ديوانيــة المنتــدى .. سوالف و وناسه .. حياكم الله

[فراولة^فوشيا]

الله يهون علييج يارب ويسهل ولادتج

والله كفرات دبنهامز حلوه

شوفي زارا هوم اذا تبين شي بسيط او روحي الأفينيوز فاتحين محلات حق البيت وايد والله

او الغانم فوق

انتي تولدين قبل مرموره والا اهيه قبل ؟؟

شخبارها من زمان ما بينت

 

[رقي]

المفروض مرمورا قبلي
والله يسهل
الافنيوز رحت له بس دخلت ددبنهامز
امدحولي كفرات مونسون بس مادري وين مكانهم

 

[زيـنـه]

تعرفون البيات الشتوي .. انا صاير فيني بيات رمضاني .. كله بالبيت و لاني صوب الطلعه .. ما ادري ليش ؟!

 

[رقي]

اتصدقون انا ماعمري تفطرت بره ولا افكر
امس رفيجتي تسولف علي
انها كل ويك اند يتفطرون بره
ريلي تييله دعوات من فنادق ومطاعم
علي اساس الفطور بره
اقوله روح مع ربعك
او وزعهم
استثقل اروح صايمه ابي اصلي
ابي انيطل

 

[زيـنـه]

رقي .. انا بيت اهلي و بيت الحموله .. و اذا بيت الحموله ما ياذن العشا الا و احنا قابين .. الوحده عقب الفطور تبي التسدح و التبطح .

استغرب من حال الي يتفطرون في المطاعم ..صعبه صعبه !

 

[فراولة^فوشيا]

مونسون بالأفينيوز فوق صوب ماكي واشاز اتوقع بس مادري اذا فيه كفرات

الله يسهل عليكم جميعاااا

زيووونه الحال من بعضه والله انا ماحب الطلعه في رمضان طول عمري جذيه
والحين الله يعين على لوية العيد

شريت لي بلوزه كشخه من ساكس افينيو قلت بخليها حق العيد بس الحين تعالي كمليها شيله ومادري شنو مااااااااااااااااااااااااااااالي خللللللللللللللللللللق !!!

 

[فراولة^فوشيا]

انا استغرب من اللي يتفطرون بره والله شلون يعبرووون ماشالله عليهم

ماقط مره جربنا ولا نبي نجرب لوووول

حتى بيوت ولا مره زرنا احد وتفطرنا عندهم
الزواره كله تصير في بيتنا

 

[Dancing^Queen]

زينه
شحجيلج شوصف شوصف
لو تستنسخون مني عشر مايكفي

 

[زيـنـه]

فراوله باجر الله يسهل عليج و تتزوجين و تجرين الفطور عند الحموله
و على التكملة للعيد عندي وياج خير .. عندي شغله بس ما ادري شنو يركب عليها ..بفكر و اشوف .

 

[زيـنـه]

ليش يا كوين ليش ؟؟

انا باي باي بأه ..

دق الجرسو .. دق الجرسو .. اسماعوووه

يلا نشوفكم على خير

 

[مسك 3]

السلام عليكم

 

[مسك 3]

بنات شلوووووووووووووووووووووونكم ولهانه عليكم بس هانت فات الكثير كا بقى الا القليل
ونصيحه أخويه أي وحده تبي تكمل دراستها خل تروح أي مكان ما يتكلمون عربي كل ما اختلفت اللغه كل ما سهلت مهمة الدراسه لا تغلطون غلطتي
<<<محبطه حدي وأكلمكم من المطار وببجي

 

[مسك 3]

لويه المدارس +لويه رمضان+لويه القرقيعان +لويه شنو الفطور اليوم +خدامه تستغبي وتضحك +تلفونات وينج ما ييتينا هالسنه +وصلنا نص الشهر + بقى أغراض العيد ^2 "يعني أوس أثنين"
=مسك 3 لايف ستايل الشهر اللي طاف

 

[مسك 3]

هههههههه بس في شي واحد زين حاليا لابسه دبلتي ماشاء الله خبري فيها من شهور ومالي خلقها
وحاسه اني أسولف بريحاتي بس ما عليه مشتهيه أسولف
والا
بغني
بصراحه
بقرقع

قرقيعان وقرقيعان بيت قصير ورمضان
عادت عليكم صيام
كل سنه وكل عام
الله يخلي "كوكو"
يالله خلها لأمها
يالله خلي "احلاهم يالله خليها لأمها
وزينه ونيومام واللهو الخفي اللي مو مبين اسمها

وبعد
سلم ولدهم يالله خله لأمه يالله
سلم ولدهم يالله خله لأمه يالله

 

[مسك 3]

وبعد شنو
صبغت شعري بني جوكوليت كالعادة في هذا الشهر الفضيل لأن مالي خلق أصبغه أشقرين والا أحمرين

 

[مسك 3]

عساكم تعودونه كل سنه وتصومونه
عساكم تعودونه كل سنه وتصومونه


مع السلامه بنات :eh_s(17):

 

[فراولة^فوشيا]

هاااا مسكوووه وين رايحه

انتي وين في الحيين ؟؟

 

[Dancing^Queen]

هلوات مسك
انا صبغت شعري بهالشهر الفضيل احمر هايلايت البيس وردي غامج
بس لايروح ظنكم بعيد صار لونه بني محمر بعنابي

صرت كاوليه ماطبت الثلاثين
افا عليكي بس افا وايد افا
شق شقوققن ماتخيط
وعندي ميزانيه الله خير ماسلمتها
والبحرين مراسليني يقولون وين الناس وين الملعومات شصار عليكم وانا مسويه اص جب جب لاحد يتكلم اوعا القمبري يعضك
قرقيعاني ماخلص حتا نصه والاعداد بازدياااااااااااااااااااااد بطق من الطابق العاشر
اغراض البيت ماتخلص
خداماتي كل يوم وحده تبجي كل يوم وحده تسوي مسلسل بدال قناه سكوب اللي ماتطلع
عيالي ينوني الله يحرسهم
الابله تقولي بتتج ماتعرف الاعدااد عدل تشير ياربي بالروضه ماتقدر تعد تنازي تصاعدي
وقعدت ادرسهم جان ايني صداع نصفي
شلون يقولون جمله كامله فيها فيرب وادجكتف وحروف الوصل كاااااااااااااامله واهم بالروضه
احنا نطقنا بالثانويييييييييييي
تعبت
يبلهم مجابل
وقرقيعان
عزايم
ريلي يتدلع
خدمي بيتنتحرون ويتدلعون جنهم جنه الولد العود تتنسا
وفي شويه جراقيات قاعده تشب علي كتر
شسوي بعمري

 

[mrmr mrmora]

الله يعينكم يابنات عورتو قلبي

فراوله ماتشوفين شر إن شاء الله

رقي الله يخفف الطلق وإن شاء الله ماتولدين إله بموعدج

أنا موعد عمليتي 17 -10

باقيلي 24 يوم على حسبه سليمان ولدي

 

[رقي]

واااااااااااو
الدوانيه متروسه ماشالله