ديوانيــة المنتــدى .. سوالف و وناسه .. حياكم الله

[New Mum]

صباح الخير
خوش اقتراح مرموره لووول الحاله صعبه صراحه
عليج بالعافيه خوش كولكشن و روحي المحل نفسه قوليلهم يركبونها لج احنا جذي مالنا خلق خلينا الريال يركبها لنا تحسين كويتين رباده
وبس ماكو لا جديد بديت شوي شوي اشتم الصعداء باقيلي 9 ديز دين باجر ببلش اكمل

 

[ام طلال]

السلام عليكم
مرموره وايد حلوين عليج بالعافيه اما عن يومياتي قاعده اشرب زعتر عليّ اسبوع المرور قطيعه ومجابله فروخي وقاعده واحتمال بعيد اني اطلع اليوم

 

[نــور1]

شلوكم بنااااات

عساااكم بخيرررررررررررر يارب

شايلة هم المداااااااااااااارس . . .

قربتتتتتتتتتتتتتتتتتتتتتتتتتتتتتتتت . . .

الله يعينااا ويعينكم . . .

داااوم ورمضااااان . . .

 

[مسك 3]

السلام عليكم
مرمر وايد حلوين الأغراض عليكم بالعافيه ،الله يقومج بالسلامه
نيوم قرت عينج حاسة فيج وبشدة تذكرت الأيام اللي مضت
ام طلال وينج ما تبينين بالديوانية
انا صار لي يومين كسل وخمول مو طبيعي ومالي خلق شي ماأدري شالسالفة
صج شسويتوا حزه الهزة اذا في أحد منكم قاعد
انا كنت قاعده ألخص ومستنة ويومها من زمان ما ضغت على عمري هالكثر فلما تحرك المكتب هقيت اني قمت أهلوس وسميت بالرحمن تالي حطيت ايدي على الطاوله الا تهتز من صجها وشفت الزرع اللي يمي الا يتحرك قلت امبييه اكتب موضوع بالمنتدى والا ما تسوى اخرع البنات هههههههه
فجأة الا الموضوع جد وثاني يوم الكل مختبص
وشنو بعد ودي اسوي حملة تصفية شاملة كاملة قبل الدوام واحتمال الموضوع يمتد لي المطبخ والصالات
رجيم نهي-رياضة نهي - نم نم أجا أجا

 

[New Mum]

اهلين مسوكه بويه نبيج مشكوره
لووول بس يا فرحه ما تمت دقتلي خدامة بيت اهلي تقولي انا خدامتي بتروح الطبيب فيفر مسكينه
واي على هالهزه خبصت قلوبنا ربج حميد اني نايمه جان علوم

 

[New Mum]

مسوكه زين اسوين انا اسوي جرد كل ما تميت و ادق على حدى هاللجان اعيهم المقسوم تحين بخفه وراحه البيت يصير انيس واليف
مرمورا شلونج حبيبتي شرايج فينا واحنا نطيع الكلام كل ما مرت وحده فضفضت

 

[New Mum]

السين مفقوده بتاب توبي سوري على البدليات لوول

 

[on line]

السلام عليكم
مابغا المنتدي يتعدل
شخباركم بنات

 

[on line]

هلا في بنات الدوانيه وتسلمون علي السؤال
مسك ام بدير رقي وكل البنات من جد وحشتوني
انا كنت مسافره تقريبا شهر 7 كله رحت ماليزيا وبعدها رحت مع الاهل الطايف وخذيت عمره وزرنا المدينه عشان جذيه ماكنت متواجده وقبلها كانت النفسيه لكم عليها شوي وبس ان شاء الله تسنع وهالمنتدي الله بالخير يومين صاحي ويشهر مخرف بس مالنا غنا عنه
شخباركم جهزتوا لللمدارس انا شريت لعيالي من ماليزيا تكرمون جواتي رياضيه وتي شيرتات وجناط وكملت لهم من ماركس سبينسر بنطرونات للمدرسه
بس باقيلي القرطاسيه من وين تنصحوني اشتري لهم؟؟
ام بدير عليكم بالعافيه العربانه وان شاء الله تكملين باجي اغراضج
مسوكه وينج بالبحرين خخخخخخخخخخخخ

 

[mrmr mrmora]

السلام عليكم

الله يعافيكم

ديحانيه حمد الله على سلامتكم وتقبل الله طاعتكم

 

[mrmr mrmora]

نيو أمس فجينا العربانه عشان نعدلها بعدين أنا قعدت أطالع التلفزيون وزوجي يوله ربعه وخلينا العربانه بالصاله مفججه

عقب نص ساعه يه سليمان وله مركب العربانه وخالص ومستانس

ومن قعد الصبح بدا يحن يبي يركب الحباسه وقلنا له كيفك
وركبها بسم الله عليه

أفتكينا

 

[mrmr mrmora]

اليوم ماطلعنا عيالي قاعدين يسبحون بحمام السباحه
وأنا قاعده بالصاله أطالعهم وأسفط الغسيل
وحاطين على قناة الأحوال الجويه

إعصار دين إحتمال يوصلنا يوم الثلاثا إذا ماحول طريجه وراح المكسيك
وصايره خبه وإحتمال يسون إخلاء حق المنطقه
الله يستر

 

[رقي]

واو وناسه
فيه سوالف بالدوانيه

 

[mrmr mrmora]

هلا رقي شلونج؟
شخبارج؟

سولفي مو تسكتين
صار لج يومين ماتكلمتي
شسويتي؟ وين رحتي؟
شلون بناتج؟

 

[أم بدير]

السلام عليكم
رقي قولي ماشالله
دوانيتنا على طريف ترى تبي الشاره
خخخخخخخخخخخخ​

 

[رقي]

اعديكم الديتيلز
دوامي السكه وقفو معاشي
وعندي رصيد اجازات بس ماودي يخلص
الويك اند اللي طاف كان روعه
بالزواره الناس راده من السفر
حصلت لي اكياس صوايغ
صج خرابيط بس ياربي الصوغه اتونس




مرمر بالعافيه الشغلات بس ريض علي الحباسه
الله يتمم لج بخير

انا ناويه عقب رمضان اجهز حق البيبي
والشهر اللي وراه حقي
واللي وراه بطلب خدامه حق البيبي


اليوم خدامتي تعسرت علي وتبكي
تقول بسافر بغيت ابكي معاها
قلت لها بليز عقب مااولد
عاد هذي اللي يعتمد عليها
اهيا اللي تطبخ
الظاهر انتقلت لي عدوه نيووو

 

[رقي]

هلا والله بم بدير ومرمر شخباركم
كتب الديتيلز اقروووعلي ماامر دوانيه الحوامل
مرمر ليش ماتدشين معانا

 

[mrmr mrmora]

هلا والله أم بدير شلونج؟
شخبارج؟

الله يعافيج يارقي
والحباسه أنا استعملها كسرير أحسن من السرير

ليش خدامتج بتسافر؟

 

[mrmr mrmora]

ما أدري ما أعرف البنات
وجم مره أمر ماأحصل أحد

أم بدير ليش لابسه طاقيه الإخفاء؟

 

[رقي]

مرمر بدقيقه تتعرفين عليهم

خدامتي مادري شنو فيها
حيل تبكي

ليش اتسوين الحباسه
تتعور ايدج مو عمليه

انا خواتي كل وحده مسويه جرد علي اغراض بيبياتها
وذابحييني لا تشترين حوض سباحه
لاتشترين سرير
لاتشترين الباسكت مالت السباحه

عاد لما يعطوني الاغراض بشوف اللي ناقصني عشان اشتريه

مرمر بحيل ربي
ولادتي بالشتا مشتهيه افصل لي روب احمر لون الكرز
من داخل ستان ومن بره مخمل
وابي الكم وسيع شلاح
والرةب ضيج
ابي ادلع روحي شويه