>>>ديوانيه--- أمهات بجريات <<<

[om 7sony]

تطهير ولدي يوم الثلاثاء
مادري ليش من الحين شايله هم
خايفه عليه
اخاف يتعور حبيبي

 

[Ms.electric]

لا تحاتين ان شاء الله ما يتعور و صدقيني اذا بيتعور عوار ساعة و يروح

ام حسوني الردادة اللي يبتيها جم خذت منج و شنو سوتلج ؟؟

 

[Ms.electric]

انا مو قادرة انام و اسمع شيوخة تكح .. قمت ابجي بروحي من كثر ما معورني قلبي عليها

الله يشافيها يا رب

 

[om 7sony]

حبيبتي
الله يشافيها يا رب

الرداده يابتها حماتي قبلي ومرت اخوي
وحده قالت تاخذ ٤٠ ووحده قالت تاخذ ٥٠
انا قلت بعطيها ٥٠ بس يوم ييت ادفع كان بس عندي عشرينات
فعطيتها ٦٠
وقلت لها هذي حقج
فبالضبط مادري شكثر تاخذ
اذا تبين تتاكدين ساليها بنفسج

 

[om 7sony]

اول يوم يت دهنتني ودهنت بطني
عندها حركة عجيبه دلكت بطني وفعلا حسيته خف من اول مره ما شاء الله
ودهنت ودلكت جسمي كله
حتى اصابع ريولي

وثاني يوم بعد نفس الشي
وسرتي ضغطتها ودخلتها لي داخل ردتها مكانها
ودهنت راسي ودلكته >>> افف وناااسه
وحطت لي شي بظهري وعلى راسي
نسيت شنو اسمه جنه لبخه او شي جذي
وثالث يوم الصبح يت دهنت البيبي وسبحته
ودخلت معاي تكرمين الحمام
فركت جسمي >>> ولا اقدعها حمام مغربي
وبعدين لفت ويهها
وخلتني اغتسل غسل النفاس
وهي مغمضه
اي ،،، وكسرت بيضه وخلتني اقعد عليها
طبعاً ليومج هذا مادري ليش :/

وبعدين راددتني ~~~~
وبخرتني بماي مع دارسين ومسمار جنه
غطتني بالكفر وحطت الماي وخلتني اتنفسه
وبس وسلامتكم
هذي تجربتي مع ام عباس

 

[Ms.electric]

لوووووووووووووووووول ام حسوني يعني تحسين عظامج ردت ؟؟

و سوت شي برحمج او قالت لج شي عن الرحم ؟؟ حسيتي بفرق ؟؟

و يا ليت تحطينلي رقمها ام حسوني ...

 

[om 7sony]

ان شاء الله ادزه لج عالخاص

 

[Ms.electric]

اوكي ام حسوني ..

بخصوص الرضاعة ترى اهيا تعتبر مانع طبيعي بس لازم تكون كله طبيعي و لازم ما تنزل عليج الدورة

بس انا قاعدة اقول دام اكو حبوب حق المرضعات ليش ما آخذ احتياطاتي بسال الصيدلية و بسأل دكتوري و اذا قالولي

عنها شي بقولج

 

[أم صقر المنصوري]

ام حسوني أنا سمعت الحين قانون يديد مايطهرون
الولد إلا بعد الأربعين موو نفس قبل أي وقت بعد الولادة
لازم يكون خالص الأربعين ..

مس عدل كلامج إهيا مانع طبيعي بس حق اللي داايم ترضع من صدرها مأتعطيه صناعي بس
يعني نفس حالتي مرة في حليب يطلع ومرة لا بالحاله هذي مافي مانع قوي
وودي أخذ حبوب بعد الأربعين اضمن بس ريلي موراضي يقول الحبوب تلعب بهرموناتج
بخليهإ على الله ..

 

[om 7sony]

ام صقر
لا لا عادي اي وقت يطهرون مافي قانون ولا شي
انا يوم كنت بالمستشفى اتصل علي الدكتور قال اذا تبين نطهره الحين عادي
بس انا خليته لم شوي يكبر مادري ليش
يقولون بالمستشفى اريح

 

[أم صقر المنصوري]

يالله عاد الله يعينج إذا طهرتي ...
غده شره ياارب ..
أنا أنشأاءلله بس اطلع من الأربعيين بطهره ..

 

[Ms.electric]

توني رادة من الطبيب حق شيوخة ؛(

 

[om 7sony]

ها
بشري
شقال الطبيب

 

[أم صقر المنصوري]

ماتشوف شر شيوخه مسكينه هالنتفه
وين فيها حيل المرض ..
طمنينا مس شقال الطبيب ..

 

[أم صقر المنصوري]

صدآآآآآآآآآآع

 

[om 7sony]

وااااي ام صقور
الله يعينج والله
سلامتج ما تشوفين شر ان شاء الله

 

[Ms.electric]

طولت عليكم :\

الله يسلمكم قالي البلغم اهوا للي مشيش الكحة عندها و مؤثر على الشعب الهوائية

طبعا عطاني كمام اليوم و باجر و اللي عقبه و شفط شوية من البلغم و عطاني 3 انواع من الادوية لمدة اسبوع

قلتله انا مابي اعودها على الادوية قالي لا اذا ما عالجتي البلغم راح يصير فيها التهاب و اهيا توها مناعتها ضعيفة

عاد ضاق خلقي .. بس الحمدالله على كل حال .. الله الشافي المعافي

بس قضيت اذونها وختي سلم قلبها جان اقعد ابجي :\

 

[Ms.electric]

الشر ما اييكم بعد قلبي

 

[أم صقر المنصوري]

إلله يسلمج أم حسووني ...
الله كريم

 

[أم صقر المنصوري]

حبيبتي ماتشوف شر بنوتج الله يشافيها
يااارب ..
ؤااي حلات البنات بعد مأقضوا أذونهم ..

اليوم مابينت مشتطه ولأ أحلا الله إنشاءالله خير ..