ديوانيــة المنتــدى .. سوالف و وناسه .. حياكم الله

[أم بدير]

هلا والله مسك
شلونج اخيتي شخبارج

ياربي ضايق خلقي
ماكو ماي عندنا ولايعه جبدي من تبوبة الماي والاباريج والطرق التقليديه​

 

[مسك 3]

وي ليش؟؟؟؟؟

ام بدير عاد برد الله يعينكم

 

[أم بدير]

والله اليوم مو برد.. عاد هالحجي من الصبح يوم طلعت الحين مادري
واشوه اني متسبحه الصبح وانشالله يصلحون مضخة الماي اليوم قبل باجر الصبح
والا جان انتحر
المشكله باليهال مايعرفون يستخدمون الاباريج والبطول
ما احب هالسوالف​

 

[مسك 3]

مأساة عاد والماي وتطشر
الله يعينج والا كل شوي منادين من الحمام
وأشوا ان باجر بيصلحونها بس عاد الصبح نظام دلق سهيل الله يعينج حبيبتي

 

[أم بدير]

يعين الجميع امين

صج تذكرت
انا بحش شوي
مره قريت موضوع عن وحده عندها خدامه للتنازل
كاتبه عن الخدامه انها روعه
نظيفه
وسنعه
وماعليها قصور
كتبتلها ليش عيل بتردينها؟
ردت علي بالخاص ان شقتها صغيره كلش وماكو مكان حق خدامه واهي مو قادره تاخذ راحتها مع ريلها بالشقه وانها ماكانت مفكره بهالشي قبل لاتييبها بس لما يابتها توهقت وحتى الخدامه متضايقه من المكان لين ان ماعندها لا غرفه ولا كبت حقها
المهم انا كنت ابي الخدامه حق اختي
سألت اختي وقالتلي اوكي خل ادق عليها واجرب
طبعا هالحجي قبل السفر
بعد مارديت من السفر دزيتلها عالخاص اختي ليلحين الخدامه موجوده؟
قالتلي اي موجوده
بس ما اقدر اتنازل عنها الحين نطري علي جم يوم لين توصل خدامتي اليديده:eh_s(10):

انتي لاحظتي الرد؟؟​

 

[mrs_sugar]

انزين وين بتحط الخدامة اليديدة ؟؟؟؟؟ مو تقول ما عندها مكان

 

[مسك 3]

لوووووول من النوع اللي طاش ما طاش هههههه
أمبييه وانا بعد أحش وياج

 

[mrs_sugar]

ما سألتوها وين بتحط الخدامة اليديدة ؟؟

 

[مسك 3]

ذكرتني وبوحده من صديقاتي بالمتوسطه (من كبر الجذبه مو قادره انساها)
تقول انا كل الكتب والمجلات اللي عن بروك شيلدز عندي وانا حزتها كانت أجمل وحده عندي بروووك هه
فقلت لها اقري لي شويه من المجلات
جان تقول وايد أشياء أهم شي قالت وكانت بروك تخيط "نفانيفها" عند أشهر "الخياطين"
مثلا بروك شيلدز تخيط عند فياصل قصدها
امبييييه اهيا قالت نفانيفها وانا هسترت من الضحك قلت لها المجله من وين شاريتها ههههههههه من أمريكا

 

[مسك 3]

والله ما أدري مس شوقر هههه
أو يمكن بتوديها عند أمها بس ليش تطلب يديده

 

[mrs_sugar]

فيه ناس من كثر ما يندمجون بالجذب ينسون اول السالفة بعد خخخخخخخخ

 

[مسك 3]

هههههههههه بالضبط

 

[mrs_sugar]

اقول وين البنات الظاهر ماكو الا انا و مسك

 

[مسك 3]

بالضبط ماكو أحد هالحزه

 

[mrs_sugar]

انا بالدوام طاقة جبدي

 

[مسك 3]

؟؟؟؟ دوام @@

 

[mrs_sugar]

ايييييييييييييي دوام اسم الله عليج

خفارة عندي بالمستشفى

بس الحين وقت راحتي في غيري مغطين الحين

 

[مسك 3]

الله يعينج عاد صج هالحزه تخرع بالمستشفى وكله حالات والا انتي مو صوب الطوارئ؟؟
بدت أسئله المتوهق

 

[mrs_sugar]

لا انا مو صوبهم
الحمد لله

 

[مسك 3]

آها
بس حلو لما وقت الدوام مو روتيني أحسه ولو انه يقيد لكن يعطي مجال للتغيير