ديوانيــة المنتــدى .. سوالف و وناسه .. حياكم الله

[سارةوعد]

والله يالحلا ماأعرف النوم نفسج
بس اليوم غفيت ساعه أول مره أسويها
وتغديت خوش غدا
تعرفين إنتوا مانعين الأكل في الديوانيه
عموما شخباركم؟
شنو موضوعكم؟
شتبون تتكلمون عنه؟

 

[أحلى الجياكر]

سارا ..بالعافيه خيتو ...
عادى ..طرحى موضوع و أنا أرد عليج

 

[سارةوعد]

:eh_s(15): غطيتي
ونطرت ونطرت ومارديتي؟
الصبح وينج؟

 

[أحلى الجياكر]

ولدى متسلط على يا جماعه مو مخلينى أجابل الشاشة ....
أستأزز قبل لا أفقد اعصابى

 

[PINK CHEEKS]

ممكن طلب من الجميييع.. ​

 

[أحلى الجياكر]

سارا ...أنا !!!
يمكن وقت الصلاة و لا إنشغلت شوي ...
ترى عادى ...النك يظل معلق بالصفحه و إلوحدة مو بالمنتدى

 

[أحلى الجياكر]

كوول جيرل ..هلا فيج شلونج ..

 

[سارةوعد]

ضايق خلقي وصايره ماأحب أطلع ونفسيتي تعبانه
وكارهه الدنيا
مادري ليش؟
عموما
إنتي وين تطلعين؟؟

 

[أحلى الجياكر]

أمرى ..بس بسرعه ..ولدى عفر فينى

 

[أحلى الجياكر]

سارا ..إسم الله عليج
شوفى ..لى صكت فينى الدنيا عدل ..و حبيت أستانس ..أشد الرحال للسوق الشعبى ...المعلم -دريم مول - إالى يصير ..و أقعد أشترى الأكو و الماكو لين ترتاح نفسيتى

 

[أحلى الجياكر]

بس قبلها يا حبيبتى ..تكونين مصليه و ذاكرة ربج ...و شوفى شنو سبة هالغلقة ...

 

[سارةوعد]

:eh_s(14): وأنا يحن على راسي
ماما أبي فلوس
أبي السايق يوديني الجمعيه يبي أشرطة بلايستيشن
راتبي كله على هالأشرطه لاعت جبدي
والله بصراحه مشكله أدمنة عليها ولدي والله مادري شالحل وإذا شلتها حنه ورنه

 

[أحلى الجياكر]

ترى الجو بره روعه ...روحى إمشى بو نص ساعه ..صدقينى بتتعدل النفسية
لا يغرج الضحك و الغشمرة هذى كل من فيه علة ترى

 

[سارةوعد]

تصدقين يالحلا
الظاهر لازم أروح حق بازار حق الهنود يونس
والله ضايقه فيني الدنيا وبس

 

[سارةوعد]

قبل لاكلا دوجه وما أحب أقعد في البيت
ونجره مع الوالده
وألحين بس قاعده
وأنام الساعه 8 وأقعد الساعه 6بالدوام و7,5بالخميس والجمعه عاد صخه البيت وضيقة خلق ونطريهم عاد متى يقومون؟
الوحده ضيقت خلقي
والدوام ومشاكله وصرت ماأثق بأي أحد
صج الطيبه الزايده ماتنفع ياوخيتي
أنا لاوعت جبدج بمشاكلي

 

[PINK CHEEKS]

كل وحده تقول حق الثانيه شيء . تكتب الى منو السالفه (لان عقلي وقف عن العمل )

 

[سارةوعد]

شنو تقصدين؟
كل وحده تقول سالفه ماني فاهمه؟

 

[PINK CHEEKS]

يعني انا كل ماأدخل اتلخبط ..(يعني مثلا اني تقولين حق احلى الجياكر تكتبين الى احلى الجياكر .. واذا حق الجميع تكتبين حق الجميع . عشان انا تخربت .. )

 

[PINK CHEEKS]

باركووووووووووووووووولي صرت فضية .. .واااو وناسه ..

 

[سارةوعد]

وينكم؟
طق طق
أكيد يالحلا تعابلين في ولدج؟
كول جيرل سولفي
وينج؟؟