ديوانيــة المنتــدى .. سوالف و وناسه .. حياكم الله

[أم بدير]

جرح الله يسامحج
انا شمسويتلج
عاد توني مبلشه رجيم
وصراحه اقولها لج بالويه
معابيجج مادري شتحطين فيها
مادري تسوين عمل
سحر
الله اعلم
بس ان بلشنا ناكل مانوقف
قمت اكله مع خبز وجبن جرح حرام عليج
:eh_s(11):​

 

[mrmr mrmora]

حياج الله مبروكه

أم بدير أهم كله ماياكلون ويجذبون
إللي يسمعهم يقول قافلين الثلاجات ومعلقين المفتاح برقبتنا
مو جنه المطبخ عندهم

الظاهر فيها هوم سيك وبعد لي الحين صغيره ياهل

 

[رقي]

ام بدور شسمج

ترا الخدم سبايبهم
مايوكلونه
مايعطونه معاشاتنا
الشباب يتحرشون فينه

 

[أم بدير]

حياج الله مبروكه

أم بدير أهم كله ماياكلون ويجذبون
إللي يسمعهم يقول قافلين الثلاجات ومعلقين المفتاح برقبتنا
مو جنه المطبخ عندهم

الظاهر فيها هوم سيك وبعد لي الحين صغيره ياهل

اي اهي من ناحية ياهل حدها ياهل
حتى مخها اصغر من ستعش سنه
مره اخوي عطاها عشر دنانير فوق المعاش عشان تشتغل زين
مسكينه قام تطامر من الفرحه ويتني ركض تقولي تين دينار تين دينار فور مي.. مي قود مي تين دينار.. والا تشيل الصينيه وتطيحها من ايدها وتكسر كل المواعين اللي فيها ووقفت مو قادره تسكر حلجها من الابتسامه تقولي تين دينار.. قلتلها التين دينار باخذها منج الحين اذا بتكسرين مواعينا
طلعت تييب مخمه والا تتكرفس عالدري اختي تقولها الله الله الله شفيج... تقول حق اختي هابي هابي (happy) خخخخخخخخخخخخخخخ​

 

[أم بدير]

ام بدور شسمج

ترا الخدم سبايبهم
مايوكلونه
مايعطونه معاشاتنا
الشباب يتحرشون فينه

جان زين على جذي بس
مره يبت خدامه فلبينيه واهي تكوي الهدوم افترت شوي والا تحرق ذراعها بالاوتي الهبله
رحت ركض وديتها الطبيب ويومين اقولها مو تشيلين شي ثقيل اذا تعورج ايدج
وعقب مده يوم لاعت جبدي منها العوبه ماتبي تشتغل رديتها المكتب عقب ثلاث اشهر او اربع من الحرق
قالولها المكتب ليش رادينج؟؟ جان توريهم الحرق تقولهم ماما حراقتني حرق الله راسها

دق علي راعي المكتب يقولي حرام عليج وهذول اوادم والله يحاسبكم عليهم و عطاني محاظره شطولها
وانا حتى صراخ ما اصارخ عليهم ولا عمري مديت ايدي اصلا ما اعرف
صرت حارقتها الصخله​

 

[رقي]

احنا بيت ابوي يابو مره فليبينيه مرجعه
قالو لها ليش رجعوج قالت مايعطوني معاش
وقعدت بيت ابوي 4 سنين عقب راحت بيت ناس
ماتبي تسافر كلش
عقب مده دف ريال يقول حرام عليكم تاكلون فلوس الخدم
ليش ماتعطونها معاشها
اللي اتسوي في الناس سوته فينه

 

[mrmr mrmora]

إي كلهم يقولون نفس الأسباب

أكيد مهم قاليلين إنه الغلط منه

 

[أم بدير]

اي انزين لايقولون الغلط منهم.. بس مو يتبلون عالناس عمة عينهم

انا الحمدالله طحت على مكتب عقب ماتعبت ادور خدامه عقب النيباليه الوصخه
ويأست خلاص كل المسترجعات نفسهم عفنه ومايبون يشتغلون
لين قلت هذا اخر مكتب وخلاص بعد مافي مجال افتر
دشيته قلتلهم عندكم مسترجعه قالولي اي فلبينيه مسلمه
قللهم ليش رادينها قالوا مايدرون بس شكل المعزبه خايفه عالريل من الفلبينيه فردتها
توني بقولهم اوكي لأني مأيسه خلاص والا الهندي اللي داش معاه فلبينيه شايله جنطتها وقال كاهي توها واصله
قاله راعي المكتب خلاص ودها فوق
قلله مسترجعه؟
قالي لا توها واصله من الفلبين على كفالة المكتب وبدورلها بيت
قلتلها وليش ماقلت في وحده يديده يايه؟
قالي انتي قلتي تبين مسترجعه وهي يديده
قلتله احسن بعد
طلعت مشتغله سنتين بالامارات
واربع سنين بالسعوديه
واول مره تيي الكويت
ليلحين زينه الحمدالله ومايندرى عنها بعدين​

 

[رقي]

شخبارج مرامر مع الثقل

انا توفيت اليوم
قمت من النوم ارجع
الغدا بلعومي تشقق

 

[mrmr mrmora]

زين الحمد الله يا أم بدير

والله بديت أثقل يارقى

وقمت أتقلب بالمشي

وأنتي؟

 

[أم بدير]

وي ماتشوفين شر رقي
شنو نساة اثر رجعي؟​

 

[رقي]

ان شالله ما تخترب وتم نفس ماهيا والله يسخرها لج
بلاوي والله ام بدور
الله يستر علينه منهم

انا لما سافرت سفرت فلبينيه معاي
عاد كانت طالعه مع اليهال
نبشت في بوكها لقيت صورة ريلي وصورة حماي
ليش ماخذتهم مادري
وخفت تشك فيني رديتهم مكانهم
عاد تحسفت اني ماخذيتهم

 

[mrmr mrmora]

بسم الله عليج
سلامااات
شمنه؟

 

[رقي]

مادري والله مرمر
قعدت ريلي من النوم مخترع ابي ونتي بكرامه زياله
لاارجع بالفراش

 

[mrmr mrmora]

لا سلامتج وماتشوفين شر إن شاء الله

وين فراوله اليوم؟ مابينت

 

[أم بدير]

شكلج مخربطه بالاكل رقي
ديري بالج
شوفي انا مادري اذا انتوا نفسي والا لأ
انا اذا شربت ماي عالريج ارجع
اذا شربت ماي ونمت على طول اقوم من لنوم هم ارجع
اذا شربت شاي عالريج او مو بعد وجبه دسمه ارجع
التفاحه اذا بطني فاضي ارجعها
استغفر الله جسمي يبيله دفتر تعليمات معاه​

 

[mrmr mrmora]

يعني جسمج مايتحمل السوائل على معده خاليه
ولايهضم التفاحه
غريبه

 

[mrmr mrmora]

مواعده عيالي بوديهم السينما

والحين ظهري يعورني طاقني عرج ماأقدر أمشي

 

[أم بدير]

لا عصير برتقال عادي
اي نوع عصير مو مشكله عم عادي عالريج
بس عصير تفاح لا على طول بعد خمس دقايق بالكثير تلقيني ركض الحمام وانتي بكرامه ارجع

والشي نفس الطريقه اذا عالريج او اذا صارلي مده مو ماكله.. يعني قبل الغدا ما اقدر اذا كنت موماكله شي من بعد الريوق عرفتي شلون

والماي نفس الشاي بالضبط
الحمدالله اني ما احب الماي يعني ماعندي مشكله معاه خخخخخخخ​

 

[أم بدير]

وي ماتشوفين شر مرمر
لحين الله يعينج على حنتهم عاد
انتي وعدتينا وانتي قلتيلنا​