>>>ديوانيه--- أمهات بجريات <<<

[fofo90]

اي حددده مشتطه فترة النفااااااااس
لووووووعه

 

[غمـــ ^^ ـــازه]

واااى من صجكم

النفاس اينن لوول بس الريحه مصيبه بهارات وحلبه

بس وناسه بين امي وخواتي

وخالتي تزورني بين فتره وفتره حبيت النفاس :")

 

[دلال و غلا]

قوه بجريات شخباركم ؟

فديتكم بما انكم بجريات وانا بعد بجريه عندي كم سؤال

- ابي اعرف متى جاكم الطلق او الولاده اخر التاسع او نصه لان الكل يقول البجر تاخذ الشهر كله
وشنو سويتو اول شي اكيد توتر و خوف انا الحين منعفسه وخصوصا اني بالشقه بروحي وافكر اذا جتني الولاده شنو اسوي وشلون اتأكد اذا ولاده ؟

 

[Ms.electric]

إنا ولدت ثاني يوم بالتاسع ؛)

الملح حياج ويانا بالقروب. مشتطة ترى ناقصج القروب

 

[مشتطـه]

حياتي مس بس ما احب نظام القروبات وجذي احس ازعاج ولوية ما يصلح لي
ما امسك تلفوني وايد

-
-
-
-

دلال وغلا
اغلب الحوامل ياخذون 3 اسابيع من التاسع
هذا الي لاحظتـه

 

[مشتطـه]

انا نزل علي دم الصبح
وعرفت انها ولادة
قبل الطلوق
كانت طلوقي خفيفه

وصارت قوية عقب 10 ساعات تقريبآ يعني 4 العصر

 

[fofo90]

دلاااال انا ولدت تقريبا اليووم
الخامس من التاااسع وماكنت متوقعه
مافيني اي عارض ولادة
الحمدالله على كل حال

 

[الملح و القبلة]

دلال و غلا انا خذيت التاسع كله و لدت بآخر موعد لي ما حسيت بطلوق نزل علي ماي رحت المستشفى طلعت فاتحه 2 سانتي و مو حاسه بشي

 

[3rosa]

حبيبتي ام صقور دوووم يا رب انا بخير


انا ولدت بولدي الاول بنص التاسع بس دكتوري ولدني لانه ما حسيت بحركه البيبي والدكتور كان خايف

وما كنت حاسه بولا شي بس عوار خفيف

و بولدي الثاني معاناه ولدت بنص التاسع بعد بس من الثامن عوار طلوق ذبحني من التعب وما كان عندي خدامه ومهدي متعبني ماش اء الله حركي وبط الماي وانا نايمه بالفراش وحيل خفت

وتوهقت اتصلت على ا مي الوحيده ردت على لانه كان حزتها الفجر واتصلت على دكتوري قالي روحي المستشفى واهم يتصلون علي ولمن وصلت مفتوحه 6 سانتي


الله يسهل عليج حبيبتي

 

[الملح و القبلة]

انا بالمستشفى فتحوا الكيس فزادت الطلوق على قولتهم بس احس انهم عطني طلق صناعي لان الطلوق جتني بسرعه و قويه و الحمد الله ما طولت بغرفة الولادة تقريبا ٧ او ٦ ساعات بس تعب و عوار مو طبيعي بس عوار الولادة يهون على النفسية بالنفاس

 

[الملح و القبلة]

بنات ابي اسوي شريط بعمر بنتي هي نولدت ٢/٨

 

[3rosa]

حياتي انا نفش الماي الباجي 6فوق البيبي معلق و شفطووه و نزل كل شي و عطوني طلق صناعي بعد علشان ينزل و حبولي ياها مستعسره

 

[fofo90]

عروسه ألحمدالله على كل حال
والله السهاله من الله
الملح أنا يوم أليمعه كنت أحس بعوار
ومادري أن طلق وعادي تحملت وريلي كان
بالمخيم وسكت ماقتله ؤتم الألم لي الفير بعدين
رااح قعدت السبت مافيني اي عوار مستانسه
وكان عندي موعد طبيب أول موعد لي بالتاسع
رحت ولا أقولها فحصيني بحصتني طلعت مفتوحه
8 سانتي وأنا موحاسه استغربت الدكتورة تقولي
شلون جذي دخلوني الولادة الساعه 5ونص
الساعه 7 و44 دقيقه الحمدلله ولدت وماياني طلق إلا
بعد مابطت الدكتورة جيس الماي

 

[fofo90]

بحصت=فحصت

 

[3rosa]

حبيبتي. نفس الشعور. انصدمت لمن قالت لي. ٦ وااااااي الماي مو صج. تلف الفراش وغرفه النووم. بولدي اول. الدكتور بطلي الماي.


الف الحمد الله على سلامتنا. والحمد الله على كل حال

 

[star girl]

السلام عليكم
بسالكم أنا نفاس 25يوم ولدي يشرب حليب رقم اثنين
محيرني كل ساعه ونص او ساعه بالضبط يبجي ويبي حليب
ماددري ازيد الحليب يعني اعطيه 3ارقام والا صغير

وهم عندي سؤال حفاظات ولدي بامبرس دايمااا يسرب وانا اغير الحفاظه كل ساعه بس
دائماً يسرب وتنترس هدومه *

ولدي فيه امساك يخرج مره وحده باليوم وساعات ما يخرج عادي عالييبي والا لا

 

[الملح و القبلة]

هلا start حبيبتي عادي زيدي الرضعه الى ٣ كل ساعتين و نص عطيه رضعة و بالنسبة للحفاظ شيكي عالمقاس أخذي حديث الولادة من ٢الى ٥ كيلو و صكي الحق أضع عدل انا كنت اشدها لما تلاقى اللزقتين على حسب خصر البيبي لا تخلينا وسيعة فتسرب

 

[fofo90]

عرووسه اي والله الحمدالله
ستار الحمدالله على سلامتج ومبروك ماياج ولاتزيدين الحليب لان معدت
البيبي صغيرة ماتحمل وطبيعي كل ساعه او ساعه ونص يبي حليب
بعد الاربعين انشاءالله تقدرين تزيدين الكمية..
والحفاضات تاكدي ان قياسه حق مولود موو اكبر
ولا تحاتين خروجه لان للحين معدته متخربطه ماتعودت بتشوفيم مرة سهال
ومرة امساك وتتغير اللون بعد..

 

[(لولوه)]

قوه امهات بجريات شلونكم يا حلوكم اتهبلون وانتوا امهات عسانا نبلغ في عيالنا
ونشوف احفادنا ذيك الساعه نفتح قروب جدات بجريات هههههه عاد مصخه ماصارت بجريات هههههه

ستار اخذي حفاظات لابييري وايد مريحين حق البيبي بامبرز معروف يسرب
وبالنسبه للحليب خليه نفس المقدار لا تزيدين بس كل ما ياع عطيه حرام حتى لو كل ساعه ونص
والامساك حدث ولا حرج عاااااادي يومين ما يخرج الا مره وحده
غيري الحليب يمكن مو موالمه

 

[غرومه غنوجه]

خوش موضوع وربي لاني حامل بجر وبعدني ماولدت وحابه اشوف تجاربكم وسوالفكم بعدني مابديت حبيت اعلق بعدين ابدي اقرا اشوف مواضيعكم الي متكلمين فيها

ثانكيو عالديوانيه العسل