>>>ديوانيه--- أمهات بجريات <<<

[fofo90]

هلاوغلا أم حسوني
مايوحشج غالي بعد عمري
وأناا بخير انتي شلوونج
وشلون شيخنا ..

 

[om 7sony]

والله بخير انا وحسوني
الحمدلله
وينج قطعتي عنا

 

[مشتطـه]

مساء الخيررررر بنااااااات

شخباااركم


واي ولدي يمي يصايح من الغازات


احس اول يتقطع قلبي
الحين تعودت

لان كل اليهال جذي وهالشي طبيعي فيهم ف طاااف صار عندي




المهم شخباركم

صخه حيل

رحت بطلوعتي رشا شيك عند فائدة يا حلو مكياجها ذرررررررب ناعم لبناني قتلها ابي

وفعلا كريم اساسي طبيعي
والمكياج ذررب


لان مسويلي عزيمة ب بيت ريلي


وبدلتي بعد وايد حلوة مصممتها عند اتيليه ديفوووون

 

[بولندية]

انا اليوم طعمت ولدي و الله يعينا عالتطعيمات الياية =(

 

[عيون روحي]

بنات انا طلعتي بكره وبسافر لبيتي

احبكم كثير و الله اني استفدت منكم ومشكورين عالايام الحلوه اللي سولفنا فيها مع بعض

 

[om 7sony]

مشتطه
فديتج
اكيد انتي اللي محليه المكياج والبدلة
عليج بالف عافيه ؛)

 

[om 7sony]

بولندية

هالله هالله بالولد
على طول حطيله كمادات دافيه
وعطيه ادول عشان ما يسخن

ها شنو شعورج ؟ دخلتي شفتيه وهم يغزونه ؟

 

[om 7sony]

عيون زوجي
الف الحمدلله على سلامتج

الحين عاد تبدا الامومة الصجيه
موفقه حبيبتي

 

[Ms.electric]

ولهت عليكم

 

[Miss independent]

شلونكم بنات بسجل معاكم


مس انا بعد ولدي خشمه يطلع صوت @@
ومعاناتي مارح تصدقون مع شنو
مع التتريع!!
اذا ماترع بعد الرضعه يرجع
عاد يلا شوفي كل رقمين لازم ترعه هههه استغفرالله واذا ماطلعت يرجع
شالحل اذا ماطلعت

 

[om 7sony]

مس
مي تو والله ولهت عليج
وينج مختفيه انتي وام عزوز

 

[om 7sony]

حياج الله مس
الحين لازم ندورلج اسم ثاني عشان لا نتخلبط مع مس

حبيبتي انا بعد مثلج
يشرب شوي ويتريع ويرتاح وابدل له بامبرز بعدين اكمل الرضعه
عشان لا يرجع

 

[Ms.electric]

و الله أم حسوني لاهية بالكلية تعبت ؛/ بس ما بعد الصبر إلا الفرج

الأحد تطعيم شيوخ و أمي بتكون رايحة العمرة و حدي خايفة لأن ريلي ما يحب الإبرة عنده فوبيا

يعني أنا اللي لازم امسكها

شلون النسيب

 

[om 7sony]

لا تحاتين مس
قلت حق حسوني قال هو بيمسكها:krkrkr:

عادي مس والله لا تحاتين
انا مسكت حسوني
عادي مسكته ولفيت ويهي عشان ما اشوف :tongue22:

صج صرخته تعور القلب
بس شوي و سكت

ابيه تطعيمه الياي يوم عيد زواجنا
حده مو وقته:eh_s(14):

 

[احلاانسانه]

قوه شلونكم
هههه حلوه ام حسون حسون يمسك
شيوخه فديتهم كلهم
انا بعد بنتي ماترع وايد وطول وعقب ترجع
رضعتها كلها 
امي زفتني امس  ليش ماترع البنيه شسوي
يعني ماتبي
سم الله عليها مومخليتها علي طول معاها
اول مره اهتم بالبيبي ههههه قاعده اسولف
عليها وطالعني ياقلبي اذا سكت
تضحك او تسولف تهببببل تطعيمها بعد
اسبوع
بنات اللي يايبين بنوتات متي تركبون لهم
تراجي شريت لها تراجي ذهب يهبلون وسوارتين
ههههه بس خايفه اركبها لها مادري عادي الحين

 

[مشتطـه]

واااي يا حلو البنات يشوقون


ام حسسووني التطعيم الثاني متى ؟ لما يصير عمره جم

انا 7-4 تطعيمة الاول

الله يعين

صج يمرض والا حجي فاضي ؟

والابرة ليمتى تعورة

بس وقتها والا تتطول ؟


انا الطهار وماصدقت خلص





عيون روحي بالسلامه ياقلبي

راح نفقدج لا تقاطعين
عساها رده سعيده يارب

 

[مشتطـه]

كل وحده تقولها شنو حبوبها منع الحمل ؟

 

[om 7sony]

مس التطعيم الثاني
٣ شهور
يعني ٧-٥ تطعيمه الثاني

يمرض اذا ما اهتميتي فيه
حرصي عالكمادات والادول
عشان ما يسخن

انا حسيت جني مطهرته مره ثانيه
يومين ويروح العوار تقريبا
بس اهم شي الكمادات الدافيه عشان يتحرك الدوا بريوله

وي فديت ريوله والله

 

[om 7sony]

انا ما اخذت ولا ابي اخذ حبوب
للحين خطتنا ان نعتمد عالواقي الذكري

افضل حل بالنسبة لي

 

[Ms.electric]

لوووووووووووووول حلات حسوني و الله ؛) ،، شكلي بسوي نفسج بغمض عيوني

أحلأ ما يصير تحطينلها تراجي ذهب أول سي لازم طبي و ليش توج تقضين أذونها أنا قضيتهم

لما صار عمرها 10 أيام ،،

مشتطة أنا استخدم اللزقة و في ناس ساءلين فيها