رد : ديوانيــة المنتــدى .. سوالف و وناسه .. حياكم الله
صباح الخير يا وجوه الخير كلكم
شلونكم و شخباركم ..
نيي للمسجات الخاصه ..
رورو .. انا زينه الحمدلله .. انتي شخبارج ؟
سويتا .. حيا الله من يانا ..
حبيبي الوطن .. عاد فيليه الارنب الجائع .. الله يستر لا تطلبين لبن العصفور
نفيشه .. يحليلج و يحليل ولدج مع الشواذي .. و المعرض في ارض المعارض بمشرف .
بيتوتيا . . هلا و الله .. خلينا نشوفج و طلي علينا .
طماشه .. الله بالخير يالطيبه ..
عزيزه .. وين غاطه .. ؟
جوريه .. مبروك الوصول بكير .. و ان شاء الله دوم و ماهو بس يوم .. و بعدين على طاري مناشبكم على الفراش .. جم مقاس سريركم ؟
سمسم .. شلونج .. هذا حال الريايل .. ما يتحملون اي مشوار في الزحمه فما بالج مدارس العبال ؟
و احنا زحمه مو زحمه اهم شي المشوار يتم ..
كوين .. شالاخبار ؟ و الله نساتج قشره .. كيندر و مانجا .. واو .. شي مو طبيعي .. ما الومج ماشيه رجيمات .. و انا اشجعج من هاللحظه . .. و يحليل بناتج مع الوزات .. صج فيلم ثقافي .. و يا حظي وين الريال اختفى حزتها ..الله يسامحه .. و هم كله جذي الريايل لما تبينهم ما اتلاقينهم
بس عجبتيني على الشجاعه و اهم شي قلتيله فكر و مشيتي .. و على طاري الحيوانات .. و القطاوه بالذات احنا مربين بالبيت قطاوه و الافلام اللي تقولين عنها شفناها لين قلنا بس
دموع الكويت .. صباح النور يا اللولو المنثور
فروحه توحه .. يا اهلا و سهلا و على فكره في بوخيط للريايل .. و تبين تتاكدين جيكي عند بي اتش اس ..
.. و هم انتي كنتي بحديقة الحيوانات .. يادي الحديقه .. ما سوت على عيالكم
اموله .. وينج يا بنت ؟
سعوديه .. وينج .. عسا ما تتنسين فينا و تبعدين عنا .. الله يهون عليج ..
و الباجين لا يهونون .. شخباركم كلكم شخص شخص . . .
انا عن نفسي .. ساحبه على الدوام اليوم . و مداومه 9 و عشر دقايق .. لا من تعرض الويه يايبتلي ريوق من قيصر بعد .. من يامر على شي ؟؟
شسوي .. قعدت 7 و عشر قلت ما يمديني اوصل بالوقت جان اسحبها نومه لي 8 و قععدت على الراحه .. اهم شي لما الواحد يعرف قدر نفسه و طاقته و يدري تاخير يعني تاخير بعد ليش الطياره على دقيقه و دقيقتين .. العمر مره يا ناس و الا شرايكم ؟
