ديوانيــة المنتــدى .. سوالف و وناسه .. حياكم الله

[أم بدير]

احلاهم حبيبتي من قال فوق الثلاثين؟
ليش الغلط؟
انا وحده عمري خمسه وعشرين
لاتتبلين علي
اذا انتي عديني الثلاثين كيفج انا لأ

وبعدين ام منيره لاترقعين شباب القلب ماشباب القلب
مابي شباب القلب انا
ابي شباب العمر​

 

[ام منيره]

اي عاد زوجي يمدحها يقول فنادقها راقيه وحلوه بغينا نروحلها بالصيف بس رحنا ..اورلاندو عشان اليهال

 

[أحلى الجياكر]

أم بدير يمدت من البرد ..خنت حيلى ...باجر تلقونا مثل فلم أيس ايج متيمدين فى قوالب ثلج على حطتنا ...يالله على شهر 3 مثل ما قال العجيرى ..يفج الثلج عنا

 

[ام منيره]

ام بديير ..الله الله بالرجيم والتكشخ والصبغات ..وتصيرين شباب العمر

 

[عاشقة روحها]

لوووووووووول...
ترى بدخل معاكم عرض لووووول...​

 

[أم بدير]

ياربي عالرجيييييييييييم
اذا الشباب بالرجيم خلاص مابيه زين

احلى شي بالدنيا الأكل
ومن بعده الأكل
وبعدهم ايي الأكل​

 

[ام منيره]

حيييييييييييييييييييييييييياااااااااااااج يالغاليه اشتقنالج عاشقه

 

[أحلى الجياكر]

أم بدير دبت فيها الروح دقيتها لكم سلف ..
أم منيلرة ..إهى بس فنادق !!! المعامله الحلوة ..تصدقين ..يوم وصلنا لهم و نبى الغرفة طلع فى غلطة من جانبهم ..ما جهزوها لنا ..المهم ..زوجى قال الكلمه السحريه "إحنا هنى مونرز " .. و بس .
سو لنا أب جريد من عندهم ..و الورد و الفواكه ..و سألو تبون ذاك ( المشروب " قلنا لآ " بس لو أكو شربة بيذان يمشى الحال ..ما أنسى هالتعليق أبدن ..و الدار تينن ..نظام ليفل و فيو على حمام السباحه ..و شى عدل ..الله

 

[ام منيره]

احلاهم والله صاجه معاملتهم حلوه ..

ام بدير وينج شكلج قاعده تبلعين ياراعيه الاكل

عاشقه حياج..عاد اللي بيجي حياه الله عيجزت وانا اكتب ماالحق

 

[ام منيره]

مسك اظهر وبان عليك الامان

 

[ام منيره]

سكبتولي

 

[أحلى الجياكر]

بنات ..أنا أستأزز الحين ...
تصبحون على خير جميعن

 

[مسك 3]

السلام عليكم
واذا ما رديت عادي أكون نسيت اسوي ريفريش من اللويه
مشكوره يا قلبي يا أحلاهم على النصايح الذهبيه هذي تركيبه أملاح وجذيه من ميلوبا حق حالات الاستفراغ تكرمون
مرمر الله يسلمج يا قلبي ما لي نصيب أسولف معاج جم يوم أشبك تكونين توج طالعه شلونج وايد ولهت عليج
أحلاهم انا ولهانه عليج من بيتنا لي بيتكم مشي شفيج وكنت ناويه بمخطط ارهابي حق باجر بس هالرياح حاطه دوبها دوب سفني
أم بدير مازلت أفنكر
ام منيره حياج الله شلونج
بالنسبه للبحرين يقولون البنات منزلين التجار اعلان بالجرايد ان ما في ستوكات دفايات ولحد ايي يسأل بردهم مو برد وفي كلام ان هلأسبوع توصل 4 و5 في البحرين ،يعني بالكويت بتوصل تحت الصفر
ولا تتكلمون عن الجو توني شايفه فيلم عن هالموضوع ومرعوبه من هالسالفه وأمس سامعه سالفه بنفس الموضوع فمن هذا المنطلق البارد يمكن ترد الجزيره العربيه واحة خضراء كما كانت تسير بها الأنهار ويعيش فيها الأسود والنمور الصجيه مو البشريه ............
تعبت وأكمل بعدين

 

[أم بدير]

انا هنا
ياربي احاتي امتحان الرياضيات

ومجابله دعلتي... (موتحسبونه ريلي قطيعه)
جعدتي
صاك راسي بسيارة لاسلكي يلعب فيها بغرفتي
خلصت الأماكن​

 

[مسك 3]

وي ما لحقت على أحلاهم
نوم العوافي يا عسل

 

[ام منيره]

والله انشالله يامسك

 

[ام منيره]

ام بدير الله يعينج بس بعد خليه ينام كافي دراسه ماراح يستوعب

 

[أم بدير]

مسك حبيبتي انتي الحين بالبحرين والا بالكويت؟
وبعدين وين الرجيم اللي قلتيلي بتعطيني اياه؟؟
احلاهم راحت تنام
في احد ينام هالحزه غير العيايز؟
وتقولي لاتتكلمين عن العمر وطقت جبدي
اي لاتنامين مبجر ومحد بيقولج عيوز​

 

[مسك 3]

أم منيره يديده معانا والا قديمه متنكره ؟

 

[أم بدير]

ام بدير الله يعينج بس بعد خليه ينام كافي دراسه ماراح يستوعب

لا لا هذا ماعنده دراسه
بس مجابلني ويسألني اسئله سخيفه

الامتحان امتحان بنتي العوده
ماكو نوم لين تخلص حل الأسئله​