ديوانيــة المنتــدى .. سوالف و وناسه .. حياكم الله

[GAP^^الكبيرة]

حبيبتي كلش ما تشوفين شر

جربتي تشربين عناب؟؟.. انا هذا اللي اعرفه حق الكحه

 

[زيـنـه]

شنو عناب ؟

 

[moors]

ايه صج شنو عناب

 

[GAP^^الكبيرة]

نوع من الاعشاب يشربونه زين للكحه

لحظه ادور صورته واييبه لكم

 

[GAP^^الكبيرة]

وتلقونه عند الحواي ...

 

[زيـنـه]

غاب اول مره اسمع فيه .

 

[زيـنـه]

شلون يسوونه ؟؟ فوح ؟ و الا لهوم ؟

 

[GAP^^الكبيرة]

لا عادي تاخذين جم حبه وتفوحينه عادي

اهو صغار اخذي المحومر تحسن من اللي ياي على بني... نفس الكنار المجفف

 

[زيـنـه]

اشوف اذا لي روحه للحواي ان شاء الله .

مشكوره غاب

 

[GAP^^الكبيرة]

حياج حبوبة وان شاء الله يفيدج

 

[مهاوي البحرين]

مرحبا زينه

ما تشوفين شر

في اعشاب بالحواي اسمها

لسان الثور

اتفوحينه وتشربينه

 

[زيـنـه]

هلا مهاوي .. اي لسان الثور سامعه فيه و موجود بالبيت بس ما جربته !

 

[GAP^^الكبيرة]

صباح الخير بنات
منو موجود بالديوانيه؟

 

[أحلى الجياكر]

صباح الخير بنوتات ....شلونكم ..شخباركم

 

[أحلى الجياكر]

مشكورة Gap

اول مرة اشوف لسان الثور ...خابرة البسكوت مادرى البخصم

 

[New Mum]

شلونكم

 

[أحلى الجياكر]

هلا نيو مم ...شلونج ...

 

[GAP^^الكبيرة]

نيو مام واحلاهم.. هلا فيكم شلونكم وشخباركم
احلاهم العفو حبيبتي ... بس على شنو.. سمحليلي ما فهمتج توني ماكله بطاط باللبنه والظاهر الدهن كابس على مخي ههههه

 

[New Mum]

متزلعمه والصوت صوت صبي توه بالغ
كله من زينه

 

[أحلى الجياكر]

هلا جاب
مشكورة على صورة لسان الثور

و شنو بطاط باللبنة ؟؟؟صمونة ؟؟؟ فيها دقوس ؟؟ إشتهيت
بالعافية