>>>ديوانيه--- أمهات بجريات <<<

[احلاانسانه]

شلونكم بنات ادعو لبنتي
الله يشفيها 

 

[مشتطـه]

عسى ماشر احلى شفيها بنتج




بناااااااااات انا اليوم 34 لي

ونازل علي علي دم
تهقون هذي الدورة ؟

واي جان زييين ؟

لان حاسه كرشتي اللي تحت منتفخه اليوم
ف اكيد هذي الدورة



مس مادري انا استخدمتها مرتين ونزل ماااااي وايد
يمكن لاني اخذتها مبجر يووم 32 و 33

 

[مشتطـه]

انا الاحد الياي عزيمة طلعتي
حجزت رشا شييييك
عند فائدة وبقولها انعم شي

واليوم استلمت بدلتي
وايد ذربه وتسوى سعرها صراحتن
سويت بدلة استقبال فخمه ماتصلح الا لعزيمة كبيرة من هالطقة

 

[احلاانسانه]

واللهً مادري كان خشمها مسكر
والكل يقول عادي فجاه بدت تكح
وتختنق تصير زرقا وترجع بلغم
وديتها الطبيب قال الشعب الهوائيه
متسكره لاني خليتها فتره خشمها
متسكر  ونزل علي صدرها
والحين كمام كل ست ساعات
ومضاد الكحه ودوا الخشم
تكفون ادعولها والله
معاد افكر الا فيها ياقلبي
شلون حاشه فايروس من شنو
وقفت كل شغلي ومقابلتها
مااعرف النوم والله صايمه
بس ماي واذا يعت كليت بسكوت
الله يشفيها

 

[عيون روحي]

الله يستر عليها و يشفيها لك ياقلبي

 

[الملح و القبلة]

مشتطة تقطعينهم بالعافية أنا للحين ما سويت شي ببلش من باجر تجهيز

 

[الملح و القبلة]

احلا انسانه الله يستر على بنتج و يشفيها بنتي نفس الحالة علاجها بس نقط انف و فم و الله يستر و اذا تطورت الحالة مالها الا الكمام

 

[Ms.electric]

أحلى ما تشوف شر الصغيرة الله يشأفيها يا رب ،،

أم حسون موجودة أنا بس ألواحبات مأخذه وقتي غير الصالون ؛)

أمبي بنات حفيت اليوم أحس ونااااااااسة بس خدود وإيد ؛/

كان فبالي خدودي بتروح

إممممم ولهت عليكم و الله أم صقور و أم عزوز أم حسوني أحلى مشتطة الملح و عيوني و كل اللي بالدوانية

 

[الملح و القبلة]

أهلين بنات أنا الاسبوع الجاي ببلش غسيل و تشحيم اول شي حمام مغربي و بعدها ب٤ايام ليزر و الاسبوع الثاني فيلر و قبل طلعتي بيوم بدكير و حواجبو صبغ شعر

 

[الملح و القبلة]

افكر اسوي ظهري و بطني أوكسجين عشان يفتح شوي شرايكم بس المشكلة الأوكسجين حار على بشرت جسمي

 

[الملح و القبلة]

بنات أخاف اذا رحنا بيوتنا ننقطع عن بعض لان المسئولية راح تزيد لان مو بس بيبي هم ابو الشباب يبي من يقابله
قبل اقول المرأه خلطانه تهم زوجها عشان البيبي بس الله يستر لان الحلوه ماخذه وقتي كله و ما اعتمد عل الخدامة

 

[الملح و القبلة]

بنات منو جرب خلطة ازالة التشققات الي تطلع بالصفحة

 

[om 7sony]

احلا
حبيبتي ما تشوف شر البنوته

طمنينا عليها شلون صارت الحين ؟؟

مس
يعطيج العافيه ،،، الله يوفقج وتنجحين وتشوفين نتيجة تعبج

 

[om 7sony]

الملح
حبيبتي حاولي تنظمين وقتج يا قلبي ولا تحاتين هالشي
وديري بالج تهملين زوجج او نفسج عشان البيبيه
وفقي اهتمامج بينهم وعطي نفسج من اهتمامج بعد

 

[om 7sony]

والله الملح انا ما جربتها ولا افكر اجربها الصراحه
مادري اخاف :/

 

[STILL G L A M ~]

بنات انا ولدت اذا احد يذكرني لوووول بقيصريه ..

المهم


بنتي تتعصر وايد شسوي ابي حل طول اليوم تتعصر عطيتها يانسون وناي غريب ماكو فايده
وحتى واهيا نايمه اتطع صوت آآآآآ جذي لوول شلون اقولكم :\ ابي هاذا طبيعي ولا اوديها الطبيب حدها نتفه مابي يفغصونها

 

[Ms.electric]

still ترى حتن انا بنتي جذي و الدكتور قالي الغازات ما راح تروح الا بالشهر الثالث و لمن يبلش الياهل ياكل

او جربي ممكن من الحليب ...

الملح لا تحاتين حاولي تنظمين الوقت مثل ما قالت ام حسون ... و ان شاء الله ما ننقطع

 

["Om 3AzOoZ"]

سلاااااااااام ولهة عليكم وايد حده حوسه ولويه لين اللحين الوضع متخربط عندي لا قاعده اطلع ولا اروح مكان بس مجابله عزوز حده ضيقة خلق احس تقيدت مو نفس قبل كله قاعده بالبيت حاشتني كأبه:eh_s(11):

 

["Om 3AzOoZ"]

حبيبتي احلى ماتشوف شر البنوته طمنينا عليها

 

[om 7sony]

still
الحمدلله على سلامتج حبيبتي ومبروك ما ياكم
تتربى بعزكم ان شاء الله
الغازات تعتبر المشكله الزليه بالنسبه للبيبيات ,, كلنا هني عانينا منها
اذا ترضعين طبيعي خخفي من الاكل اللي فيه غازات وتدفي عدل ,,, عشان الغازات اللي بجسمج ما تروح حق البيبي مع الحليب
وترى اوقات الادويه العشبيه والماي غريب ممكن تسبب اذى حق معدة اليببي ويمكن ما يحملها وبدل ما تفيده تاذيه
جربي اذا تبين في دوا اسمه ديسفلاتيل << انا جربته حق ولدي واحس يرتاح عليهوفي غاز بمبي هم وايد مدحوه
بس اذا مشكلة بنتج بس الغازات ,,, لا تودينها طبيب ,, احس هالشي طبيعي وعااادي جدا
بس لازم تعرفين شلون تتصرفين معاه
وحاولي تنيمينها على بطنها, وتدلكين بطنها عشان تطلع الغازات
والله يخليها لج يارب وتشوفينها عروس