ديوانيــة المنتــدى .. سوالف و وناسه .. حياكم الله

[أحلى الجياكر]

بنات ......
تونى كلمت جرح الليالى ...و الحمدلله ..حالتها مستقرة ..و قاعدين ينزلون الضغط ..و أمس حست بعوار خفيف و حطو لها مال النبض ...المهم ...
أنا بلغتها سلامكم ..و إهيا تسلم عليكم كلكم ..نفر نفر ..و تقول لكم ..إنكم الخوات إالى ما يابتهم أمها ..و تهديكم باقات من الورود ...

و رساله خاصة لنيو مم من جرح ...........

تقول لج جرح : إخذى راحتج عدل فى قط البدليات ..لا حسيب و لا رقيب

مراسلتكم من الصباح ....أحلى الجياكر

 

[أحلى الجياكر]

فلانه ...صبحج الله بالرضا و العافيه
ضحكتينى على الدعايه

والله أنا مثل حالتج ..بس مو من زود النوم ولا قلته ..إلا من الكآبه الله يكفينا الشر ..ملوعين جبدى الدوام ..مسؤوليات و عفسه و مو راضين يرقونى ..عيالة ال..هو هو هو ...(عشان ما يحذفونها المشرفات )

والله اليوم إالى يومين ..ما كلت الرقاق ....
جود اليوم ...

 

[&كلي مشاعر&]

تونى كلمت جرح الليالى ...و الحمدلله ..حالتها مستقرة ..و قاعدين ينزلون الضغط ..و أمس حست بعوار خفيف و حطو لها مال النبض ...المهم ...
أنا بلغتها سلامكم ..و إهيا تسلم عليكم كلكم ..نفر نفر ..و تقول لكم ..إنكم الخوات إالى ما يابتهم أمها ..و تهديكم باقات من الورود ...

ياااااااااااقلبييي ولله

توووني آدرري السموووحة

عساا هي الحييين مرتااحة؟؟

 

[أحلى الجياكر]

كلى مشاعر ..
الحمدلله ..إهيا ما تشكى من شى ..بس كانت مراجعه عاديه و لقو الضغط عالى ...إدعيلها بالسلامه بس

 

[New Mum]

أحلاهم لول لهيتي بالجريده وانا لهيت بتلوين هلكت و الوان مو راضيه تروح من ايدي
شخباركم ... خنقرا اللي طافني

 

[New Mum]

أحلاهم اتينا الوطن ....
لوووول يا حلوها قوليلها لا تحاتين بدون ما تقولين نيو مام ماخذه راحته
الله يهون عليها و يولدها بالسلامه
فلانه شلونج

 

[فوفو 2007]

السلام عليكم انا توني مشتركة يديده وحابة اسألكم عندي استقبال حجاج ابي بدلة كشخه وسعرها زين
وين اروح انا اليوم بروح مجمع زهرة اشرايكم

 

[New Mum]

فوفو حياج الله بينا و الله انا خبري عتيج بالسوقه .. بي جيكي عللى اس ستايل اييب اشياء حلوه بس مو رخيص

 

[فوفو 2007]

new mum مشكورة بس الاسم مو واضح ويالييت تقوليلي بأي مجمع

 

[New Mum]

اس ستايل في مجمع زهره

 

[New Mum]

حظاً موفقا فوفو

 

[أحلى الجياكر]

نيو مم ..تلونين شنو ؟؟ مع بنتج ..ولا إنتى رسامة من ورانا ؟؟؟
فوفو ..حياج الله بيننا...
شوفى لحظه من فضلك بالمهلب ....أكوا ...خوش شغلات عندهم ...بالتوفيق

 

[فوفو 2007]

تصدقين اختي قالتلي عن هذا المحل خلاص اليوم بروح وبقولج باجر اذا شريت منهم لان لازم اشتري الاستقبال يوم الحميس وماكو وقت كافي اني ما شريت بدله حق العيد عشمني ريلي بالسفر وبعدين ماليقت حجز وعيدت بشى بسيط حيل

 

[فوفو 2007]

مشكورة يا احلى الجياكر

 

[New Mum]

أين أنتم ؟

 

[New Mum]

ابيه اين انا مو اين انتم ...
توني اشوفكم شكاتبين ...
احلى شاريه حق بنتي من المركز العلمي زرافه و معاها الوان و قعدت الونها عمركم شفتو زرافه خضرا و زرقا ؟
اي لحظه من فضلك مسوين ديسكاونت دازيلي مسج .. عاد من زمان ما رحتلهم احتاج هدوم حق بنتي

 

[New Mum]

أصلي و ارد

 

[al7reyaa]

السلام عليكم ورحمة الله وبركاته

اشلونكم
واي ريلي بيسافر الليله وبطير انا واعيالي بنام في بيت اهلي وناااااااااسه
والريل مطنقر من اول امس لو بيدي كلاشنكوف جان فجرت فيه
وحالتي النفسيه بسوي ريجيم وما لي خلق عمري ولاعت جبدي من استقبالات الحجاج وكل يوم مبدله ومتمكيجه


جرح
الله يهون عليج

 

[LaSt WoMeN]

أحلاهم اسم الله عليج من الكآبة < علشان تصدقين انني حدي دايخة خخخ
قولي لهم عمتكم فلانة تقول رقووني و الا بتعلمكم شلووون .. و شوفي شلون راح يرجفون ..



سلمي لي على جرووحة واايد اسم الله عليها ما تشووف شر .. والله ضاق خلقي عليها !
ما ولدت لي الحين ؟



نيوموم .. هلا عمري انا بخير .. الله يسلمج ..


شلوونج فوفو ..حياج الله ..



وااااي صايرة مينونة كاكاو .. مو الحجية بتشرف ..
ما ينفع معاي الا سنيكرز​

 

[&كلي مشاعر&]

سلااام