الله مو جذي السالفه
انا عند اهلي ما اخاف
بس خالتي
يمااااااااااااااااااااااااااااه
خالتي طباخة ماهرة يعني انا يمها و لا شي
و الله يسلمج المشكله اني كل ما رحت وديت شي معاي ما يذوقونه
علشان جذي متوهقة

سمسميه هدي بالج
شوفي اول شي ريلج مو قصده متعسر مو نايم عدل
بس يرتاح شويه راح يهدي و يفطر و ترجع الامور لمجاريها
لا يضيق خلقج و لا شي
ترى كل الرياييل جذي جنه محد صايم الا اهم
عاد انتي عقلج اكبر هدي نفسج و ارتاحي
ما تشوف شر بنتج
و سوي الفطور اللي يحبه
و هو انشاء الله راح يهدي من نفسه

الله يهديه ان شاء الله

 

[Dancing^Queen]

رد : ديوانيــة المنتــدى .. سوالف و وناسه .. حياكم الله

الهفو سمسميه
عادي هذي عرات الصيام
ويامالج منها
انا قبل امس
مريت بننفس مشكلتج
بس بنتي ماكانت مريضه كنت اتصارع وياها علشان امشطها صايره جنها لاعب برازيلي وقامت اتصرخ وتبجي وانا تعافر وياها
جان يبطل الباب
ويشغل الاذاعه علي العالي
انتيييييييييييييي فعلتج تركتج
تتعمدين تزعجيني
ماتعرفين تريحيني
يا اليااااااااهل ياااااااااياااااااااا يااااااااااا
اتنحشين الواحد من البيت
قمت حقرته وقعدت
خليته اهو وشياطينه
راح الدار وحقرته
بعدين علي الفطور يوم فطر
وراء مزاجه شوي
رد يفتح الموضوع وانا رافعه الجام وحااااقره
وقام يناجرني ويناجرني
جان انتره وازفه
وقام يقولي يعني شنو معناه تصرفج؟ اقوله ماله معني يعني شنو تبي معناه يكون؟
يقولي ليش اتسوين جذي؟ اقوله لان كشت الياهل تحجب الرؤيا الصراحه واخاف يقمل شعرها صار لها يومين مو راضيه انمشطها ، ويقولي الصراحه هالشي غبااااء
ارد عليه ابرود
فعلا وياك حق غبااااااااااء جدا
ويقولي يعني اتعرفين غلطتج
اقوله فعلا انا غلطانه والغلط راكبني كلي
يحاول يناجرني وانا ماني معطيته مجال
يسال ارد قد السؤال بالضبط واقوله اللي يبي يسمعه علشان ماعطيه مجال يتهاوش
لين اهو طهق
وغير الموضوع
يعني منو يحب يعكنن علي عمره؟
نصيحه
تجنبيه قد ماتقدرين
وان كلمتيه كلميه جنه ولا شي صاير

 

[سمسميه]

رد : ديوانيــة المنتــدى .. سوالف و وناسه .. حياكم الله

الحمدلله قريت سورة ياسين وهدى قلبي شوي..اصلا انا ما ناجرته اهو الي كلاني بقشوري الله يهديه ان شالله

 

[السفيرة عزيزة]

رد : ديوانيــة المنتــدى .. سوالف و وناسه .. حياكم الله

سمسميه الله يهديه ان شاء الله
المهم انتي تهدين و ترتاحين ترى الدنيا ما تسوي
خليج كوووووووووووووووووووووووووووووول
ترى يمكن يرجع و يحاول يناجر
ارتاحي انتي و خليج عادي و لا جنه شي صار
و راح يعرف غلطته ان شاء الله



الله يهديهم كلهم ان شاء الله

 

[سمسميه]

رد : ديوانيــة المنتــدى .. سوالف و وناسه .. حياكم الله

مشكوره يا عزيزه...وانا لي الله ان شالله

 

[الشيف رقيقة]

رد : ديوانيــة المنتــدى .. سوالف و وناسه .. حياكم الله

السلام عليكم جميعا .......

والله شوقتوني لسوالفكم الحلوة .. إنشاءالله دوم حلوة

تدرون يايبة لكم خوش خبر، أو بالأحرى خوش خبر للي ساكنين المنطقة العاشرة مثلي

أخيرا العالم حسوا فينا وسووا لنا شي فيه خير قريب، تدرون إفتحوا لنا مجمع الكوت (كوبي ونسخة من سوق شرق) رحتله يوم الخميس يهبل ، والمحلات كلها اللي نبيها إحنا يلي بالمنطقة العاشرة، زارا ونكست وقريبا دبنهامز، وبرومود ومكس وأويسيس ولاسنزا ، وأنور ، وغيره طبعا وايد، وطبعا السينما فوق والمطاعم بعد ،،، يعني شي عجيب، بس إنشاءلله يكمل ونروحله .. لأن بس إفتحوا كذا محل علشان العيد .

رورو حبوبة شخبارج ؟؟ وشمسوية الله يعينج على الغربة ، وإنشاءالله السنة الياية نلاقيج بينا في الكويت، بس ماقلتيلي شصار وياج مع د. ماجدة ؟؟

كوين هلا وغلا، ماشاءالله عليج دايما شايلة الموضوع .. وسوالفج عسل مثلج .. الله يعطيج اللي في بالج آمين

بنوتة ياحيالله براعية البيت والمكان ، آنا بخير ، عسى عيالج والاهل كلهم طيبين ؟

سعودية : ياحيالله ، شخبارج ؟؟ ماشاءالله عليج ذاكرتنا كلنا، الله يذكرج بالشهادة آمين ،، خليج ويانا على طول

أمل : مراسلتنا في الامارات ، هلا وغلا ، حبوبة رفيجتي اللي بالإمارات براس الخيمة ،

جورية شخبار الطبخ وياج ؟؟ على قدم وساق ولا خلاص بطلت ؟

عزيزة و بيتوتية وسويتا وأغلى حبيبة وآنا وين وسمسمية وحبيبي الوطن و بنات عبدالغني شربت ومنو بعد ماشاءالله العدد وايد والله يزيده .. شخباركم ؟؟

 

[kajool]

رد : ديوانيــة المنتــدى .. سوالف و وناسه .. حياكم الله

ما تشوفين شر حبيتي سمسميه كلها حسنات عند اله وبما انك قرأت سورة ياسين مثل ما قالت كوين قولي الحمدالله وخليش هاديه وسأليني انا مجربه وااااااايد وااااااايد شلونك عزوزوووووووووو اعتقد انتي تعرفين وخابصتنا عدل الله المستعان

 

[جوريه]

رد : ديوانيــة المنتــدى .. سوالف و وناسه .. حياكم الله

السلالالالالالالالالالالالالالالالالالالالالالالالالالالالالالالالالالالالام عليكم بنات كويتيات واماراتيات وسعوديات وقطريات ( وينهم !!) وبحرينيات وكلللللللللللللللللللللللل الخلييييييييييييييييج العربي شلونكم شمسوين وين رحتوا امس شكليتوا وشسولفتوا شحشيتوا فيه
زوزو
يبه شفييييييييييييييج طقيته طقه خفيفه على ايده علشان ايوووووووووووووووووووز يتعبث بالاستكاين وصج امس شايفني ميودتها ووقف بعيد
بس ماذبحه من الطق مثل اللي ابالج
شلونج وشلون الورعان خلصتيلهم للعيد ولا بعدج ؟؟

رورو
استاتنسي بالهدوء والراحه هناك لاحقه على اللويه والتوجب والعزايم والقرقيعان والعيد والمصاريف اللي مالها اول ولا تالي ونسي عمرج حبيبتي ترا فرصه ماراح تنعاد لج

كوينو

سلامات ماتشوفين شر حبيبتي صيام وانفلونزا لا يجوووووووووز شلونج شلون البنات الامامير ياختي اموووت لعى البنات ماينشبع منهم ومن سوالفهم بس الله يعينا على مصاريفهم هالنزغه بنتي هالشهر قاطه عليها ولا 400 دينار امي تطيح زف فيني بس مايوووووووووز ياربي يشوقون كل شي للبنات يشوق<<< شاطره

بنوته
هااا شصار على فطورج امس مداج ولا اذن وانتي تحوسين ؟؟
تصدقين ماضبطت البطاط الظاهر ناقص من المقادير شي بس مادري شنوووووووووووووووووو

سمسميه
حبيبتي لا تزعلين عمرج ولا تكونين حساسه عيل احنا كل يوم انتي .... وانت ...وانتي ....وانت مانخلص على تعسر هالفير لا انا استحمله ولا اهو يستحملني مو يبي عيال يستحمل عيل مثلي
عيل انا مره قعد وناجرني على اني مخليه اليهال يبجون ومنسدحه وكان الفير وظل يتتحلطم وانتي وانتي وراي دوام وماتقدرين ومن هالسوالف جان اقوله اكرهك ماوطنك كريهه مليغ اكرههههههههههههههههههههكك ثاني يوم قعد يضحك علي وانا قمت اضحك على عمري قلتها من قلب خخخخخخخخخخخ

رفرف
بس يبببببببه هونا مانبي مدرسات حاسوب يبه لو مدرسه بدنيه جان شفناج ابرك

نفوووووووووشهه
يا أوطهه منفووووووووووشه ومعلئة ومنكوووووووووووووشه ومزغنططه ومنئووووووووشه ازييييييييك يا بت ايييه اخبارك

 

[الشيف رقيقة]

رد : ديوانيــة المنتــدى .. سوالف و وناسه .. حياكم الله

هلا وغلا بجورية .. شخبار المطبخ ؟

 

[جوريه]

رد : ديوانيــة المنتــدى .. سوالف و وناسه .. حياكم الله

سعوديه
هلا والله باهل السعوديه والله انا ماخليت بخاططري شي كل شي ابلع منه بلع شكله على مايي العيد البدله ماراح تدخل لووووووووووووووووووووووووووول

بناااااااااااااااااااات الاياوييييييييد ساعدوووووني انا محتاجة لوقفتكم وفزعتكم وعوووووووووووونكم ليي
رحت الكويت شرقها وغربها وبحورها ووديانها وجبالها وانهارها <<<< بسسسسسج تشلخ

مااااااااااااااااااااظلت ارض بالكويت ماطبيتها ادووووور لفه تناسب بدلتي للعيد شسوووووووووووووووووووووووي قولولي <<< ماضن احد بيرد علي
لون بدلتي باذنجاني <<< احد ينقي هاللون مع الويهه
ومافيها لون ثاني معاه بس هاللون الخام ساده فابي لفه مشيره فيها باذنجاااااااااااني لحقووونيلو يصير بخمسين احذه المهم يركب معاه

كوينوووو على القرقيعان اييي خلصت والحمدلله ووريته بنوته قالتلي حلو مادري تجاملني ولا صج وشريت ليدتي خلطه من سيد جنيد على دهن عود بس بقت امي وخالتي واخذت بهارات من الرفاعي ادري فيهم يموتون على البهارات وباخذ ككاو وعطر بروح اليوم امل الكويت اشوفلهم شي يسواااااااا

 

[جوريه]

رد : ديوانيــة المنتــدى .. سوالف و وناسه .. حياكم الله

اهلييييييييييييييييييييييييييييييييييين رقيييقه وينج غاطه لا يكون نفسي مكروفه ونلفوه ومدعووووووووووووووسه بهالدوام اللوووووووعه
سكتي كل يوووووووووم طبق امي مش مسدئئئئئئئئئئئئئئئئئئئئه يوم يضبط ويوم يخوره قمت ادخل على الحلويات والموالح والبطاطس امس سويت بطاط بالكريمه والمشروم بس ماضبت الصلصه صارت خفيفه واختفت من البطاط ودخلتها الفرن حطبت مادري لها مقادير ثانيه اكيد

 

[الشيف رقيقة]

رد : ديوانيــة المنتــدى .. سوالف و وناسه .. حياكم الله

يحليلج ياجورية، خوش لون منقية حق العيد .. لا من صجي ترى خوش لون أموت عليه، بس أقول مارحت نوران كل الالوان يايبين .. وشوفي فولار

 

[السفيرة عزيزة]

رد : ديوانيــة المنتــدى .. سوالف و وناسه .. حياكم الله

مساء الخير جوريه


اقول بشري اشلون ولدج؟؟؟؟؟؟؟؟؟؟؟؟؟؟؟

رقيقه هلا و الله بالغاليه
وينج عسى ماشر من زمان ما سمعنا صوتج
شنو اخر اطباقج
نبي حلو و مالح يلا بسرعه
ورانا حفله القرقيعان و مسابقه احلى طبق
علمينا بليييييييييييييييييييييييز

 

[الشيف رقيقة]

رد : ديوانيــة المنتــدى .. سوالف و وناسه .. حياكم الله

هلا وغلا بعزيزة، شلونج ؟؟
والله ياعزيزة حدي مشغولة ميخالف عذريني شوي، بس ولا يهمج أول ماأشوف شي يديد راح أحطه لكم على طول ..
بعد قوليلي شخبار قرقيعانج ؟؟ وشلون عيالج ؟

 

[xxx]

رد : ديوانيــة المنتــدى .. سوالف و وناسه .. حياكم الله

كوين

شلونج شخبااااااااااااااااااااااااارج
عاش من شاااااااااااااااااااااااااافج
ولهت عليييييييييييييييييييييييييج
شلون بناتج ياحلوهم وياحلو سوالفهم
انا تمام والثقل تو الناس عليه وللحين مارحت السوق مالي خلق
وبنت خالتي ضيقت خلقي تقول السوق كلعه شتوي


سمسميه

هلا وغلا بالزعلانه
بعد عمري ماعليه سمعي وطنشي ترى الريال وهو صايم يقول حجي مايثمنه
صدقيني راح يتحسف


السفيرة عزيزة

الله يعنيج
انتي سوي الي عليج و ان شاءالله تبيضين الوي


الشيف رقيقة

هلا وغلا بالشيف ولهنا علييييييييج
شلونج وشلون البنوته عساها بخير؟؟
شنو هالمجمع ووين مكانه بالضبط بنيي نزوركم


جوريه

اي امس لحقت اشوا وخلصت مع الاذان
شلون جذي ماضبط البطاط تدرين لانج مشيره المقادير
والقرقيعان رووووووووووعه شحلاته وبدون مجامله



سعوديه
حبيبة زوجها
اموووووله
سويتا
نفيشه
رفرف
سندريلا
كويتيه

شخباااااااااااااااركم

 

[سندريلا]

رد : ديوانيــة المنتــدى .. سوالف و وناسه .. حياكم الله

السلام عليكم
اشلونكم بنات وشخباركم ولهانه عليكم بس الدوام هاد حيلي
اموله ثنكس على النصيحه بس اشوا الحمدالله راحت الحنه تقريبا عقب موعانه مع الأسيتون والجنسون والصابون والليفه المربيه يالله راحت
رورو شلونج وشخبارج وشلون رمضان باليابان سهاله انشالله اقولج جذي عره وفكره من افكاري الشيطانيه احط حنا نقش مع انا اول مره احط ومومتقبلتها على ايدي بس روحتها اشوا
وكوين وسعوديه وبنت الكويت وجوريه وحبيبه زوجها ورقيقه اشلونكمم