ديوانيــة المنتــدى .. سوالف و وناسه .. حياكم الله

[LaSt WoMeN]

اوكي .. بالعافية يا الحرية .. و سمي قبل لا تاكلين

 

[أحلى الجياكر]

الحريه ...بالعافيه ..لفيلى شويه بقصدير
افا عليج يالله ..متى ؟؟ س م س

فلانه ...شلونج ويا النوم عاديتينى والله ..اليوم شالعه روحى شلاع من الفراش

 

[مسك 3]

صباح الخير
شلونكم
شرايكم باللي بيعطينا فاينل يوم الثلاثا بشي مو شارحه هذا مو مال عمليه انتحاريه لا وأمس وصلني الخبر يعني حتى القسم مو مطرشين ايميل يبلغونا
قاعده من النوم بشري ودي أسوي انقلاب عليهم على آخر يوم وأطلع شري على أفاهم

 

[LaSt WoMeN]

وييييي يا أحلاهم ..

النوووووم وين النووم .. يا شمٌَه .. لوووول ..

امس رايحة عرس .. الله لا يوريكم .. @@

انا فجيت حلجي من هول ما رأيت !!!!!

اهل العروس يايبن فرقة مصرية .. و الظاهر وايد من رياييلهم ماخذين مصريات .. و يايبين رفيجاتهم من مصر قاموا و ربطوا الشسمه و قعدوا يترقصون جدام العروس و المعرس @@

المعرس معصب حده ! و الله لاعت جبدي شنو هذا !!!!!

فعلى ما رديت .. و جابلت روحي بالمنظرة لازم نص ساعة اذا مو أكثر بطلع قيمة التسريحة ههههه و متحسفة على الميك أب .. و شاربة قهوة ما نمت الا على ال 3 الفير ..

فتخيلي المأساة لما قعدت من نومي :/ حاطة لي أربع ساعات ألارم

 

[مسك 3]

فلانا ، أحلى الجياكر ،الحريا صباح الورد
ودي أروح كافيه وأدرس يصير لعل وعسى أستوعب شي

 

[أحلى الجياكر]

للللللللللللللللللللللللللللللللووووووو لللللللللللللللللللل فلانه أحلى شى : مجابله المنظرة بطلع قيمه التسريحه
أنا مرة من كثر ما كنت متحسفه أفل شعرى عقب عرس ...قعدت ريلى من عز النوم و قلت له : قووم قوووووم صورنى ..


مسك : الله يكون بالعون والله ما عندج تلفونه هالحول ؟؟كلميه ..شوفى شسالفته ...ما سوت عليكم هالهارفرد إالى درس فيها

 

[أحلى الجياكر]

مسك ..أدليج مكان يهبل ؟؟ستاربكس البدع ...عجيييييييييييييييييييييييييييييييييب بس أخاف بعيد عليج !! لأن إالى يمج بنات الجامعه داشين و طالعين ما تاخذين راحتج ...

 

[مسك 3]

لا هذا مو مال هارفرد الثاني وما يرد على التلفونات وشكلي بدرس وببرشم (ما سويتها بالثانويه تصير بالماستر استغفر الله) وبصراحه برقبته 100 صفحه في يومين ليش مثلا مسك نيوتن_ والا مسك مندل مسك 3 يبيلها اسبوع يالله تستوعب.ومسكين راعي هارفرد طلع أحسن 100 مره على الأقل طرش الامتحان من الاسبوع اللي فات وقال حلوه وآخر موعد 2-2

 

[LaSt WoMeN]

مسووكة هلااا عمري .. عندج امتحان يا حبة عيني .. يا عسى ربي يوفقج و يسهل عليج امرج ..


ما يحضرني كافيه هادي الحين .. للأسف

 

[مسك 3]

شكلي بدرس بكافيه صالتنا على هالجو ما أظن في كافيه هادي

 

[LaSt WoMeN]

وااااو الجو بره عجيــــــب

so romantic

مطرررر ايننن ..

 

[LaSt WoMeN]

مسك زين تسوين .. انسدحي بالصالة و ركزي عدل ..

و انتي قدها و قدود لا تقولين هالحجي السلبي حق روحج ..

تقدرين تخلصينه بيوم واحد بعد مو بيومين

 

[أحلى الجياكر]

رقى ...تونى أقرا سلامج شلونج حبوبة و شلون إيجبت

مسك ...روحى حديقه كيفان ..الخادمه مع الجميل و إنتى بزاويه مع مطارة شاى شغل الزلمات ..
والله لو ما عندى دوام جان سويت جذيه

 

[LaSt WoMeN]

مسك ما عليج من أحلاهم تبي تغرقج بالمطر هههه

قضبي صالتج .. علشان لما ت خلصين تردين لنا تشمين هوا و نشجعج على مواصلة الدراسة بعد اشتبين ؟

 

[أحلى الجياكر]

فلانه شدعوا يحافظ !! طلعت أنا الشينه شكرن جزيرن
خلاص ..مانى متكلمه ولا نقطة ...........

 

[مسك 3]

مطر حلب أحلاهم والا ودي بالهياته على هالجو الحلو
شكلي عن خاطري بروح الفرع وأرد عشان أشحن نفسي حق الدراسه
فلانا: الماده حلوه بس يبيلها تركيز مده 7 ساعات بالضبط بس وين وانا ويا حبا أفكاري اللي كل شوي منقطع

 

[LaSt WoMeN]

احلاهم .. يعني اتحرش بمنو ؟ ماكو أحد أطفره إلا انتي !

اشدعوه عاد و لا نقطة ! عفية عفية حطي لي نقطة بس .. أبييييييي نقطة


مسووكة ..

يا امي درسي 3 ساعات و نص ... ريحي و كملي الباجي ..
اقري المعوذات و خلج على وضو .. و السهالات من رب العالمين :eh_s(15): ماني خابرتج جذي تحطين عوائق
قلت لج انتي قدها و قدود و انا متأكدة من هالشي :eh_s(8):
​

 

[الجورية الحمراء]

ماشالللة ديوانيتكم عمراااانة

مبارك عليكم هالمطر

طريتوا على وانا بمنزلى ارتب واشتغل والشغل مايخلص

قلت اطل عليكم

ولهلت عليكم كلللللللللللللللللللللللللكم

اذا تفرغت اقرا ما طافنى

يلا كملوا
سوورى على المقاطعة

 

[أحلى الجياكر]

فلانه ...و بس !!!!! ماكو طوفه هبيطة إلا أنا !!!!!
إنزين إنزين ..بس ..لا تترجينى وايد بحط لج نقيطة ..مو نقطة (الله يالحزرة )

ما صارت مسك !! دراسة ولا ختمه إهى ؟؟؟ توضى و لبسى ثوب صلات و المعوذات و جزء عم !!!!
ماستر فقه مقارن ؟؟؟

 

[أحلى الجياكر]

هلا هلا الجوريه ..حياج بينا
عادى ..قلطى ..خل فلانه تلقالها أحد غيرى تناشبه