ديوانيــة المنتــدى .. سوالف و وناسه .. حياكم الله

[أحلى الجياكر]

الحرية ...من زمان عنج ..ولج ..ما يصير هيج ..طلى علينا يا شمس الشموسة ..ولا صرتى حجية و كبى ياسج

 

[أحلى الجياكر]

كوين ...ترا نسيت تقاطيع ويهج ...حطى فى بالج هالكلام :tongue22:

 

[زيـنـه]

احلاهم .. اخاف انا رفيجتج اللي حاطه دفاية الزيت بالحمام ؟؟
هذه فكرتنا ندفي الحمام حق سبوح اليهال .. بس وقت السبوح .

 

[أحلى الجياكر]

لا هذى فقيرة حاطتها على طول ..ليش عندها ياهل بالأشهر ..و كل ساعة تغيير و جذى ..بس ياربى خطر !! الله خير حافظ

ووقت السبوح ..أنا أفج الماى الحار شوية عشان البخار ..تالى أسبح الياهل ...

 

[زيـنـه]

احلاهم .. الغيار الله يعينها اذا على طول بالحمام .

و هذا احنا نحن على البرد و نتحلطم على الحر .. و لا يانا البرد صحنا .. و لا يانا الحر تضايقنا و ملينا .

ما في احد مرتااااااح .

 

[dana_kuwait]

السلام عليكم
اسلم على اهلي وعلى ربعي وعلى ربع المنتدى
اشلونكم
والله لاهيه حدي بهالدنيا

 

[أحلى الجياكر]

المشكلة يا زينة ...ما يانا الخريف إالى بين الصيف و الشتا ...إالى نتوهق ما نعرف شنلبس ..صيفى ولاشتوى ..من جذيه نتحلطم


دانة الكويت ...هلا فيج ...صفى معانا ...إشكيلى و أشكيلج كل من لاهى ....و عساها على خير بس

 

[زيـنـه]

احلاهم .. من متى عندنا ربيع و الا خريف .

جونا من درسناه حار جاف صيفا .. بارد ممطر شتاءا !

بالله وين الخريف بالموضوع

 

[أحلى الجياكر]

مو هذى النقطة إالى بوصل لها زينة ....لو عندنا تدرج بالمواسم جان تهيأنا نفسيا للزمهرير

 

[أحلى الجياكر]

بنات ...منو مثلى تأثرت من إنقطاع الكابتشينو ماركة نستلة بشدة ؟؟؟؟؟؟؟؟؟؟؟؟
أنقطع من السوق بسبب إرتفاع الأسعار.....و يقولون رد بجمعية الخالدية رفيجتى اليوم يابت لى واحد

 

[زيـنـه]

احلاهم تدرين شنو المشكله ؟

ان الجو برد .. و البرد يوكل
و اللي مسويه ريجيم الله يعينها ----> يعني يكون مو عني


الله ياني مشتهيه حليب و جاي و سوالف التغمس و البربسه .

 

[أحلى الجياكر]

ذاك المكان يا زيون ينادى هجرته و الهجر صعب ....و رفيج ريلى تسلط علينا خوش سلطة يايب لنا رهشة مخصوصة من الحلوجى ...بس حق عايلتهم الله ياهى دسمة ..مممممممممممم مع خبزة إيرانية و حليّبة مهيلة (وينج يا فلّون )

إنسانى يا رجيم ..و وداعا يا رشاقة

 

[زيـنـه]

احلاهم ... لالالالا لا تقولين .. ذاك المكان يسلم عليج .. و يناديج .. الكويت تناديج تبرع بدمك
حال من حالج .. و مو احسن منج .

يا انا ... او انا

 

[Dancing^Queen]

الزلام عليكم
خشمي حنفيه تصب صب صب صب

وصوتي علي قولتهم بالقسم مخنف



احلاهم
نسيتي ويهي افا افا ياذاك العلمم
يالله حلي المشكله ماعندي مانع

 

[أحلى الجياكر]

كوين ..حطى بخشمج كلينكس ..سكريه ..أحسن حل ..لآن نوعية الكلينكسات وايد ناشفة ..تجرح رفرف خشيمج على جنب .

 

[New Mum]

واو الشمس من وين طالعه يا هلا بمن حبا و دبا و ركب القوليلبه

 

[أحلى الجياكر]

أهلا أهلا يا أوسطى إزيك يا أليسطة

هلا نيو ..شلونج ..أنا ما أركب قليلبه ...يفتر راسى

 

[Dancing^Queen]

ويييييييييييي احلاهم والله العظيم حطيت
علي بالج قشمره انها ليست قشمره
من شي شفته
ومشقق عززيتي طرف الخشم صار لاتعليق جنه ركب وحده ستينيه
الله كريم


شلونج عزيزتي شخبارج امس ابالي اقول احلاهم لها فريه ومكان فاضي

 

[Eng.shosha]

شلووونكم بنااات .. والله سوالفكم تونس ... خاصة الي قالت عن الرهش وايد شوقتني لوول

 

[زيـنـه]

كوين .. الله يعينج .. يا كره شعور الحنفيه .. بس اقتراح انج تسكرينه افضل .. و هالله هالله بالوازلين

احلاهم ..ناديك يناديك .. مالت شوت تذكرينها ؟

مام .. شخبار القوليلبا ؟ الحين غيم ووركس و طفل المستقبل غطوا عليها .

ام عبدالمحسن ..حياج بيننا