ديوانيــة المنتــدى .. سوالف و وناسه .. حياكم الله

[سمسميه]

رد : ديوانيــة المنتــدى .. سوالف و وناسه .. حياكم الله

بنت الكويت و دموع الكويت
عظم الله اجركم في عمتكم والله يرحمها ان شالله
اموله
عظم الله اجركم في وفاة الشيخ زايد الله يرحمه
حبيبة زوجها
انا بخير الله يسلمج ومبروك على نزول الكيلوين وبالتوفيق ان شالله

 

[السفيرة عزيزة]

رد : ديوانيــة المنتــدى .. سوالف و وناسه .. حياكم الله

السلام عليكم
بنات اشلونكم كلكم

بنت الكويت و دموع الكويت
عظم الله اجركم بعمتكم والله يرحمها ويسكنها فسيح جناته

باحي البنات
عظم الله اجركم في وفاة الغالي زايد الخير رحمه الله واسكنه فسيح جناته يارب العالمين
هذي التعزيه لكل البنات من غير استثناء
لان الاب زايد كنا نحس انه ابونا كلنا مو بس ابو للامارات



واي اليوم جنه كئييب من اوله

ما ادري جني بطلع اغير جو

 

[زيـنـه]

رد : ديوانيــة المنتــدى .. سوالف و وناسه .. حياكم الله

صباح الخير يا وجوه الخير

شلونكم و شخباركم ..

اموله و كل البنات .. اعزيكم بوفاة الشيخ زايد عسى الله يرحمه و يغفر له و لنا و لجميه المسلمين ان شاء الله .. عظم الله اجركم و انا لله و انا اليه راجعون .

بنت الكويت و دموع الكويت .. عظم الله اجركم بوفاة عمتكم و الله يرحمها و يغفر لها و لنا و لجميع المسلمين ان شاء الله .. حاسمة الشر و خاتمة الاحزان ان شاء الله

عزيزه اللزيزه .. للحين اتهددين على الطلعه .. شمنطرج .. يلا .. عاد اليوم الاربعا و الجو روعه .

كوين .. وين مختفيه و عسى المانع خير ؟

حبيبة زوجها .. انا بخير عساج بخير .

و باجي البنات شخباركم و شعلومكم .. اتهقون بيدش علينا البرد مبجر هالسنه لان امس الجو اعتفس و صار براد بالليل .. يالله عل و عسى عالاقل نكرف الهدوم الشتويه شوي

 

[السفيرة عزيزة]

رد : ديوانيــة المنتــدى .. سوالف و وناسه .. حياكم الله

زينه

و الله جنج جكيتيني

يلا باي
بطلع الحين

 

[زيـنـه]

رد : ديوانيــة المنتــدى .. سوالف و وناسه .. حياكم الله

عزيزه .. الله وياج .. و استانسي ..

 

[السفيرة عزيزة]

رد : ديوانيــة المنتــدى .. سوالف و وناسه .. حياكم الله

مرسي اوي زينه

رحت الله يسلمج شرق
قلت بدور حق بنتي بدله شتويه
انا شاريه لها صيفي
بس اخاف يصير برد
ما شفتي المطر توه
عاد ما لقيت شي
اشتريت من كليرز اكسسوارات و بس

 

[السفيرة عزيزة]

رد : ديوانيــة المنتــدى .. سوالف و وناسه .. حياكم الله

اقول بنات انا رايحه الحين
اول شي بمر الامن العام
بعدين خفر السواحل
بعدين المطافي<<<<<ليش ما ادري
بعدين المستشفيات
بعدين الحدود

بسال عن البنات

وينهم صار لي يومين ما شفتهم

لازم احد يتصرف
يلا باي

 

[الشيف رقيقة]

رد : ديوانيــة المنتــدى .. سوالف و وناسه .. حياكم الله

السلام عليكم

عظم الله أجركم بنت الكويت ودموع اللكويت .. والله يصبركم على مصابكم آمين

أمولة
عظم الله أجرج في وفاة شيخكم ... والله يعوض صبركم خير إنشاءالله

شلونكم بنات .

والله ضايق خلقي حدي اليوم .. وتوني بطلت المنتدى ودشيت .. عاد الصبح حطيت عزا بنت الكويت ولا أتفاجأ إن في بعد موضوعين .. واحد حق آنا وين والثاني حق رفرف .. يلة زيادة الخير خيرين

حبيت أسلم عليكم بس

 

[السفيرة عزيزة]

رد : ديوانيــة المنتــدى .. سوالف و وناسه .. حياكم الله

بنات اللي موجودين الحين
ترى ناقلين علة الهوا مباشرة
دفنه الشيخ زايد الله يرحمه

 

[أنا وين ؟؟]

رد : ديوانيــة المنتــدى .. سوالف و وناسه .. حياكم الله

اي عزيزه شفته ... الله يرحمه

 

[طماشه]

رد : ديوانيــة المنتــدى .. سوالف و وناسه .. حياكم الله

اهلا بكل البنااااااااااااااات شخباااااااااااركم؟؟؟


بنت الكويت ودمووووع الكويت عظم الله اجركم

امووله عظم الله اجرج

 

[سعودية]

رد : ديوانيــة المنتــدى .. سوالف و وناسه .. حياكم الله

بنت الكويت
دموع الكويت
عظم الله اجركم في فقيدتكم
الله يرحمها ويسكنها فسيح جناته
ويجعلها اخر احزانكم

 

[roro]

رد : ديوانيــة المنتــدى .. سوالف و وناسه .. حياكم الله

لا اله الا الله
والله يابنات هالاسبوعين كلها اخبار تلوع الجبد من اولها لي اخرها الله يستر

والله خبر فوق الثاني وكلواحد اثقل من غيره واااااااااااااي والدموع بعد خلاص بنشف من كثر ما ابجي

لا حول ولا قوة الا بالله العلي القدير

ياربي احس رمضان هالسنه مادري شوي مبهم وغامض والدنيا معتفسه اعوذ بالله يالله حسن الخاتمه

يالله الله ياجرنا في مصيبتنا ويخلف لنا خيرا منها يااااااارب

بنات وينكم عاد بس لا تقلبونهانكد هذا قسمة بني ادم وكلنا بنمشي في هالدرب

انزين خل نغير جو شوي
في احد بسافر في العيد فراغه صح لان بشوف من الخبل الي بيستغني عن العيد بالكويت
انزين وين خططتوا تروحوان بالعيد شاليهات مطاعم وهالسوالف يعني جدولكم بالعيد ؟

وشنوا مزهبين مفاجاءات حق ريايلكم وامهاتكم بالعيد
يعني حق الريل تغير الديكور بالشقه والمفارش وكل شي بداار النوم وباقي الغرف وقميص النوم وغيره ولا بعد ماشريتوا حق العيد !!

 

[رفرف]

رد : ديوانيــة المنتــدى .. سوالف و وناسه .. حياكم الله

هلا بنات ..

رورو انا قلت باخذله هدية لأن العيد يكون بيوم ميلاده ..
بس الأخ متحلف فيني يقول لا تاخذين ...
شكله مفلس ماعنده يشتريلي لأن عيد ميلادي وراه بيومين خخخخ
والله يهداج احنا نرد يوم العيد مهدود حيلنا من الفراره يعني على المغرب خلاااااص نكون منتهين وين لنا خلق نسوي جو رومانسي ...
حتى ريلي يرد مافيه حيل يطل بويه احد ...
بس ثاني وثالث العيد نروح السينما ونتغدى بره ..
مع ان المطاعم كلها ذبحه ودوووور ماتسوى علينا بس شنسوي عيد وين نروح بعد ...

 

[سعودية]

رد : ديوانيــة المنتــدى .. سوالف و وناسه .. حياكم الله

بنات وينكم
عسى ما شر
المفروض اليوم تفرفشون علشان انا اليوم جايه الكويت
يالله بنات عاد بدون ملاقه ارجعو اشتقنا حق سوالفكم

 

[سمسميه]

رد : ديوانيــة المنتــدى .. سوالف و وناسه .. حياكم الله

لسلام عليكم
اشلونكم يا بنات....
وسعوا صدركم وقولوا لااله الا الله ان شالله رمضان يهبل وما فيه شي..وهالايام جيام فحرصوا على الصلاة والله انها تشرح الصدر..
رورو..الله يعينج على العيد بالغربه بس ميخالف الله يعوض عليج ان شالله بالعيد الثاني
رفرف...احسن شي تعزمينه على مطعم وانصحج حجزي من الحين
سعوديه..حياج الله بالكويت وان ماشالتج الارض نحطج بعيونا
عزيزه...تمام تمام افتكيتي من الاكسسوارات عقبال الشباصات
باجي البنات..ناطرينكم على احر من الجمر

 

[حبيبي الوطن]

رد : ديوانيــة المنتــدى .. سوالف و وناسه .. حياكم الله

قوه بنات شلوووونكم ...
عيدكم مبارك مقدما شكل الرمضان حده مأثر عليكم ماكو أحد الحمد الله على العافيه صج هالرمضانيه غريبه أخبار ورا بعض من يانا هالأغبر الياور و احنا مو مترقعين ويقولون بعد عرفات توفى اكلينكيا مايندرى مره ينفون مره يأكدووون ... أيه دنيا المهم مو ناقصين هم و غم عساها خاتمة لأحزان للمسلمين أجمعين ...
المهم وينكم و شخباركم من زمان ما تيمعنا ... و كووووين غاطه الله يستر انشا الله على خير شبسون بالعيد ... احنا يمكن انسافر و مايندرى حلاة العيد بالكويت بس شنسوي انغير ... يالله بنات رداو الوضع مليق جني سعلوه بروحي

 

[roro]

رد : ديوانيــة المنتــدى .. سوالف و وناسه .. حياكم الله

السلام عليكم

رفرف صاجه عقب الدواره مالت العيد والزواير الواحد ماله خلق مممممم

سعوديه حياج الله

سمسميه شفتي شلون صج العيد مو بالكويت مو شي ابد بس الله كريم

حبيبي الوطن لا تخافين انا معاج سعالوه ليش تسافرون من صجج وناسه بالكويت حدي ودي ارجع هاهاهاها بس ما في امل خااالص

وعساها يارب خاتمة الاحزان تبون الصراحه انا خفت على بابا جابر اقول في نفسي اكيد الحين اهو ضايق صده وخايف واااااي يارب يطول بعمره ان شاء الله

بناااااااااااااااااات ضيقت خلق شسوي ؟؟؟؟؟؟؟؟؟؟؟؟؟؟؟؟

تكفون بنات ادعولي اللي يروحون الجيام تكفون ادعولي بالذريه الصالحه ما اوصيكم انتوا وضميركم
ودعوة المسلم لاخيه المسلم بظهر الغيب ان شاء الله مستجابه وعسى الله يجبر بخاطركم


ومع السلامه

 

[أغلى حبيبه]

رد : ديوانيــة المنتــدى .. سوالف و وناسه .. حياكم الله

السلام عليكم
شلونكم بنات شخباركم
انا رديت لكم ومشتاقه لكم واااااااااايد

 

[أنا وين ؟؟]

رد : ديوانيــة المنتــدى .. سوالف و وناسه .. حياكم الله

أهليييييييييييييييييييييييييييييين أغلى حبيبه .... شلونج ... لي الحين حامل ولا ولدتي ههههههههههههههه سؤال غبي

ها شنو يبتي بنوته والا ولد