>>>ديوانيه--- أمهات بجريات <<<

[beauty rose]

قوة بنات عجبني المووضوع

انا حمدلله ما خذيت حبوب مانع ولا حطيت لولب
و صارلي 5 شهور من ولدت قيصرية حمدلله ما حملت
و طريقتنا بمنع الحمل بان نهاية الجماع تكون برة => لول عاد انتوا فهموا
بس البعض يقول ان الطريقة مو آمنه ، انا اشوف انها احسن من العب بهرموناتي و اقعد اعالج بعدين

 

[fofo90]

هلاوالله روز
عدل كلامج انا نفس طريقتج وصارلي تقريبا
3 اشهر وشي من ولدت والحمدالله للحين ماصار حمل

 

[مشتطـه]

سمسمه امبلى راح تتأذين بالرضضاااعه اخذي شي مبطل وسهل

 

[مشتطـه]

بيوتي اللي مكتوب بيصير

لا حبوب ولا لولب

تمنع الرزق



وثاني شي ما ردج بتاكلين حبوب والا بتحطين لولب

عيب بتمين طول عمرج على هالحاله وعلى فكرة اذا تميتي عليها وايد
بتحملين بالوقت الي ماتبينه سواء الحين او عقب

 

[الملح و القبلة]

أهلين بجريات منو منكم طعم بيبيه تطعيمه ٤ اشهور تعور و يسخن البيبي بعدها لان بنتي تطعيمتها اول ٦

 

[مشتطـه]

انا 10-6 تطعيم ولدي

 

[مشتطـه]

جنهم قالو امبلى يعور نفس بو شهرين

 

[الملح و القبلة]

مشتطه نفس الي سمعته انا تطعيم بنتي ٦/٨

 

[دلال و غلا]

سلام عليكم

بنات انا نفاس توني ما كملت ٨ ايام

ذبحني الوسوااااس والمحاتاه / كله احاتي الخيااط احس انه خياطي مو شاد حيل واخاف مومخيطيني عدل
وكله اقول يمكن ما ارد مثل اول قبل اولد 
من صار لها مثلي ؟؟؟
وبعد انا سابع يوم ما قدرت اتحمل اقعد بدون تسبح اخذت لي شور و سشورت شعري والحمدلله ارتحت
بس خرعوني اللي عندي قالو اقل شي عشر ايام ولازم الملفع بنفاس ما تقطينه وتلبسين كم طويل

لاعت جبدي ابي اخذ راحتي باللبس ومابي الملفع 

ابي رايكم بلييييز انتو اخبر مني ؟؟؟

 

[أم يزيد &سديم&]

ماكو مثل اللولب راحة وامان
بس اهم شيء تركبينه عند دكتورة شاطرة

 

[دلال و غلا]

بنااات شفيه التجمع صخه / محد رد علي 

 

[حبج يا يمه بدمي]

انا ماعندي خبره لانه راح اول اول شهر ٧ وهذا اول بيبي
بناااااااااات تكفووووون ساعدوني حدي خايفه انا ماطعمت كلش كلش ولا تطعيم والحين دخلت الشهر ٨ وسألت دكاتره بالحكومه والخاص قالو لي عادي مو شرط بس خااااايفه يصير بالبيبي شي رغم كل شهر اسوي سونار واااضح كل شي وانه مافيه شي بس مادري كل ماقول حق وحده تخوفني والحل الحق ع عمري اروح اطعم ولا شسوي *

 

[مشتطـه]

انا ارد عليج



عاد انا تسبحت ثاني يوم ولاده
قبل لا اكمل 24 ساعه


بالنسبة للوسواس انا مثلج عادي

كله عبالي بينفتح الخياط

وكله عبالي ماراح ارجع مثل اول


بالنسبة للملفع ما كنت البسه وايد مرات

بس الدلاغ مافارقني كله معرقة من الملابس الي البسهم

الخياط لا تحاتينه عادي
ولا تعقدينها اهتمي على سنع مو على وسواس نصيحه

 

[beauty rose]

اي اكيد اذا الله كاتبلي الحمل بحمل غصب علي في ناس تاخذ حبوب مانع و حملت عليهم بعد

الملح انا طعمت عيالي هالتطعيم انا عنندي توم اسم الله عليهم البنت ما صار فيها شي عادي تلعب و تضحك جنه ما طعمتها و الولد لعب فيني حرارة 3 ايام و كمادات و ما يرضع حليب و كسوول ليما حمدلله تعدل وضعه و رجع طبيعي


دلال و غلا انا تسبحت ثاني يوم ولادة و تسبحت بنفاسي كذا مرة قبل ال 10 لا تمر
ما كنت استحمل اقعد خاصة ان جوونا كان شتى و بالبيت دفايات وانا لابسة ثقيل و مع ادوية النفاس الجسم يصب ماي
كنت يوميا اغسل جسمي امسح تمسيح بس مو دوش كامل
و كل 4 ايام اتسبح سبحة كاملة مع شعري
بس اهم شي دفي الحمام بخاااار
و ما كنت البس شيلة ، بس مرات احس ببرودة باذوني الف شيلة قطن علي
اهم شي الدلاغات و اكلي عدل و شربي شوربات

 

[حبج يا يمه بدمي]

بناااات منووو اللي فيكم ماطعمت انا دخلت شهر ال٨ ماخذيت ولا تطعيم تكفووون ردو والله اني خايفه يقولون موزين لازم تاخذين تطعيم 

 

[حبج يا يمه بدمي]

بنااااااات وينكم لو وحده ترد علي واطمني والله احاتي وخااايفه

 

[حبج يا يمه بدمي]

وييييينكم اليوم محد فيكم ردو علي تكفووون والله انطر ع نااار عادي اذا ماطعمت ولاتطعييييم

 

[الملح و القبلة]

انا ما اذكر اني خذيت اي تطعيمه يمكن بالولادة يعطونا تطعيمه ضد التسمم بس

 

[حبج يا يمه بدمي]

والله مادري انا الحين محتاره بنااات يعني محد فيكم طعم

 

[Perfume]

حبج يا يمه
حبيبتي تطعيم شنو ؟
تسوين فحص تشوفين مناعتج ضد الحصبة الألمانية
اذا ماعندج مناعة او مناعتج ضعيفة يطعمونج بعد الولادة