ديوانيــة المنتــدى .. سوالف و وناسه .. حياكم الله

[رفرف]

رد : ديوانيــة المنتــدى .. سوالف و وناسه .. حياكم الله

ٍسلام بنات
شلونكم شخباركم ؟
احنا ليلحين ماعيدنا ...
بس بنتي اللهم ياكافي مستعسرة ...
ومن الصبح وهي بس بجي خنت حيلي ....
وامس طول الليل مانامت تبي تلعب سحيلة ام الخلاجين ...
لي ال4 الفير وهي تلعب يننتني اخر شي خلص اللعب قامت تلعب بويهي وطايحتله تسطر فيني

 

[roro]

رد : ديوانيــة المنتــدى .. سوالف و وناسه .. حياكم الله

عيدكم مبارك جميعاااااااااااا وعساكم من عواده

خلوني اقرى الصفحات اللي قبل واكمل اسولف لكم عن اشياء تلوع الجبد صارت لي

مع السلامه

 

[سندريلا]

رد : ديوانيــة المنتــدى .. سوالف و وناسه .. حياكم الله

السلام عليكم
اشلونكم وشخباركم بنات ومبارك عليكم الشهلا وعيدكم مبارك صارلي سنه ما دشيت جاي الضحى الله يجازي الدوام بس حبيت اسلم عليكم كلكم
مع السلامه

 

[^SwEeTa^]

رد : ديوانيــة المنتــدى .. سوالف و وناسه .. حياكم الله

السلام عليكم

اشلونكم بنات

كل عام و انتوا بخير .. عيدكم مبارك

 

[رفرف]

رد : ديوانيــة المنتــدى .. سوالف و وناسه .. حياكم الله

سلام بنات .. شلونكم
روروووووووووووووووووووو سلام خاص وعيدج مبارك ... وين غاطه عسى ماشر ؟

وباقي البنات شلون عيدكم ؟
الحمدلله احنا عيدنا كان حلو وبنتي كانت نجمة العيد واشوه بدلتها حلوة ومو انا خذيتلي بدلة نفسها صرنا طقم كل من طارت عينه علينا ... حتى دراريعنا نفس الشي وناسة ...
بس الخايسه لما بغيت اوديها المصور شمخت ويهها بالاسوار مو فيه اشياء بارزة قاعده تفركهم ابويها سوت شوارع بالويه
وايوا يا ايوا يمعنا عيادي ...

 

[xxx]

رد : ديوانيــة المنتــدى .. سوالف و وناسه .. حياكم الله

هلا رورو

عيـــــدج مبــــارك حبيبتي

وعساج من العايدين والفايزين


سندريلا ، ، سويتا

هلا فيكم وانتو بخير وايامكم سعيده
شخباركم نع العيد ؟؟


رفرف

يلا الحمدالله عسى الله يكافيكم شر العين
وديتي بنتج اي مصور
انا بغيت اودي عيالي خفت مسكرين

 

[roro]

رد : ديوانيــة المنتــدى .. سوالف و وناسه .. حياكم الله

بنات شلونكم وشخباركم وعسى عسى عيدتوا عدل ويمعتوا العيادي وقصيتوا على عيالكم وخشيتهم عنهم على بو ما يضيعون هاهاهاها

امبيه خل اقولكم شنو صار معاي من احداث خااااااااايسه تلوع الجبد

قبل العيد الله يسلمكم اب 3 ايام قلت خل اغير من شكلي شوي خل اصبغ شعري جيكو ان ولا عمري صبغت بروحي وما اقدر اروح الصالون اهني لان صالوناتهم مختلط المهم

خل اعطيكم فكره عن شعري شعري تقريبا طويل لين كوعي شوي او اقصر بشوي اخر مره صبغته بالكويت اسود طبيعي على بني يعني لون شعر عادي ما في اي شي
المهم
رحت السوبر ماركت ركن الاصباغ وخبركم اللغه تقطع القلب ماافهم عدل المهم واحوس بروحي لين طلعت لكم ذاك اللون اللي يبط بط لونه استروباري براون حده يشوق وحاطين لكم على العلبه اذا لون شعرج جذي يصير جذي المهم وطبعا بما ان شعري اسود فاكيد بيصيغ خفيف يعني لون بس مو فاقع
خذيت علبتين لان شعري طويل و رجعت البيت وبسرعه خلطتهم وطريقتهم حيل سهله واابد حلوه وما فيها خرابيط المهم وافرق بشرعي واصبغ وانطر نص ساعه واحس ان والله طلع لون وناسه
قمت بسرعه غسلت راسي وطلعت نشفته ولا تتوقعون شنو اشوف ؟؟؟

كاوليــــــــــــــــــــــــــــــــــــــــــــــه بختصار

امبيه بس الجذور اللي صابغه وباقي شعري اسود كااااااااااااااااااااااااااااااااااااااااااااك

لان شعري الاصلي طلع وطال تقريبا 4 او 5 سانتي يعني القمه كلها صارت لون وباجي راسي اسود ههههههههههههههههههههههههههههههههههههههههههههههههههههههههههههههه
وتخيلوا ان ريلي بالدوام انطره عشتو يعني مفاجأه !!

لميت شعري عدل وسويت ذيج الكبه اللي بالنص عشان ما يبين شي
المهم رجع الاخ وانا طبعاما بيت له اني مهوله بروحي سكت

وما وعيت الا ريلي يكلمين ويخز فوق كاااااااااااااااااااااااااااااااااااااااك
جان اقوله شفيك كا ويهي شنو اطالع فوق يقولي امسويه شي في شعرج ؟؟؟؟
قلت لا بس كنت بجرب صبغ وبس طلع خواره هههههههههههههههههههههههههه
المهم سكت ما بغى يعلق زياده ما يبي يكسر فيني

المهم قلت خل انطر يصير الصبح وطيران اخذ صبغ اسود لا اموت امبيه احس ما كنت قادره انام
المهم صار سوم ثاني ماادري شنو لهينا وعفسه البيت وتنظيفه وحاله وطباخ ثار اللي عقبه وتخيلوا ان طول هالوقت من يكلمني ريلي عينه لا اراديا تروح فوق بموووووووووووووووووووت ههههههههههههههههههههههههههههههههههههههههههههههههههههههههههههههههههههههه

ومسكين يوقلي ترى حلو بس يمكن ما عرفتي تسوينه عدل يا عمي لا تقووووووووووووول لوووووووووووووووووووووول

المهم صار من عقبها رحت طيرااان بالقاري السوبر ماركت المهم ادور لون اسود فحم ماكو اقمج درجه عندهم بني قامج تخيلوا فحطت ابي اسود ما لقيت لان خرك اهم يموتون على الاشقر والالوان الفتحه
المهم لقيت اخر شي لون بني غامج بس تحسينه شوي اسود قلت باخذه وبجربه واذاما صار طيفه يصرفني عند اي صالون

المهم رجعت الحمد لله البيت وصبغت الاسود وانتلفت منه ولين الحين ايدي مدمره مو راضي يروح

بس الحمد لله ان لون شعري طبيعي الحين اقدر انام عدل بس الصراحه ويع
وتخيلوا ان صبغت شعري اسود يوم العيد الصبح هههههههههههههههه

والعيد استغفر الله غصب ودي احس فيه بس ما كو فايده طلعنا و تعشينا برا ورجعنا وحطينا روسنا وابد كلمت اهلي وبجي وتعبر وان شاء الله ترجعين ومكانج فاهي والله فاقدينكم ومن هالحجي اللي يعور اليووف

ولا فوق هذا ان ريلي مودي الكمبيوتر يسون له فورماتماادري شنو ويمسح الوندوز بكبره تخيلوا وكل شي مخزنه فيه من تقريبا سنتين يعني عمري كله ضاع واااااااااااي صكت فيني الدنيا ورجع االكمبيوتر وااي احسه مو مالي جنه يديد فاضي العاده يكون خشره وحوسه عندي بالفيفرت والفايلات الحين لوعه ويع

الحمد لله على كل حال


وهذا اخر اخباري

 

[xxx]

رد : ديوانيــة المنتــدى .. سوالف و وناسه .. حياكم الله

امبيه رورو ههههههههههههههههههههههههههه

ذكرتيني مره يعني طالعه فيها وبسوي خصل بروحي

واروح واشتري القبعه واخلي اختي تطلعلي اياهم

واحط عليهم صبغ 4 مرات وموراضي يصبغ

جان تقولي دموع الحلوة شرايج تشترين بودرة اكسجين

قتلها يالله واروح ونخلط البوده واحطها يوم اغسلها والا شصير

واااااااااااااااااي

انا المسيجينه انا

انا المظيليمه

وتخيلي كنت بالنفاس يعني بطلع طلعه مع ويهي

واروح الساعه 11 بليل اشتري صبغ بني غامج

واصبغه يالله قدرت انام

والله ذاك اليوم صرت نكته

 

[رفرف]

رد : ديوانيــة المنتــدى .. سوالف و وناسه .. حياكم الله

هههههه حوادثكم أليمة مع الصبغ ...
ذكرتوني مره نفيشو تبي تصبغ شعرها بني غامج خذت علبة وحدة وراحت اصبغته ابيت يدي كانو متيمعين عاد انا تاخرت شوية والا مكسرين علي التلفون وترجي وحب خشوم الله يخليج نبي علبة ثانية نفيشو صارت كاولية شعرها كل نص لون وخلص الصبغ ....

واروح مع بنت خالتي ونتفرفر بالجمعية اللي تبي ككاو واللي تبي مادري شنو ...
ماردينا الا واعصابها تاااااااااااااااالفة مره وحدة

بنوتة ماصورت صبوية هونت لما شفت شموخ ويها ...
بس كل المصورين يفتحون بالعيد هذا موسمهم

 

[roro]

رد : ديوانيــة المنتــدى .. سوالف و وناسه .. حياكم الله

اشوه بنت الكويت يعني مو بس انا مريت بهالوضع حاسه فيج صج تحسن انج مختبصه وما في شي يخفف عنج ههههههههه

ترى الليكتبته فوق كله بدليات ولا احرف ناقصه توني استوعب بس عاي اذا ما فهمتوا شي قولوا لي

رفرف شلونج وشخبارج اي اشوه يعني بعد نفيشه مرت بنفس الحاله ههههههههههههههه

 

[الشيف رقيقة]

رد : ديوانيــة المنتــدى .. سوالف و وناسه .. حياكم الله

السلام عليكم وعيدكم مبارك وأيامكم سعيدة إنشاءالله وكل عام وإنت بخير

أدري غطيت عنكم بس يلة سامحوني على القصور والواحد يالله يلقى فرصة يختلي وي ربه وخصوصا في العشر الاواخر، وهم لوية البيت وبنتي .. والله يعين الجميع ويتقبل طاعتنا آمين ..

كوين حبوبة ماقلتيلي على سالفة أختج الله يهداج والحمدلله على سلامتها ... ومبروك اللوك اليديد عاد ماأدري ضعفت ولا لا ؟؟ وحريتي اللي بتحرين ولا بعد ؟

تدرون صارلي والله من غير مبالغة من الساعة 12 الظهر لين الساعة 3 الظهر وآنا بس أقرى سوالفكم علشان مايطوفني شي من صفحة 96 لين 118 واي اطلعت روحي على ماوصلت ..

أول شي خطاكم السو يارفرف ونفيشة .. وألف الحمدلله على سلامة مرت أخوج وأجر وعافية إنشاءالله ...

جورية ماتشوف شر خالتج وإنشاءالله تطمنتوا عليها ... وعلى طاري مرت حماج خليها تولي ولاتحطيلها بال وصدقيني منها لله ..... الله مايطق بعصا والله يهديها بس

باجي البنات مشكورين على السؤال وهذا عشمي فيكم ...

خلا أقولكم شسويت بالعيد .. رحت أول شي بيت أمي عايدتها ولا أشوف هناك خواتي الثنتين وأخوي والحمدلله تيمعنا ووزعنا عيادي ورحنا بيت أهل ريلي ، وقعدنا هناك وتغدينا والحمدلله الكل يقولي لوكج إينن (حلوة لوكج ههههههههههه) ، وبنتي ماشاءاللله تهبل وي النفنوف ..

بعدها طلعنا المغرب رحنا بيت أختي وتيمعنا هناك كلنا ، والرياييل بالديوانية وتعشينا هناك ..

وبعدين اليوم الثاني كنت صايمة وبعد الفطور رحنا محل الالعاب شريت نطاطية كبيرة حق بنتي ووياها شوي ألعاب وبعدين رحنا بيت خال ريلي باليل عايدناهم وردينا متأخر وبس هذي كل الخبرية ةةةةةةة

 

[الشيف رقيقة]

رد : ديوانيــة المنتــدى .. سوالف و وناسه .. حياكم الله

بنات نسيت أقولكم تدرون إن السعودية إعتذرت أمس الظهر عن اليوم اللي فطرناه واللي أهو أول يوم العيد شفت شلون خربوا علينا ولازم نقضي هاليوم ...

 

[السفيرة عزيزة]

رد : ديوانيــة المنتــدى .. سوالف و وناسه .. حياكم الله

السلام عليكم كلكم


عيدكم كبارك


اشلونك
و اشلون العيد وياكم


كان ودي اشبك من اول يوم


بس للاشف كمبويري الله بالخير
حزة و حزة

ودي اكسرة


بس يلا

الحمد لله

المهم اشلون العيد

عسى استانستوا
وين رحتو

وين ييتيو

 

[xxx]

رد : ديوانيــة المنتــدى .. سوالف و وناسه .. حياكم الله

هلا الشيف رقيقه

عيدج مبارك وكل عام وانتي بخير

ترى سالفة ان السعوديه اعلنت ان صيامنا غلط

طلــــعت اشــــاعه

اليوم قريت بالجريده

 

[سمسميه]

رد : ديوانيــة المنتــدى .. سوالف و وناسه .. حياكم الله

س اس السلام عليكم
اشلونكم بنات...عهيدكم مبالرك ..وهذي بوسة الغيد لكم مني وحده وحده....
الصراحه العيد هالسنه يهبل (بعد قلبي رورو...حاسه بمعاناتج!!)
كل شي كان سنع تجهيزي لي ولبناتي كنا كشخه تمام!!!
والطلعات كانت حلوه والحمدلله
ولهت عليكم وان شالله انكمل سوالفنا مضبوط باجر بالدوام(اف
ما ادري ليش لازم نداوم!!!خو عطونا عطله هاليومين وخا يكملون احسانهم

 

[أنا وين ؟؟]

رد : ديوانيــة المنتــدى .. سوالف و وناسه .. حياكم الله

وااااااااااااي بنوته اشوا انها طلعت اشاعه عاد انا صمت من ثاني العيد عشان اخلص هالدين .... 25 يوووووووم يوم ينطح يوووم .... شيلمههههههههههن شيييييييلمهن

 

[رفرف]

رد : ديوانيــة المنتــدى .. سوالف و وناسه .. حياكم الله

اهئ اهئ اهئ تدرون شنو تذكرت ؟

من يوم السبت راح اداوم الصبح والعصر عندي دورة مدتها شهر عاد مادري من متى لي متى ؟؟

يعني متى اشوف بنتي ؟؟
خو ريلي غاسلة ايدي منه ...
بس وعليه بنتي تنام وتقعد وماما مو معاها ؟؟
تاكل بدون ما ماما تشجعها وتقولها يم يم يم مع كل لقمة ؟؟
تشرب حليب القواطي من عقب حليب امها ؟؟
هاذي حالة بالله ؟؟؟
خلاص انا بستقيل اذا السالفة جذي ...
صج صكت فيني الدنيا ...

 

[أنا وين ؟؟]

رد : ديوانيــة المنتــدى .. سوالف و وناسه .. حياكم الله

رفرف ... الله يعينج ... يامالج من تأنيب الضمير ... بس الوحده شتسوي هذي الحياة

 

[رفرف]

رد : ديوانيــة المنتــدى .. سوالف و وناسه .. حياكم الله

اي والله انا وين .. انا ماداومت وتأنيب الضمير لاحقني ...

مادري اييب بنتي معاي الدورة والا شسوي ...؟؟؟
والله قلبي معورني عليها ..
بس ادعي يارب ماتكون الدورة كل يوم ...

 

[أنا وين ؟؟]

رد : ديوانيــة المنتــدى .. سوالف و وناسه .. حياكم الله

هههههههه تخيلي تودينها وياج ...

انا كنت نفس حالتج ... تخيلي كان يمر علي يوم كاااااامل ما اشوف بنتي ايام ما كان ماعندي الا اهي ... كنت ارجع هلكانه وانام وعلى ما اقوم الا اهي نايمه

والحين انا صار لي سنتين وشويه قاعده بالبيت (( ربة بيت مؤقتا )) بس صج فرق .... خصوصا ان الحين عندي 3 يهال وشكلي قاعده افكر بجد اني ما ارجع اشتغل