ديوانيــة المنتــدى .. سوالف و وناسه .. حياكم الله

[أحلى الجياكر]

سورى زيون تونى ارد المكتب هسه أجيك

 

[زيـنـه]

اشوه اللي جيكتي

 

[mrmr mrmora]

السلام عليكم

والله حتى أنا ولهت عليكم

أمي سافرت أمس وصار البيت فاضي يضيق الخلق ماعندي أحد

كل يوم كتا نطلع الحين برد حق الحبسه

 

[New Mum]

أهلين مرموره ماعليه حبيبتي
كلها جم يوم و تتعودين واحنا اهني حسبة خواتج

 

[mrmr mrmora]

هلا نيو

تصدقين تعبتتتت أحس طاقتي خلصت أبي أرتاااح

 

[al_gardenia]

مرمر شخبارج مبروك ماياج ادري متاخره بس لهيت بالبيبي
انا ولدت ويبت بنوته

 

[al7reyaa]

السلام عليكم ورحمة الله
اشلونكم
نفر نفر
اليوم قعدت الصبح 6وربع جان اتحسف على فراشي ورديت يوم سمعت حس ميري تقعد اعيالي جان اطل عليها خليهم
جان اصك رنة ريلي جان انام انا واسرتي لي الظهر كشته كااااااااامله بالدوامات

الفراش عجيييييييييب حده ما بي زيادة بالرواتب ابي تقليل ايام العمل الي يومين بالاسبوع

 

[mrmr mrmora]

هلا الجاردينيا الله يبارك فيج

وحتى إنتي مبروك ماياج وتتربى بعزكم إن شاء الله

 

[New Mum]

أسعدتم صباحاً جميعاً
مرموره فاهمتج حبيبتي كلها فتره و تعدي إنشاء الله لا اضيقين خلقج كلنا مرينا فيها
الحريه أحسن ما سويتي يازين النوم بالشتا له نكهه خاصه
جاردينيا مبروك ما ياج حبيبتي و تتربى بعزكم
رواد ديوانية الصباح أين أنتم

 

[GAP^^الكبيرة]

صباح الخييييير

نيو مام.. شلوونج مع هالبرد....

انا طبعا تاخير كالعاده وقلت بقلبي يا بنيه دامج متاخره روحي ييبي ماي الفتنس.. واحوس بمركز سلطان شرق وما احصله واسال هاللي يحوس بو بطاقه .. جان ويهه يعطيني علامه استفهام

قلت بخليها الى كشتتا اللاسبوعيه جود احصله بالسالميه.. خو هذاك دالته شبر شبر وادري جنه مرزز صوب البرادات اللي يم الكاشير ... صح؟؟؟

 

[مهاوي البحرين]

صباح الخير

صباح البرد

احنا اليوم جمدنا

 

[GAP^^الكبيرة]

هلا وغلا مهاوي
وصاجه اليوم بررررررد حده

شلونج وشخبارج

 

[مهاوي البحرين]

نيو مام صباح الخير

غاب صباح الخير

شخباركم

اليوم بالبحرين هوه وبرد

وعن قعدة الصبح

بالغصب قمت وكنت افكر بتطنيش الدوام بس تذكرت ان الاسبوع الياي احنا اجازه من الجمعه حتى الاثنين

 

[مهاوي البحرين]

حبيت اسأل انتوا يعطونكم اجازه بتاسع وعاشر محرم

 

[GAP^^الكبيرة]

ههههه كلنا جذي.. مال يقلبون دوامنا العصر عشان نشبع نوم ودفا ههههه

وعليكم بالعافيه يوم الاجازة..

 

[GAP^^الكبيرة]

لا ما يعطونا ... بس اغلب الناس ما تداوم بيوم عاشورا

 

[مهاوي البحرين]

اليوم ريوقنا بالدوام عصيده

وحلوى شويطر

وانا اكلها تذكريتكم

بس لا تخافون كليت عنكم

 

[GAP^^الكبيرة]

بالعااااافيه

اي مع البرد الواحد يدور الحلو.. اشوه انج تذكرتينا لوووول

 

[مهاوي البحرين]

الله يعافيج

 

[زيـنـه]

صباح الخير ..

اليوم من غير شر بس مهاوي و غاب

مهاوي .. بالعافيه على الريوق .. و الحمدلله كليتي نصيبنا
و ما يعطون عطله بعاشورا .

غاب .. شلونج ..؟
ووين الجوله امس ؟